بلوتوث + صور : مقلب قناة الجرس + هندي بالخلطه النجدية .. منوعات


يـسـعـد مـسـاكـم
سلام كبييير لاحلى قروب … يالله حيهم كلـ(ن) باسمه
ويك آند حلوو للقميييع وان شاء الله توسعون صدوركم معنا في هالموضوع الخفيف

الايميل اليوم فيه مثل العادة صور وبلوتوث ولالالا احلى
بس قبل ماندخل بالموضوع احب اقول انه لو فاز ميلان اليوم في دوري أبطال اوربا بشرط لكل واحد حلاو بقر ومصاص من النوع الاصلي

شرط = هبه = هديه <<< يتداولها الشيبان والعجز قديماً
خلوونا بالموضوع لا ينتفنا ابو نواف حنا ومصاصاتنا

بلوتوث

ياسلام وياسلام الله .. ياحمام جر الالحاني
صابني من بد خلق الله .. صابني مير الله احياني
<<< عفس غرفته بسامريه
اقول تذكرون خوينا الهندي اللي في موضوع مخاوي الليل هندي
هذا مهوب بعيد عنه بس هذا هندي تأثر في نجد وتراب نجد وصار يتفنن بالسامري

بلوتوث


ندى – مذيعة قناة الجرس
قبل فترة عطيتكم مقطع فيديو لها وهي تسب وتشتم المتصل في موضوع سابق
لكن المقطع هذا غير ههههههههههههههه
واحد متقدم لها يبي يتزوجها وارسل الفاكس للقناة وهي ماصدقت نشرت الكلام على الهواء
وطبعاً مع قليلاً من التهزئ والمهايط لزوم البريستيج العصبي
انا ما شب على تسبدي إلا يوم قالي واحد انها تقول انا سعودية
عموما لايفوتكم المقطع

بلوتوث


يوم الاربعاء الماضي
كلنا سمعنا عن العاصفة الرملية اللي جت فجأه بالدمام
اللي صار وعلى حسب ما سمعنا ان العاصفة تسببت في وقوع حوالي 80 حادث
لاحول ولا قوة إلا بالله
هذا مقطع لعدد كبير من السيارات كلها داخله في بعض

بلوتوث


دباب + بورش + طيارة اف 16 الحربية
مسوين سباق في مدرج للطائرات
بصراحه المقطع رهييييب

بلوتوث


فكه الله
ولا كان الولد داخل راسه برقبته

بلوتوث


صور

صورة متحركة
هذا يهودي مشارك في (سوبر ستار) النسخة الاجنبية
بس طاح طيحه على وجهه تبرد التسبد
لو حبيت تشوف الصورة المتحركة اضغط على الصورة

جوهرة السعودية
برج الجريسي الجديد

لامبرجيني جالياردو نيكل
Saudi Arabia

ياعيني على الحب يانااااس

المكان : القاهرة
الزمان : قبل عيد الأضحى بيوم

مافي اسلوب هههههههههههههههههههه
حتى اللي مو ناوي يرمي زباله هنا بيرميها عناد فيه

شف هالمقاريد هههههههههههههههههه

احلى بالشقلوب

ههههههههههههههههههههه
كل واحد ياخذ باله من عصا الفتيس
لازم نوحد اللهجة ياجماعة مايصير كذا هههههههههههههههههههههههه

ضاااقت الاماااكن يعني
إلا يصورون هنا ؟ ههههههههههههههههههههه
هم الظاهر قروا كلمة (سياحية) وصوروا عشان يقولون لخوياهم اخذنا سياحة برى

عاش ابو راشد
ابو راشد وشلته ميتين حر شابكين 6 مكيفات ياكافي
والله لو حنا بالصومال ياشييخ

الديموقراطية بحذافيرها

اموت واعرف
الحين هذا كاتب اعلان ؟ ولا يهدد ؟ ولا كاتب قصيدة ؟؟ 
واحد يترجم لنا 

الحين اللي مفتحين ويشوفون ضيعوا دربكم
تبي المكفوفين يجونكم
عاد كل مكفوف بيجي يقرى هالكلام
يسمعوون بالاعلانات

احرق الروح قبل ماتروح وخل من القلب طفاية
للخرمة لذتها
<<< مشروع دشره

بالمكسيك عندهم مهرجان سنوي للحمير الله يعزكم
عاد هذا بعد التتويج انتخبوه ملك جمال الجحوش
يحلفون ان الجنس اللطيف من الحمير تقوطر سعابيلهم عليه

اللي باني الدرج انا ودي اشوف وجهه
احس ان المغزى والمعنى الحقيقي في كلمة ( دلخ ) باينه على وجهه

يبيلك نصف ساعة تناظر اللوحه عشان تحاول تفهم وش يقصدون بالضبط

باص فللللله
يلحس المخ

لايهمكم الشكل ترى سيارة بقوة 450 حصان
<<< ما تعووق

مادري وشلون يسوق هذا
الله يذكر ايام الجراندي بالخير


في الصين
باص مايكروسوفت الخاص في موظفين الشركة
ساعات العمل ضرورية مع زحمة الصين


تخيل موقف سيارتك بالمواقف في آمان الله
وبعد ما رجعت تشوف سيارتك كذا


انا لو هذا بيتي كان احوليييييت
بس الحق حق حرركة خطيررره


كسر خاطري الفلبيني هههههههههههههههههههه
محشور المسيكين هو وسيارته
شكله طلع مع الدريشه


ونختم الموضوع مع الضعيف هذا
تخيل سيارتك قدام عينك تحترق ومنت قادر تسوي شي


Comments 25

  1. ندى – مذيعة قناة الجرس والله هي الخسرانة خخخخخخخخخخخخخ بس باين انها ما صدقت حالها من الفرحة ههههههههههههههههههههههههه

  2. دائما متميز اخوي لكن حبيت اقول ان الصورة المتحركة واللي هي اول صورة كانت من برنامج..so you think you can dance..

  3. موضوعك اليوم متعوووب عليه روووعه احسن من اللي قبله:) اما الهندي فللللله شي.. والاندى هذي اللي مدري وش تبي ماخذه بنفسها مقلب وعععععع.. على فكره اول مرة اعلق على موضو يعطيك العافية

  4. الله لايهينك على الصور والمقاطع ولا تعبت اما صوره الباص فله ذكي الي اخترع الباص علشان ما يتعطل الباص اذااخترب يقلبه الباص ويمشي ويعطيك العافيه

  5. السلام عليكم ورحمة الله وبركاته الى الاخ العزيز يا بعدهم كلهم يا سراجي بينهم هبلي حبة واهب لك بوسة الخ الخ الى اخ الى اخ عزيز وصديق ومن جد موضوعك كان جدا في قمة الروعه والخوف وتعوذ الرجال بالله من ابليس الرجيم اللي هو سبب فساد الامة والشباب والناس الهايبة الواطية ..ما علينا … هو مطب والعيال اكلوه.. وبعد : … انت دايم رهيب … دايم اسأل ابونواف.. الرجال هذا قابلته ؟؟ حلو ؟؟ وش قصته ؟؟ على اليمين ولا ورى ؟؟ ابو نواف : يا فلان جي … وش عليك منه !! قلت ابي اهدي له نحلة … قال ليش … قلت لانه عسل وكلامه عسل الاكسباير حقة بعيد المدى … 15 كيلو ولا يوشوش والذمه على البايع وتحياتي يا حياتي ولا تقول سموكي ما رد !!! الى اللقاااااااااااااءء يلوح بيدة الكبيرة… أنتهى كلامه حفظه الله.

  6. سلام للجميع خلال السبوع السابق ارسلت تعليق للأخ أبو نواف تعليقاً و إقتراحاً بأن طالما كان الموقع عالمي والإشتراك كذلك لما لا نقلل من إستخدام العامية فنحن نعاني كثيراً من عدم فهم عامية الأخوة السعوديين وواضح من تعليقك أخي علي اليافطة اللي مكتوب عليها (كل واحد ياخذ باله من عصا الفتيس لازم نوحد اللهجة ياجماعة مايصير كذا هههههههههههههههههههههههه) إنك تقف في صفي وإن لم يكن كذلك فهو قد يكون سخرية والعياذ بالله. الغريب في الأمر أن الأخ أبو نواف رد علي رسالتي بانها فرصة للجميع لكي يتعلموا لغات البعض…!!!وحقيقة لم أحب أن أسترسل في النقاش معه. لكن أخي عندما أجد كلمات مثل هذه: دلخة-أرعص-مهايعطي-تبي تقولون-هالحين-يامال الي مانيب-الزهانة-همت رجعن-جتن تري كيف أفسرها…. أخوك المعز

  7. بصراحه أنت ت حفه على الايميلات الرهيبه اللي ترسلها.. بس أعجبني الهندي شكله راضع مع بدوي(: وتكفون اللي يكلم ندى والا يرسلها يسألها وش تحسبه والا تدون ماله داعي لاانها أكيد تحس بمرض نفسي والشرهه أصلن مو عليها على القناة اللي مخليتها تنشر مرضها وهالبنات اللي متحذفين عليها من كل جهه ومعطينها وجه شوي كأنها سوبر ومن والا هي اللي بتحل المشاكل الاجتماعيه خل تحل مشاكلها بالاول والعقد النفسيه اللي فيها بعدين تجي تتكلم…الله يعافينا مما أبتلاها يارب…. وويك أند أسعد لك (يابعدهم ) تحياتي لك ولفنك… نوسه

  8. الأخ أو الأخت يابعدهم أقدم لكي أو لك كل تقدير وإحترام وأنا من أشد المعجبين بإسلوب طرحك لمواضيعك الجميلة وأنا من مشتركي القروب لأكثر من 3 سنوات وأقدم لك إعجابي لمواضيعك ومشاركاتك القيمة وأنا لأول مره أعلق على موضوع في القروب أو أرسل للقروب وكان لابد من تقديرك

  9. الله يعطيك ألف عافية على المجهود اللي تسويه ، وبصراحة والله أستمتع إذا شفت تعليقاتك الرهييييييبة

  10. تصدق عاد يابعدهم ني وانا اقرا الايميل مطلعن بوكي بدفع للوكالة بشتري بورش بس يوم شف الدباب صقط عليه هونت الله يهديك قطعت رزقهم << تحسون انه يتسذب ايميل مثل العادة عسل مثل راعيه لا تحرمنا من ابداعاتك يالله مع السلامة << وجه يجدع بوسات

  11. ههههههههاااااي الظاهر ما صدقت االأخت الكريمه والهندي عجيييييييييييب الله يعطيك العافبه يا بعدهم موضوعك متعوب عليه ،،،،، أتحفنا بمشاركاتك الجمييييييلـــه والفـــــــــلـــــه .

  12. بصراحه اكثر شي عجبني البيت العجيب بس فله يعني لو عندي البيت واللمبرجيني روعه ……. تصدقو انه المذيعه ندي ** نوريه والله يا شباب انه شايفها في مرقص بسوريه قبل كم سنه ….هههههههههه فضحناها تستاهل بناتنا مايطلعون كذا وبنسبا لاخونا الطربان عنده مؤهلات ههههههههههه

  13. شوووكرن كثيرا وندووووه هذاي الغبي اللي يصدق انها سعودية والغبي اللي يتابع وحده سخيفه مثل هذي ومواصيعا الاسخف منها يامال الدقم ان شاء الله شووووكران مرتن ثانيه يابعدهم ولاتبطي نوبتن ثانيه

  14. ياولد ياولد ياولد ياولد ياولد ياولد ياولد ياولد ياولد ياولد والله الموضوع هذي يبيله مشكور وايد

  15. خطيييييير يا بعدهم ومشكور على بلوتوث + صور : مقلب قناة الجرس + هندي بالخلطه النجدية .. منوعات…

  16. مشكوووووووووور يا بعدهـــم على هالموضوع الحلو والي زي ماتعودنا منك ..بس حبيت اتأكد البرج برج الجريسي أو الراجحي ؟؟ أظن انه للراجحي 🙂 >>شككتني المهم مدري ويعطيك العافية…

  17. اولاً يعطيك العافيه يابعدد على هالموضوع 🙂 كالعاده مواضيع كووول وندى هذي عندي لها كم فيديو اش عندها لسانها فوق ظهرها بس تسبسب هع هع وترى الظاهر انا بعد سمعت ان البرج برج الراجحي @_@ بس يعني ايش عصا الفتيس @_@ واما الباص الصيني شييي :واو: يعطيك الف عافيه يااستاز موضوع ممتع قدن 🙂

  18. الف شكر حبايب (للجميييع) على الزيارة والردود وان شاء الله يكون الموضوع اعجبكم (: برايفت : أمــل + كاواي لا برج الراجحي يختلف عن برج الجريسي برج الراجحي مثل مانعرف ان فيه مكان مخصص لهبوط الطائرات بالقمة والشكل فيه اختلاف بس يمكن الزوايا هي اللي شككت فيكم هههههه ((هذي صورة لبرج الراجحي)) http://members.abunawaf.com/yaba3dhom/20070526/alraaj7y.jpg ومشكووورين مره ثانيه ياعسل (:

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بلوتوث + صور : مقلب قناة الجرس + هندي بالخلطه النجدية .. منوعات

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول