بلوتوث + صور + برامج : آثار البطاله + نمر بن عدوان


هااااااي أفري واحد يالله أن تمسيكم بالخير
كيفكم نفر نفر إن شاء الله طيبين
كل عام وأنتم بخير
ندخل بالموضوع دوووغررري


وهذا مقطع لطرزان الرياض لايفوتكم
هههههههههههههههههههههههههههههه
اضغط هنا

كلنا نعرف شريطية المعارض ومحرجينهم
ووشلون يقنعونك .. يلخمك مايعطيك فرصه
وذا الضحيه شكله مايبي السيارة بس خلاه يوقع بالغصب
اضغط هنا


برامج

برنامج
Folder lock
كلن عنده خصوصياته ووده يحتفظ بها
وهذا البرنامج للكمبيوتر لقيته بكل المواقع بس تجريبي
برنامج خطير وقوي جداً جداً
وقدر الله علي وشريت البرنامج بدراهمي
وقلت انقله لكم ماودي اخسركم يكفي زيادة الاسعار هالايام

للتحميل اضغط هنا
بعد ماتحمله وتثبته على جهازك تفتح الكيجين المرفق مع البرنامج
تجيك رساله سيتم اضافة المفتاح لهذا المسار
اضغط موافق وسو اعادة تشغيل لجهازك
ومبروك عليك البرنامج


برنامج الخزنه
وهذا لحماية خصوصيتكم في الجوال
وانا مجربة على
(n70.n95)
غير كذا لحد يسألني

للتحميل اضغط هنا
فديتني أنا شايلن همكم >


زيادة الرواتب

قبل ماندخل للصور
نبارك لجميع دول الخليج بالزيادات في الرواتب
وعقبالنا
وعندنا بالسعوديه كل يوم طالعين لنا بأشاعه في الزياده
حتى قناة العربيه معلنين عن الزياده

وفيه شاعر ارتفع ضغطه وكتب هالقصيده

الراس صاير فيـه ورشـة حـداده *** قام يتحلل فيـه مسمـار …مسمـار
قلت الركـاده ميـر ويـن الركـاده *** كنّي مع الحجاج في رمـي الاجمـار
من عقـب ماجانـا قـرار الزيـاده *** من مجلس اهل الجود وافين الاشبار
كـلٍ مـن الفرحـة بيقـدح زنـاده *** جبنا القروض نضارب السوق وانهار
وجينا نبي بـس الرجـا والهـواده *** والله وكيلك شبّت اسعارنا .. نـاااار
والراتـب الماخـوذ جتـه القـراده *** ماينزل الا..صافقه مثـل الاعصـار
فاتـورة الهاتـف وعاجـل سـداده *** والقرض والكهرب وتسديد الايجـار
والتاجـر المليـان جـاب الوسـاده *** يبـي يوصّـل راس مالـه لمليـار
والا المواطن صار..سهل اصطيـاده *** جته الهوامير بوسَط غـب الابحـار
واصبح نهار وليـل وسـط العيـاده *** مابين طب الراس والقلـب وشهـار
يامـن يوصّـل كلمتـي للقـيـاده *** للحاكـم المحبـوب والوالـد البـار
ماعاد نبغـى فـي الرواتـب زيـاده *** اللي نبيه اليوم تخفيـض الاسعـار

عز الله انه صدق


صور

صورة حقيقيه لنمر بن عدوان و وضحى وفي حضنها عقاب
أف يالـ (ام بي سي) 0
غشيتينا في وضحى شف وجهها ياطوله و بدون عيون بعد
مدري على وشو كاتبن هالقصايد كلها ويشيش بعد من زين الطبايع

يالله جبنا لكم الريالات الجديده

الحجاج يصورون مع زعيم القبائل الافريقيه في الجمرات


آثار البطالة على الشباب

أدري والله مهوب منكم من الفضااوة

والله من زين كراعينك أنت وياه يومنكم تطلعونها

ولا الغرنوق اللي على يمين كلش أبيض بأبيض كاشخن من ألدوو

شف ذا المهبل وش يسوون واعيبااه .. مايخلون اللقافه عنهم
انا مدري ليش حاطينها بأستاذ الملك فهد من جد ماتصلح لنا

هذا الظاهر انه من شلة الهيب هوب .. ومالقى إلا الهيئية يتحرش به

شقة عزوبيه < مافيه أمل يرتبون عفشهم


وآثار العنوسه على البنات

مكثره من الهيلستون .. شكلها ودددعت

لاتعليق

باسطين في العاذريه ..
ثلاثه بيبسي وثلاث جوالات وبنتين !! باقي بنت وينه < صايدهم

مدري وش قصة البنات مع العربيات

وذي بعد مدري وش تبي توصل له ..؟

أما هالثنتين مافيه حيا أبد
نعنبوا الشيطان أنا وربي مقدر أسوي كذا قدام خلق الله


أبي أعرف وش رقاه فوق

ربعنا ماعنهم وعن بيوت الشعر وشبةالضو حتى في سويسرا

والله من زود الطنخه

شعيب الفكوك أسألوا عنه الكداده حقين الخطوط

الفتاه باربي .. الخالق الناطق

يعجبني نظام مش حالك

أول ماشفت هالصورة سلفطت على ظهري من الدوخه

والله من زود الحرص عنده

الحين مالقوا الا هالمكان يكشتون فيه ..؟
والله اللي ماجلست تحتها لو يعطوني 30 ريال


البنات هالايام يتفنون في التصوير كل مايروحون مطعم يصورون أكلهم
اللي تصور ماك تشيكن في ماكدونالدز

واللي تصور دونات في بيت الدونات

والي تصور موكا في ستار بوكس

واللي تصور مطبق في فوال القرموشي
هذي شكلها تسمع بالتصوير

أتعب يالمعة الليمون ما أقاوم



فنان تشكيلي بس هالمرة بالفواكه


اليابانيين كل يوم مخترعين لنا حركه
وهالمره قاموا يتحكمون بشكل الخيار


ومابقى إلا نقول لكم
كل عام وأنتم بخير
وسامحونا على القصور
تحياتي
فارس الكلمه


تعليقات 13

  1. المره الجايه لا تأخذ مواضيع وصور غيرك من دون اخذ الاذن . الصوره الي انت حاطه مأخوذه من قروب بالفيس بوك المشكله انك ناسبها لنفسك والله حاله

  2. تسلم اخوي على الصور ……..كله كوم والمطبق والليمون واه والله عذاب جنبي ابو زيد لكن للاسف ما يسوون مطبق الصبح الله يسامحك انا مو مستغربة الا من صورة دورة المياه اللي تقول انها باستاد الملك فهد صدق عندنا كدا …..لا مو معقول ..؟ والله صرنا خواجه اش القرف ….والله شي يقهر

  3. < < جوه غير مطبق وموكا وليمون وحط شوي ليمون ورشه ملح ههههههه جرب وادعيلي مو تدعي علي طلعنا عن صلب الموضوع مشكور عل الصور ونتطلع منك الاجدد < < مادري الجمله صح ولالا هههههه المهم افهمها

  4. موضوع رائع جدا اشكرك اخوي فارس واتمنى منك الاستمرار بس ياليت تتخذ اسلوب خاص فيك في عرض الموضوع ..لان اول ماقريت موضوعك صراحه توقعته لغير البشر نفس السمايلات وطريقه عرض الموضوع تحياتي

  5. ماقصرت و يا صاحب الموضوع حركت البسمه فى وجيهنا متينسه من هلابرد و سلامتكم

  6. في البداية اشكرك على جهدك واسمحلي موضوعك لم يرتقي للمستوى الذي عهدناه في القروب اتمنى انك تراجع حساباتك وتترك عنك صور هالبنات 🙂 مجرد رأي

  7. موضوع حلو بس خربه بعض الصور ,,مدري على اي اساس حاط الصور باسمك وانك ماكتبت انك ماخذها من الفيس بووك … مع انه مالها داعي كلهن لووول

  8. يسلمو اخووي فارس الكلمه على موضوعك الروووعه ويعطيك العافيه واكثر شي ضحكوني المكرعنين 🙂 🙂 ليش احس انهم انتا وربعك 🙂 هع شكرررررن

  9. الصور حلوة لكن أتمنى أنك تترك صور البنات قليلات الأدب لأني أخشى عليك من الأثم لما يشوفها الأولاد و حتى ماتنتشر وتكون الفكرة عن بناتنا مو حلوة وكذلك صور الأولاد الي ماعليهم إلا شورتات وممكن تبين معنى [الفتاه باربي .. الخالق الناطق] ….. الله يعطيك العافية أخوي فارس ويفقك لكل خير

  10. الموضوع حلو وابدعت فيه ولكن الشيء اللي تمنيت عدم وجودة بالموضوع هو صور البنات وادين البنات حسيت مالهم ام داعي

  11. الموضوع جدا رائع واعجبني تعليقك على صورة وضحى وعجبني لقافة الشباب في الاستاد و ايضا ربعنا في باريس بس عندي سوال منهم ربعنا ومن هو الشخص صاحب الخيمة ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بلوتوث + صور + برامج : آثار البطاله + نمر بن عدوان

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول