بلوتوث + صور : الحب عذاب والبلوت الهلالي .. والمزيد



السلام عليكم
مبروك عليكم الاجازه ومبروك لكل اللي نجحوا ..
وحتى اللي رسبو مبروك ولا تزعلون << يقاله يبي يواسيهم

موضوعي اليوم كالعاده صور وبلوتوث.. وكنت ناوي ارسل الموضوع من فتره
بس اختبارات .. وبطوله اوربا …وعارف محد فاضي لموضوعي قلت اجله للاجازه




الا صدق مبروك للاسبانين بطوله اوربا ..
بالبطوله هذي مافيه فريق شجعته وفاز ههههههههههههههههه
شجعت بالبدايه البرتغال.. وطلع ثم حولت على ايطاليا وبرضو طلع
قلت مالي الا الاتراك لان فيه حلاق يقول اذا فازت تركيا على المانيا بحلق لك ببلاش
وطلعوا بعد ههههههه ياعزتي لك يالميس

حسيت وجهي نحس هههههههه قلت النهائي خلاص ماني مشجع اسبانيا عشان ماتطلع بعد
هع هع

يالله خلاص عطيتكم وجه .. خلوني ابدأ بالموضوع

::::::::::::::::::::::

لتحميل المقطع اضغط على الصورة

الا الطفاقه اعيت من يداويها .. هذا اللي قلته اول ماشفت المقطع
ودي اشوف وجه صاحب الكوفي هههههههههه

::::::::::::::::::::

وش ذا المزح .. ولا مزح بعارين
بس والله ياهو فقع عينه المسكين ..

:::::::::::::::::::::::

اما ذولي .. مدري وش اقول عنهم الصراحه
بس الاكيد انهم جابو العيد واكلوا هوا

::::::::::::::::::::

هذي الصوره اهداء لحبايبنا الهلاليين

بلوت هلالي بالشعار القديم

وهذي حبه ثانيه

::::::::::::::::::::::::::::

اجل كعرباء هههههههههههههههههههه
كعربوكم باللي ماني بقايل

:::

الزياره ونبي نمشيها لكم ونقول نسيتوا النقطه
بس ساعات شلون نرقعها ؟؟ ههههههههه

( الصورتين اعلاه من عدسه الاخ المبتكر 10 )

:::::::::::::::::::::::::::::::::

موظفين ارامكو .. شافوا ماعندهم احد تصادموا

المفروض يحطونهم بالتوقيف لمده شهر
هههههههههه اذا متصادمين بالبر .. اجل بالشارع العام وش بيسووون !

::::::::::::::::::::::::::

الدراسه للدلوخ والاجازه للشيوخ
هههههههههههههههههههههه

كفو يالشيخ

( الصوره من عدسة الاخت نوف)
::::::::::::::::::

الباكستانين خقخقوا مع اندر تيكر ههههههههه

ياحلالاه من مسك واحد فيهم و سبلكس خلفي


( الصوره من عدسة الاخ ستيف اوستن ) <<

::::::::::::::::::::::

زحممممممممه يادنيا زحمه

بس شوفوا الزحمه حقتهم تفتح النفس..
منظمه ومرتبه
وبجو زين ..
والسيارات يمينك ويسارك فيها الوجيه السفره ..
زحمتهم متعه بالعربي

موب مثل زحمتنا ..
مافيه تنظيم ..
وكل واحد يخش على الثاني
غبار
حر
تطالع يمين تحصل راعي ددسن يحك اذنه بالمفتاح ..
ويسارك هندي ينغف خشمه هههههههه

::::::::::::::::::::::

يووووووووووووووه غبااااار
سنه حلوه يا mbc << بدري

::::::::::::::::::::::::

ههههههه ابوك يالسينما
موب هنود ابد اللي يتفرجون افلام

بس لايفوتكم بوسترات الافلام اللي معلقه

::::::::::::::::::::::::::::::

بالسعوديه .. وبالرياض تحديدا..
اذا توهقت ولا لقيت بموقف لسياراتك .. دبر عمرك بأي مكان

الحبيب موقف بالدوار ههههههههههههههههههههه

( الصوره من عدسه صديقي مشعل )
::::::::::::::::::::::

وفي جده اذا توهقت بموقف .. عادي لاتضيق خلقك
حتى لو توقف فوق السطوح خخخخخخخخخخخخ

( الصوره من عدسه الاخ موسى )
:::::::::::::::::::::::::::::::

الحب عذاب ياجماعه

هههههههههههههه اقص ايدي اذا بدور مو ساحبه عليه

اما حرف الواو .. صراحه متعوب عليه

::

لا ل اchachos ..كلام كبير هههههههههه

::

سنكرز .. ياليتني بدور

::

صوره مفعمه بالرومانسيه

::

يقطع ابو الفضاوه اللي فيك ياسلمان .. هههههههههههههه
وبدور مو طاقه لك خبر

::

::

ههههههههه بديت اشك ان سلمان يشتغل في بقاله

الظاهر المسلسلات التركيه بدأ مفعولها .. واثرت في شبابنا

::::::::::::::::::::::::::::::::::

واخيرا .. حملوا الملف هذ
عباره عن عروض الصيف في ربوع بلادي
بس هباااااااااااااااااااااال

من هـــــنـــا


خلص الموضوع .

نشوفكم بمواضيع ثانيه

احترامي للجميع
محدثكم من ارض القوقاز

 


تعليقات 17

  1. هههههه يسلمو ويعطيك العافيه ياهو متعذب هالسلمان خلص الحلاوه الي بالديره كسر خاطري خخخخخ

  2. رد على الأخ مهند اللي مع اندرتيكر ليس الشيخ أحمد ديدات بل زعيم من زعماء الطائفة الإسماعيلية
    رفع الله قدره عن أمثال هؤلاء الشياطين , وهذا رابط يتكلم عن هذه الطائفة
    http://www.saaid.net/Doat/assuhaim/79.htm

  3. حبيت بدور انا من الحاجات الزينه اللي يكتب فيها احبك بدور قسم اني حبيتها .. هههههههههه غير البشر اجل عات الرياره لا بعد كاتب (( دون الرابعة عشرة العمر بالدخول …..!!)) اللي كاتبها مواصل 13 يوم وساعة ههههههههه .. يعطيك العافية اخوي غير البشر والله يوسع صدرك آآآآآآآآآد كدا .

  4. لاجديد اخووووي غير البشر مبدع هتا وهناكـ ^_^ بس عندي تعليق بسيط .. اللي مع اندرتيكر مو اي باكستاني هذا الداعيه والمناظر احمد ديدات الله يرحمه واتوقع الكل يعرفهـ … وماننحرمش من مواضيعك خيووووووو

  5. ياحليلك ياسلمان اجل احبك شف اول ردين كلهم خقو والله العظيم ياسلمان ان مافي احد يستاهل والله يعني مدري ليش متعب نفسك لوك مسويها بنفيش نسمه احسن ليش هالخساير قال حب قال ومناك تلقاها خاقه مع مهند هههههههههههههههههههههه مشكوور يابعدهم

  6. والله يا انه تمزعت مصاريني ع السينما حقتهم ولا البوسترز شي يقال لك دعايه ههههههههههههههه كنها سينما هنود … ولا اللي ملمبق بالدوااااااار وش يحس به ؟؟؟ يتحدى الصعاب عشان يلمبق ؟؟ .. وذا اللي سادحن سيارته بالسطح ههههههههههههههههههههه … ع فكره ترى انا بدور بس يدلعوني هيفاء :$ .. لاعدمناك !غير البشر! (L) وآسفين طولنا 😛

  7. اشك ان سلمان فاتح له بسطه و معجب بالتكرونيه اللي جنبه ومن زين الحلايا اسمها بدور خخخخخخخخخخ

  8. موضوعك اليوم منور الحتة يا راقل اوما المواقف اللى فوق العماير لحاله صراحة دعواتكم بس لسلمان انه يحصل بدور ويتزوجها <<مهوب الظاهر شكراا فهد على الموضوع الاوشطة مثلك

  9. ايميل روعهـ منور ايميليوالقروب بعد يسلمووو يا غير البشر صدق انك غير<== جده غير

  10. صباح الخير مديرنـا منـور القروب يافهـد على هالعنوان الحب عذاب توقعت شيء يستاهل كركركرررر بس الحق حق ضاف البقاله كله علشان بدور وبدور ماطقت له خبر ههههههههههههههههههههههه \ اما الزحمه صدق تفتح النفس ومرتبه الله يخلف على النظام الزفت اللي عندنا < تكره الرياض / اما موظفين ارامكو من جدهم والا يستهبلون اموت وادري كيف جاء الحادث بالبر اكيد هنود اللي يسوقون الله يعطيك العاافيه ولاتطول عليناااا

  11. ياحرااااااام ينرحم بصراحه هـ السلمان شكل بدور مو بس مسحبة من ….. الأ ماسحتة من عايلته بس بصناااحه حلوة هـ الكاكاواااات خقيت معهم والله لايلومكم أذا خقيتو بعد كول حته بتغري هذا مهند زمانه لازم ننظم لحزب واحد ندعي أنه يلتم شمل سلمان مع بدور خخخخخخخخخخخ من جد ميته ضحك الله يقطع بليسك ياغير

  12. هههههههههههه الله يرجه هالسلمان وقسم انه موووب صااااحي بس على قولة المثل ومن الحب ماقتل خخخخخخخخخخخخ اما عات رياره ..ههههههههههه اللي كاتبها ميييييييح في الاملاء لكن الشرهه موب عليه على اللي معلقين اللوحه وساكتين بس الظاهر كلهم ماااااعندك احد والسينما احس تجيب التكااااك بالله هذي سينما>>يستهبلون ذولا ولا يستهبلون غير البشر يعطيك الف عااافيه عالايميل اللي يوووسع الصدر

  13. هههههههههههههههههه>>الى مالا نهااايه غير البشر الله يرجك على عرووض الصيف حقتك وقسم من جد تحشيييييييييييييييييش بس رررهيبه رررهيبه ررررررهيبه ههههههههههههههههههه ولا هالسلماااااان مهبوووووول والله مادرت عنك هالبدور مسيكين مصروفه كله راح على حلويات خخخخخخخخخ يعطيك الف عااافيه عالايميل بس العروووض لحاااااااااالها تحيااااتي لك ناااااصر

  14. روووعه.. استمعت والله.. ابدعت كالعاده غير البشر بايميل مميز طبعا حفظت كل الصور عندي..وحملت المقاطع لكن اكثر شيء عجبني واجبرني ارد وهذا ثالث رد اكتبه واضغط على اغلاق الصفحه بدل اضافة تعليق البلوت الهلالي روووعه..خطييير بس وين القاه.؟؟والله ودي اشتريه.. وسلمان ابدع الصراحه فناااان يعطيك العافيه غير البشر عساك على القوه دوووم

  15. الف شكر جميعا على تواجدكم 8) شرفتوني بردودكم .. وربنا مايحرمناش منكم ابدا ابدا8)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بلوتوث + صور : الحب عذاب والبلوت الهلالي .. والمزيد

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول