بلوتوث + صور : الخطابه ام فهد ..والنذاله على اصولها .. والمزيد


السلام عليكم ..

يوووووووه ياقدمكم << بدايه مدري وش تبي هع
من زمان عن القروب ..ومشتاق لكم والله << طيب لاتصيح
ست شهور وانا مارسلت ولا كتبت موضوع ..
والله لو اني مصاب برباط صليبي يمديني رجعت ههههه << ارحمنا يارونالدو
غيابي عن القروب لاسباب كثيره ..والحمد لله الحين فاضي وان شاء الله كل اسبوع تشوفني مرتز بايميلاتكم << يارجال محد درى عنك
واشكر كل من ارسل ايميل وسأل عني ..بصراحه شي يثلج الصدر.. اذا عرفت ان فيه ناس تنتظر مواضيعك ومشاركتك
فلهم مني كل المحبه والتقدير




موضوعي اليوم صور وخرابيط ..حبينا نشاركم فيها كبدايه لعودتي ان شاء الله
واعذرونا اذا الموضوع مو ذاك الزود .. بس عن قولة اني رجعت اشارك .. والقادم افضل ان شاء الله


بسم الله نبدأ



فووووق هام السحب يابلديه الزلفي..
لعنبوا بليسكم العلم يرفرف قدامك ولا احد طق له خبر


اضغط هنا


هذي بنت الله يخليها لأهلها.. تموت بشي اسمه تلفون
مجرد انه يرن على طول تركض تبي ترد
وين بس الاتصالات السعوديه عن البنت هذي
وش حليلها ترد بسرعه .. المفروض تتوظف بخدمه العملاء ههههه

اضغط هنا


هذا واحد راسه تقول بلكه هههههههه

اضغط هنا


بالمقطع هذا .. تعرف معنى كلمه النذاله على اصولها
خخخخخخخخخخخخ بس والله فله ودك تسويها بخوياك هع

اضغط هنا




تذكرون صوره ارسلتها بأحد ايميلاتي السابقه .. وهذه هي الصوره


ابشركم .. خطبها رجالن ابن حلال .. وزواجهم ان شاء الله الصيف الجاي
وهذا خطيبها


ههههههههههههه
بالرفاء والبنين


على طاري الزواج ..الفتره الاخيره الخطابات كثروا.. وصارت اعلاناتهم بكل حتّه
لدرجه انهم لقيت ملصقين اعلان على باب غرفتي << حبه نصبه على الصبحيهههههههه
لا جد اعلانهم بكل مكان وهذي عينه منها



اما رجال – نساء – بنات -ارامل .. الخ
حسيت انه قاعد يبيع خضروات بعد صلاه الجمعه هههههههه
وهذي بعد



ام فهد هذي وجهها مغسول بمرقه .
اعلان على احد الصرافات بالرياض يعني اصرف فلوسك واربح زوجه
( الصوره من عدسه عضوه شبكه ابو نواف : ساره .. )
<< الله من زين العدسه شكله جوال الباندا
هذي صوره ثانيه



ام فهد هذي مدهره ههههههههههه .. والصوره هذي بدوره مياه بممشى الملك عبد الله
وعلى فكره الصوره هذي وصلتني من عضوه معنا بقروب ابو نواف
( الاخت : هلا )
ولا لها علاقه بساره ولا شي هههههههه بس جمعتهم ام فهد
ورب صدفه خير من الف ميعاد << وش تبي انت




هههههههههه شكل اللي مسوي الاعلان هذا مهرب مخدرات
يالله فرصتكم يامروجين .. لقيت لكم وظايف هههههههه


على طاري والوظايف ..
كثير من الموظفين يشتكون عدم الترقيه .. او يشتكون من الروتين الممل بالدوام
شوفوا هذي الصوره معي



عجوز موظفه قدام مايكرويف مدري ثلاجه .. اللي هو << توهق
بس شوفوا الصوره هذي لها قبل اربعين سنه



نفس العجوز.. ونفس الوظيفه ونفس المكان
من 40 سنه وشغلتها ماتغيرت ..
لذا عزيزي الموظف .. لاتشتكي من الروتين الممل .. ثابر في عملك بعيدا عن المطالبات بالاخرى
وضع هذه العجوز كمثال يحتذى به

<< اي مثال يرحم امك ..40 سنه مقابل ثلاجههههههههههه




هذا مدمن دخان يسلم عليكم . ويحذركم من التدخين ههههههه
الصوره من عدسه الاخ

power

من شبكه الهلال


بمناسبه قدوم البرشا والريال للسعوديه .
اخونا هتلر الرياض من شبكه الهلال حاب يشاركنا بالصوره هذي




اكيد تستغربون وش الصورتين هذي
هذي ياطويلين العمر..فضاوه شبابنا ياحبي لهم بجامعه الملك سعود ههههههه
اللي يشوف السبوره يقول غرفه الملابس حقت الريال والبرشا ..
هذا اللي فالحين فيه… لو اقول اكتبوا اسماء العشره المبشرين بالجنه توهقوا
<< قلب عليهمههههههههه
بس تشكيله برشلونه ماعجبتني .. لو ملعب بوجان بدل رونالدينهو << برى


وهذي بعض الصور خليت تعليقاتي على الصوره نفسها



ترى ماقصد ان اللي يرقمون بالتحليه حمير << كاد المريب ان يقول خذوني هههههههههه
::

:::

ههههههه هذي اخرتها طلع جمهوري عجايز
:::



::::


:::::





::::



:::::::::



:::




::




احيان التركيز يخليك تجيب العيد ههههههه اجل الفاره طلعت ليبتون

:::



:::::



::



هههههه خلاص الاسد لقى من يتغدى عليه
الله يرحمه مقدما


وختاما.. هذي صور وصلت لي على الايميل لسخافات بعض شبابنا في المواقع .. فيس بوك وطقتها
من جد اشفق على حالهم …
الله يهديهم بس



تكفون اضحكوا على الصوره عشان ينبسطون … استغفر الله بس
وخذوا هذي بعد



اسخف من كذا ماشفت ..موب عاقلين طيور الكناري
:::



عليهم اشكال.. الواحد وجهه تقول سواق سطحه هههههههههه

:::


اما الصوره هذي هههههههه لاتعليق من جد
وفيه صور كثيره لسخافه البنات هههه عاد البنات سخافتهم تجيب المغص
ماينفع احط الصور هنا.. خاف ينحجب الموقع ههههههههههههههههه

::::
يالله وش تحترون . الموضوع خلص


نشوفكم بمواضيع ثانيه ..
سلامي

جوريات


تعليقات 19

  1. منور القروب ياخلفهم .. << ماكنه قصمنجي .. ^_^ رسالتك عسل ومواضيعك دبس وكل شيء منك حلو .. وترا ماكنه جاني سكر .. شكرن على هيك رسايل

  2. ايميل رائع واختيار للصور والتعليقات اروع يعطيك العافيه اخوي غير البشر

  3. اااااااااااااااااااه يابطني من الضحك .. اقسم بالله احس بسم الله علي جاني التهاب بالمراره من قوه الضحك .<< وش تحس به انت ؟! الموهيــم .. موضوع خيال جنان يافهد وعن جد انت زي مايقولوا صمت وصمت وافطرت على ..؟؟.. على اكبر فطور مر عليك << ايه فطور ملكي .<< يازينك ساكت .. يسلمووووو يافهد ياللي من جد اسم على مسمى ياااغيــ..ــر البشــ..ــر ...

  4. هذي المواضيع ولا فلا تشكرات غير البشر والله يوسع صدرك مثل ماوسعت صدري على هذا الصباح

  5. هلاوغلا يالله ان تحيي !غير البشر! وينك ياخوي مابغيت تطلع قلنا شكل الولد اعرس وسحب على القروب < لووول يعطيك 10000 عافيه على الموضوع وخصوصن المروج < هههههههههه لاتقطعنا بالرسايل سي يووو

  6. النت كله منور بطلتك يا عسل ما صدقت يوم شفت مسج واصل منك انبسطت وقلت رجع غير البشر امس اعتزال ماجد واليوم ترجع اكيد فيه رابط بينهن >> من زين التحليل يا شيخ الفيديو والصور حلوووة وخاصة صور اللى منب قايل اللى بأخر شيء مدري وش يبون من الدنيا الله يوسع صدرك مثل ما وسعت صدورنا بالموضوع الحلوو والتعليقات الاحلى وننتظر رسايلك الحلووة يا قمر

  7. بموت من اضحك هههههههههههههههه من جد تحف الله يعطيك العافية وانت مميز دائماَ والى القدام …

  8. ههههههههههههههههههههه والله انك فله والصور شي ثاني مشا اللله عليك ولا الخطابه ذكيه … والبرطقال قصه ثانيه ……….. لاتحرمنا من مواضيعك ويعطيك الف عافيه…

  9. طالع من الشر يافهوووووودي ولايهمونك السجن للرجال <<<يقلع ام تشويه السمعه <<<خخخخ <<< مجرم هلالالالالالا والله بغرغرينو ايه هالحين تو مانور القروب كذا تبدا الهستره على قولت واحد من العيال يقول ليه يوم رجعت رجع غير البشر شكلكم يوزر واحد لوووووووول <<< وسوس بروحه

  10. هههههههههههههههههههههههههههههههههههههههههههههههههههه قسم بالله هلكت من الضحك !! مع اني طفشانه وملانه ومتضايقه شوي .. بس والله ضحكت من الخاطر ! ثانكيو ع الصور العجيبه .. الصراحه هبال الشباب عجيب لوووووول .. تسلم يا غير البشر على الايميل الكوول !! ^___^ خخخ

  11. ههههههههههههههههههههههههههه يالبا قلبك يافهودي .. لاعاد تقطعنا لا اقطع راسك :d:

  12. يا مرحبا والله .. غير البشر .. تو ما نور القروب .. وين كنت متوزي .. 🙂 حياك يالغالي .. بالنسبة لموضوعك .. فلّه <-- لا باربي احسن 🙂 مشكور .. وتقبل اطلالتي

  13. هلا والله غير البشر يامال الثانكيو الجزيل على الصور اما الحمار والخطابه ام فهد هههههههههههههههههه لا تعليق صراحه .. وبعدين لا تعوده تنقطع عن القروب بتاتاً البته خخخخ >> متى المعرفه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بلوتوث + صور : الخطابه ام فهد ..والنذاله على اصولها .. والمزيد

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول