برنامج MyWi 4 Cracked يحول الايباد الى مودم مُتنقل للانترنت


 من وده يمتلك مودم خاص وشخصي فيه
من وده يتنقل بالايباد مصطحباً شبكته بين يديه وكلن يقوله تكفى عطنا رمز الشبكة بنشبك النت عن طريقك فتحس بالكيان والشموخ عندما ترى المتذللين يستعطفونك من وده يتاجر بشبكته وتكون الساعة الوحده للاشتراك بـ 10 ريال <- الله يستر منتس انتي وتفكيرتس وين وصل
طبعاً اكثر اللي راح يستفيدون من هالبرنامج هم أصحاب الباقات المفتوحة للاستخدامات الغير محدوده وحيث ان الايفونين مايحتاجون لهالبرنامج بسبب انه موجود هالميزه بالاعدادت الخاصة بالشبكة فيقدرون ينشئون شبكتهم بدون برنامج
.
.
لكن الايباد مهيب متوفره هالميزه فيه .. و لكي ننشيء لنا مودم متنقل للانترنت أو بما يسمى بالوايرلس فنحتاج الى هالبرنامج المكرك MyWi الموجود بالسيديا للي مسوين جليبريك فالطريقة سهله مره

– ندخل لـ السيديا
– ثم ندخل على sections
ونضيفي السورس هذا
http://www.sinfuliphonerepo.com/
– ثم ندخل على السورس نفسه ونبحث عن برنامج اسمه MyWi 4 Cracked وندخل عليه
– ثم نضغط للتثبيت install ثم confirm
/
بعد التثبيت ,, الجهاز راح يعيد التشغيل .. فاول مانفتحه بنحصل البرنامج على سطح الايباد
 
واجهة التطبيق .

 

مثل ماتشوفون فوق قوائم الخيارات الرئيسية – الواي فاي – اليوس بي – البلوتوث – الاعدادت
اللي يهمنا هو إنشاء شبكتنا عن طريق الـ Wifiوهنا بعد ماضغطنا على أيقونة الواي فاي ندخل على الاعدادت الخاصة فيه
 

من عند خيار WEP Secuity نشغل شبكتنا اللي راح تاخذ اسم الايباد اثناء تفعيله بالايتونز
 

نشغل الخيار اللي فوق … وندخل مفتاح الشبكة الشخصية والذي يتكون من 10 أرقام

نشغل الشبكه WiFi Hotspot
وهنا عندنا من الخيارات لو بغيت تشغله عن طريق البلوتوث

 

أو الـ USB

 

وبكذا انتهينا لو رجعنا للاعدادت بنحصل اننا دخلنا على شبكتنا الخاصة

 

وبكذا بيكون عندنا مودم متنقل للانترنت على كيف كيفك وان شاء الله يكون الشرح واضح لكم واي استفسارات نحن هنا

/
 أختكم Pixel Des


تابعوا جديد شبكة أبونواف على فيس بوك وتويتر

   


تعليقات 10

  1. السلام عليكم ورحمة الله وبركاته جزاك الله خير ما فهمت معليش.. يعني انا عندي دي اس ال في البيت اسوي هذي الخطوات ايش فايدتها؟؟ اذا خرجت برى البيت اقدر اتصل بالنت عن طريق هذي الشبكه حتى لو كنت بعيده !!!!!!! او انا اتصل بالشبكه هذي واعطي غيري يتصل عن طريقي ؟؟!!!!

  2. يا انكم مساكين يا مستخدمين iOS كل شي لازم برنامج و مكرك ولا ادفع فلوس! هالشي أو هالميزه إلي هي WiFi Tethering موجوده في الأندرويد منه و فيه بدون برنامج ولا شي :$8)

  3. ياناس ياعالم هالميزة موجودة من زماااااااااااان فالايفون واسمها نقطة اتصال شخصية اذا شغلتها يبث جهازك واي فاي

  4. خالد سعد هالتطبيق غير متوفر في الاب ستور / محمد هالشبكه الشخصيه تتنقل فيها لاي مكان سواء بالبيت أو خارج البيت .. لكن اذا شغلت البرنامج لازم تشغل معه شريحة البيانات ( اللي هي البيانات الخلويه من عند الاعدادات ) عشان يتم اتصال الجوال أو الكمبيوتر آخر بـ مودم الايباد بشكل صحيح .. واذا كان معك ايفون واصداره حديث ماراح تحتاج لهالبرنامج لانه متوفر عندك الشبكة الشخصية Personal Hotspot لكن ارجع وأقول أكثر مستخدمين هالميزه هم اصحاب الباقات المفتوحه الغير محدوده لان لو تعطي اي أحد هالشبكه الخاصه يتصل عن طريقك راح يعتمد على الرصيد او الباقه اللي مشتركه فيها بشريحة البيانات .. / aramon2002 أنا اتكلم عن الايباد .. مااتكلم عن الايفون لان الايفون متوفر لاصحاب الاصدار iOS 4.3 فما فوق ميزة الشبكة الشخصية Personal Hotspot انا اللي معي ايباد واصداره 4.3.3 وهالميزه غير متوفره فلذلك استخدم هالبرنامج لانشاء الشبكه …

  5. الفائدة مرجية حتى لو موجودة مسبقا جزاك الله خيرا على المعلومات القيّمة ~*¤®§(*§ S.M.K §*)§®¤*~

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

برنامج MyWi 4 Cracked يحول الايباد الى مودم مُتنقل للانترنت

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول