بلوتوث + صور : انتبه ياغافل + مدرس تحفه .. منوعات


يـسـعـد مـسـاكـم
كيفكم قميييعا عساكم بخير

وش ابشركم … صرت مليونير
يقولك ان فيه رجال شايب في جنوب افريقيا ومات وراحوا يدورون الورثه مالقوا أحد
عاد البنك اللي فيه حساب الشايب مسوي شراكه مع بريد الياهوو ويرعصون هذاك الزر
وخم بط بالصدفه طاحوا على ايميلي وارسلوا يقولون لي فزت بـ 5 ملايين جنيه استرليني
لعنبوا ابليسهم ماتعوووق النصبه معهم ؟؟ لا ومن وسع وجيههم يقولون لازم تحط بحسابنا 10 آلاف لزوم اتعاب محامي الشايب
بعضكم يمكن توصله مثل هالرسايل او شبيهه لها (خصوصاً هاليومين) وترى يمدحون سلة المهملات للاشكال هذي
نعاود لموضوعنا <<< متعشي امس مع زلمه اردني
معي كم حبة بلوتوث على بقشة صور ان شاء الله تعجبكم وتوسعون صدوركم معنا

بلوتوث

كاد المعلم أن يكون رسولا
ايييه بلحيييل
لايفوتكم الطلاب والمدرس

بلوتوث


يا شين البقرة اذا زعلت
بس والله رفسه يحبهااا قلبك

بلوتوث


هذي تنفع يوظفونها بالجوازات
سرررعة بالختم خيااالية

بلوتوث


صـور

كلنا شفنا مباراة ليفربول وتشيلسي في بطولة دوري ابطال اوروبا الاسبوع الماضي
المباراة امتدت لضربات الترجيح
مدرب ليفربول رافائييل بنيتيز ما قدر يمسك اعصااابه
تربع بالملعب


في آخر الايميلات تكلمت عن الهلال ومره نمر الهلال ومره رقصة نواف بن محمد
النصروايين زعلوا علي وقالوا شدعووه عاد كله بالهلال
ولووو ؟؟ صح اني هلالي لكن مهما كانت الانتماءات نبقى اخوه ياقماعه
وهذي صورتين بس عشان سواد عنوونكم
مع ان النادي يمر في اسوء الظروف إلا انك تشوف جماهيرهم يزيد حبهم لناديهم


قبل اسبوعين شفنا صور وفيديو على حادثة السرقة في دبي
في موضوع سطو مسلح بمجمع وافي سنتر
 تم القبض على المجرمين
اضغط على الصورة لمتابعة التفاصيل


يا كثر الملاقيف
الحين يشوف الانابيب فوق راسه وهذا قاعد يحفر ويحفر


يا زين مدارسنا عند مدارسهم
اذكر يوم كنت بالمتوسط  فصل دراسي كاامل واحد من الطلاب ماله كرسي
40 راس محشورين بفصل واحد
ولو يكمل عددنا واحد منا يصير واقف ماله كرسي
<<< دارس بالهند ؟؟ ههههههههههههههههههههه
شوفوا هذي مدرسة في فيتنام
ولاحظ الطاولة … جذع أثله


PLEASE DO NOT TOUCH
احد المجمعات مجمعين مواعين المطبخ ومسوينها على شكل رجل آلي
لفت انتباه وجذب للأنظار … بس حركة
انا لو امر جمب هذا ادري بتمسك غلط معي وابي اشتري شي تحت
<<< بس عشان يخرب


بعض الاحيان وانت تسوق بسيارتك تجي قدامك بسه او كلب وغصب عليك ……. ايه المهم
هذا امووت واعرف وش صادم ؟
شكله صادم ديناصور
الجنط صار علك


في اسواق الصين الشعبية
خطر ما يسوون لك انت تقليد
منتجات صينية … مجرد حرف يفرق عن الماركة الأصلية
وانتبه ياغافل


إعلانات فوق الخيال … ج7

فيديو

دعاية حلوة للطابعة وشوفوا كيف من زين طباعتها صارت متعددة المزايا

فيديو

دعاية لسيارة وشوف كيف من رحابتها كيف يركب صاحب السيارة

فيديو

صور إعلانات


تعليقات 9

  1. بكل صراحه البقره هذه حرام تكون في الهند هذه حلاتها تكون أما على حلبه الـ WWF أو تمثل من جاكي شان شكرا لك يابعدهم على المنوعات الجميله.

  2. والله مبدع ولا أي أبداع خيالي خيالي خيالي والله أني أحبك في الله يابعدهم وأني أستانس إذا شفت طرحك المميز وإلى الأمام يابعدهم أنت ويا ملح القروب وعسل الأعضاء

  3. تسلممممممم على هالموضوع الروعه اخوي يابعهدم.. مبدع بصراحه .. وأقترح على أبو نواف انه يرسلك للصين علشان يسون نسخه طبق الاصل منك.. <==بينجلد هو وأقتراحه.

  4. إيـــاد # هذا بعضاً مما عندكم ياغالي … شاكر لك مرورك اللزيز لا تتأخر علينا بأحلى الصور <<< مايدري هو انت خوينا بالقروب او تشابه اسامي بس شكله انت ((: ------------------------------------- الدامي # اجل WWF ههههههههههههههههههه لا ويقولون بتصير حااسمه مع الاندرتيكر هههههههه طله ولالالا احلى من عضو ولالالا أحلى لاعدمناك (: --------------------------------- المستشار # شهادة اعتز فيها ياغالي وان شاء الله نبيض الوجه ونكون قد هالمدح منك (: شاكر لك مرورك وردك عزيزي (: --------------------------------- مصرررقع # هههههههههههههههههه والله مااروح إلا رجلي على رجلك <<< يخاف ان قصدك خبيث هههههههههههه منووورنا مصرقع لاعدمنا هالطله ياعسسل ((:

  5. ههههههههههه تسلم على الموضوع يابعدهم (واللــــــــــــــــــــــــــــــــــــه مبدع ) ولايهون ابو نواف

  6. الصراحه متعه بمعنا الكلمه وعجبني فيه التنويع..طبعا انا نزلت كل الفيديو والصراحه حلهم روعه بذات الختم وصور الاعلانات خطيره لكن في بعضها مو مفهومه وياليت لو تحط توضيح عليها..عموما احب اقولك اني انا اول مره اقعد على موضوع لمدع حوالي نص ساعه كلها متعه…مشكور على جهودك والله لا يحرمن منك..وانصحك انك تواصل وانا ان شاء الله راح تلقاني اول من يرد على مواضيعك الجايه تقبل تحياتي ][فارس الليل][

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بلوتوث + صور : انتبه ياغافل + مدرس تحفه .. منوعات

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول