بلوتوثيـ 4 ـات


بسم الله الرحمن الرحيم

هلا بكل اللي دخل يقراء الرساله
وش اخباركم
؟
عساكم بخير
؟
من زمان ماراسلتكم من على هذا المنبر
لكن لقانا معكم تجدد بفضل
الله ثم بفضل اخوي ابو نواف
فله جزيل الشكر

فخلونا علطول نبدا بالموضوع
بلا مقدمات ,,,


.:
1:.
صيفنا مع ثيابنا احلى

انا اخبر إن العالم بالحر

يفصخون ثيابهم ولا يفصخون فنايلهم
بس مهوب يفصخون كل شي زي هالبزر
فيديو

.:2:.
ولي العهد الله يطول لنا بعمرهـ

بالمقطع هالبرز يقعد يقصد عن العلاقات السعوديه اليمانيه
ويكافئه ولي العهد – الله يطول لنا بعمره – براتب 5 الاف وسياره
الله يرزقنا ,,
فيديو

.:3:.
فوائد البايسن

اول شي اذكروا الله
هذا ماشاء الله واقفن براس الطعس
(طعس = جبل من الرمل  )
ويتشقلب على ورا
بس الله ستر ومامسط على راسه وإنكسرت رقبته

فيديو

.:4:.
افغاني أصلي

المقطع هذا للي يشكك بجودة الافغان
هالافغاني يحاول يهد الجدار وينجح لكن السقف يطيح عليه
بس شوفوا وش صار بعد ماطاح عليه الجدار

فيديو
اعتذر لجودة الصوره

.:5:.
جمهورنا السعودي المقلع 

هذا ياطويلن العمر واحدن من الجمهور
وبمبارات للمنتخب طب للملعب ووقف عند الرايه
ورجع للمجهور مرهـ بدون مايمسكونه
الصراحه اعجبون الجمهور يوم فزعوا معه

فيديو

.:6:.
تعذيب طفل

يحوول يا هالبزر
مركبينه بالسيارهـ
وصاكين الدرايش عليه
وحاطين عسكريم بالطرف المقابل < برا السياره
والضعيف يلحس القزازه بس مايحس إنه به طعم العسكريم

فيديو

.:7:.
هبال الشباب


هالمقطع بالذات كش جلدي يوم شفته
(كش جلدي = اصبت بالقشعريرهـ )
يعني منهو هاللي بايعن عمرهـ ويطلع جسمه كله
مع الدريشه والسياره تمشي وشوي ويحك راسه بالازفلت
يعني تخيلوا لو صار بنص الشارع بلكه وهو ماشافه وين يبي يصير راسه
فيديو

.:8:.
New Move 2 Open Door

وش رايكم بإنقليزيتي خطير صح
انا اصلن ثقافتي إيطاليه و متربي بفرنسا بس ابوي سعودي

البزر ذا يفتح الباب برجوله
تبون تقولون وشلون
ابي اقولكم شوفوا المقطع
فيديو

.:9:.
راعي الدجاج

انا اخبر إن الناس ترعى الابل
ترعى المواشي <<< مهيب المكيرش 
وهذا يرعى دجاج
بس والله انه خطير خلا كل الدجاجات يلحقنه
فيديو

.:10:.
بغى يموت من الضحكـ

توني ادري إن فيه أحد يضحكـ مثل هالضحكـ
اموووت واعرف وش قاعدن يضحكـ عليه 
فيديو


.:
11:.
التيرسل

معروف عن موتر التيرسل إنه سيارهـ
حبوبه صغيره خفيفه <<< مهوب يسوي دعايه
وهذولا ماشاء الله عليهم شالوها وحطوها بالجهه الثانيه
فيديو


.:
12:.
زحمة المسجد

بعض الزوله إذا حط براسه شي يسويه
ولو كان المسجد مليان وماله مكان يسجد به
هو هذا اخونا انتشتاين السودان لقا مكان يسجد به

فيديو


.:
13:.
مسكين يازول !!

والله رحمة الزول هذا
مسكين حارس للاستراحه او للبيت
المصور يقاله يبي يصوره <<< قل قسم بالله 
…….. ويجي واحد من ورا الزول و

شوفوا المقطع
فيديو


تم بحمد لله
وارجو من الله ان اكون وفقت في رسم
الابتسامه على خششكم 

إذا عندكم اي اقتراح او شكوى او اي شي بخاطركم
لاتشيلونه بخاطركم ارسلوها للايميل او اضيفوني على الماسنجر

وترقبوا

بلوتوثيـ5ـات

أخوكم

عبسـ ـ ـ ـون


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بلوتوثيـ 4 ـات

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول