بداية بعثتي


السلام عليكم ورحمة الله وبركاته
حيث يبقى للإبداع كلمه .. مالك الا سراب … تحياتي لورقة بلوت والشباب الباقين
لكن ورقة بلوت صراحه انا من معجبينه .. اهنيه على ابداعاته
<< بيكبر راسه علينا

الموهيم يالربع هذي اول مشاركة لي في القروب المتميز
وأرحب بالنقد .. ولولا ثم انتم ما ابدعنا

بداية بعثتي لدولة كندا وذلك في سبيل الدراسه من بعد شهادة لك عليها اطلع كندا
ربكم يسهلها ان شاء الله

ذاك اليوم جالسين طقة بلوت بالمزرعه بالديره … وما ان انمسكت بحكم كاد يزلزل اللاعبين المقابلين الا وجوالي يرن ..
قلت داقايق يالربع خل اشوف من اللي متصل .. واطلعت على الرقم واذب الأوراق واطلع كيلو عن المزرعه عشان اكلم ابوي

ابوي : سلام
انا : وعليكم السلام يا مرحبا ومسهلا يبه
ابوي : لا يكثر .. انا بأبعثك لكندا تدرس وترفع روسنا بدل هالشهاده
انا : يبه انا قايل لك مجتهد بدراستي لكن المدرسين حاقدين علي ومطلعيني بهالنسبه ..
ابوي : طيب عوضها بدراستك بكندا وارفع راسي ..
انا : يبه مالها داعي الاحراجات انا عقب ما كنت اسقي النخل بعد الثانوية تبيني اطلع كندا
ابوي : شد حيلك ابيك مثل هالجيدين اللي درسوا ورجعوا مسكوا مناصب
انا : ايه خلاص طيب بس يبه انت الحين تشاورني ؟
ابوي : ايه اشاورك واشوف هل انت ودك ولا ؟
انا : لا يبه صراحه ما اقدر اترك اشغالي في السعوديه ..
ابوي : خلاص راسلت جامعتك هناك وطلع قبولك ..
انا : يبه طيب قل غصب عشان ما اتحطم
ابوي : انت ما يصلح تشاور وانا ابوك ..
انا : طيب شكرا ..
ابوي : عفوا ولا تصيف الساعه 1 وانت عندي ..
انا : هماني بأروح كندا خلني اقعد مع العيال شوي
أبوي : طووووطووووطوووط

العن ام التحطيم … بس حلوه مشاورتنا انا وابوي .. انا اشهد انها ديمقراطيه ..
المهم واطلع وانا اشوف كل شي كنها اخر مره بأشوفه << رايح يجاهد الأخ ..
لا بس تعرفون الحنين لتربة الوطن ..
وتدور الأيام .. ويجيني ابوي يالله صباح خير … قم قامت عصبك ..
رح مر المكتب وشف وش صار ع الفيزا ..
يبه الحين انا اللي بيروح وانت غاصبني .. تبيني اروح اشوف الفيزا وانت اللي غاصبني
قععععععع ققععع عادي شوته بالظهر وقمت
والله وأمر المكت قالوا خلصت .. قلت الله لا يعيطكم خير لو انها وظيفة ومقدم عليها ما لقيتها جاهزه …
واخذ جوازي وارجع للبيت .. وكفخه ثانيه خلتني ارجع احجز للطياره ..
وحددوا رحلتي الساعه 12 بالليل يوم خميس … شكيت ان سواق الطياره محشش .. بيمشي 12 بالليل ورحلة مدتها 6 ساعات لباريس وبعدين من باريس لتورنتو 10 ساعات
والله يا هو عليه جو ذا الطيار …
وارجع لأبوي وأقوله ترى الحجز كذا كذا .. قال يالله عاد شد حيلك ..
قلت تدري متى يوم الخميس .. تراه بعد بكره ..
يعني يومين ما يمديني ابين لأخوياي وش الديره اللي بأروح لها …
انت خابر يبه حدودي الدمام من شرق .. والطائف من غرب .. ولا شمال طبيتها ولا جنوب..
طالعت لقيت ابوي مشى وخلاني ..
يلعن ام التعذيب النفسي اللي اعانيه ..

والله ويجي موعد الرحله .. وأتوجه لمطار الملك خالد بالرياض
واركب الطياره .. ونسمي بالله ..ويقلع عسى الله يقلعه .. تخيل ماشي بالليل ما خلاني اتمتع بالمناظر قبل اسافر مره ..
والله ونمشي ونمشي ونمشي << تحسه يمشي على رجله
بس القهر يالربع من ركبت الطياره ما اشوف الا خواجات .. وانا كنت متوقع معاناتي تبدأ بباريس
وقضت الساعات الست الاولى بسرعه .. نظرا للمناظر المفتنه والمؤنسه ونوصل باريس
وانزل للمطار حقهم .. ياخوي وش مطار الا مطارات .. يا ولد كبير مره والله يا عيال ساعات لين حصلت بوابتي
لكن قبل بوابتي كان فيه تفتيش شخصي …
وامسك سرا فيه … يوم جاء دوري فيه وليته ما جاء ..
وافصخ الجزم وانتم بكرامه وافصخ الحزام واطلع اغراضي اللي بجيبي وادخل … ويوم رن الجرس ..
لا حول ولا قوة
ويجيني واحد اسمراني اسود << مدري وشلون تجي
ويقول ادخل مره ثاانيه وادخل ويرن الجرس .. يالعنبوا الحظ قدامي الف واحد دخلوا ولا رن الا علي ..
قال افصخ فنيلتك وافسخها وادخل ونفس الحاله ..
بغى يقول افصخ الجنز بس اشوى ما قاال .. وجاب مكرفون يمشيه عليه << بدوي
ورن المكرفون بس رن عند رجلي وانتم بكرامه ..
قال وش معك .. واستحيت اقوله
واقوله بإذنه اي هاف مني
قال هاو متش مليون مليونين .. قلت ايه قدامك صرافه مهوب ادمي
قلت نو 600 دولار وقام يضحك ..
واطلعها من شرابي يالربع ..
تعرفون الحرص زين .. مالها داعي اتصطر وتنسرق فلوسي ..
قام وفطس من الضحك قال تيسر تيسر الله يستر عليك << قويه صح ههههه
واروح لبوابتي وبعد ايش وصلتها …
واركب الطياره .. وتقولي الفرنسيه بون جوار ..
قلت صبحك بالخير والرضاء والعافيه
ونطيرررررر ونوصل ولله الحمد
وادخل عند العائلة وانام نومة الله اعلم بها …
وأحدثكم الآن والسالفه صار لها 3 شهور
والحمدلله اموري متيسره وان شاء الله تهون ..
وان شاء الله ارسل لكم خبالي في الايام الجايه

ســراب


تعليقات 31

  1. يااااااااااااااااسر 8) يالله حيهـ ماشاءالله مبروووووووووك البعثه والله يووووووووفقك ويكتبلك اللي فيه الخييييييييير ننتظر باقي خبالك 🙂

  2. يالله يالله شد حيلك وننتظر كتاباتك بس ليت تصور لنا يكون احسن مانقصد الخشه

  3. يا حليلك يا الغااالي انا اول من يوم ما يبداء التسجل و انا اول طالب في المملكه مقدم على البعثات لكن حسااافه ما قد طلع اسمي و انت يا الغالي مسوي ثقيل على البعثهــ

  4. اولا فعلا مالومك في ورقة بلووت والله جد جد كتاباته روووعه ولا يهونون الباقيين وانت شكلك بتمشي على مسيرته ان شاء الله روايتك لبعثتك كانت مره مسليه وانقهرت انها قضت .. بس ننتظر للاجزاء الجايه ..

  5. الحمدالله على السلام لو انها متااخره بداايه رحلتك ونااااااااااااااسه وان شاء الله تكوون مرتااح بدراستك واموورك تماام هنااك انتظر كتاباتك القاادمه لاتبخل علينا واذا تقدر صور لنا الجامعه الي تدرس فيها سلاااااااامتك CU 😀

  6. اول شي الحمدلله على سلامتك والله يوفقك وصدقني بتروح الايام ما دريت عنها صار لي سنة و نص بامريكا وباقي شهر باذن الله

  7. الحمدلله على السلامه وكيف البرررد والجمده ؟! ههههههه نصيحه مني لك إجلس عند العآئله لاتطلع منهم بتستفيد كثيررررر وحلو جداً لتطوير لغتك ^^ شنو إسم جآمعتك أو معهد اللغه اللي أنت فيها ؟! والله الله بحضور الكلاسات 8) عشآن ماتتكنسل بعثتك < تحطييييييم والله يوفقك إن شاء الله ^^ أختك طآلبه مغتربه في أمريكا صآر لها 3 سنين 🙁

  8. سبحان الله نفس الحاله ونفس السالفه يقولها كل واحد مقدم اوراقه على بعثه خخخخ والله انت ارحم شوي من الي عندنا 🙁 الله يكون بعونكم جميعا وعلى قوله ابوك تجيبون شهاده ترفع الراس وتمسكون مناصب بالتوفيق جميعا

  9. احييك على اكمال دراستك وربي يوفقك ويحفظك وانتبه لنفسك وحافظ على الصلاة وتذكر الهدف اللي انت رايح له والله يبعد عنك المكروه عجبتني سالفه الفلوس بشرابك ههههههههههههه ربي يسعدك اختك ساره من الرياض مبتعثه بنيوزيلندا

  10. والله انك جزوووووووووووم وعقبالي ان شاء الله اما ترجمة اوراقي وكل يوم بكرا ههههههههههههههـ:D:D:D

  11. موفق يارب وان شاء الله تتيسر امورك بس ماقلت لي وش تكمل دراستك يعني دبلوم والا ثانوي ؟! ووش تخصصك ؟

  12. الله يوفقك في دراستك وترفع راس ابوك ((الديموقراطي)) ولا طول الغيبة على القروب الجميل والله انك اسعدتني بالرسالة الله يسعدك لا يطول خباااالك

  13. الله يوفقك في الدراسة و في الاخرة و بصراحة اسلوبك مرة شيق و ابي منك خدمة …….:(:( شكلي قلبت مصلحجي:D:D ابي اطلع كندا لمدة شهرين للانجليزي و انا عندي شوي انجليزي فياليت تدلني على معهد زين:( و على افضل العوائل علشان اسكن معهم:$:$:$:$ و هذا ايميلي تكفى رد علي

  14. B B B B B احد يحصل بعثه لكندا ويقول لا 🙁 بس والله احسه ونااااااسهـ.. و رجاجهـ.. على أصوووول8) بس الله الله لا تفشلنا مره ثانيه وتدخل الفلوس في الشراااااب هههههههههههههههههههههههههههههههههههههههههههههه :> لا تتأخر علينا بالاجزاء

  15. الله يعينك… اول الايام صعبه شوي.. لكن من تاخذ على الديره.. تخف رجولك.. ويخف عقلك.. :$ بس ترا الدراسه امانه حافظ عليها.. ولاتسوي مثلي تدخل المسنجر في وسط المحاضره وتسوي فيها مركز,,,,,, والله المستعان.. ننتظر باقي سوالفك تحيات مغتربه..

  16. عسى الله يوفقك وترجع رافع راسك ابوك بس هااا لا تقاطع نبي نعرف اخبارك ونبي نشوف صور :$

  17. الله يوفقك يا صديقي .. تصدق عاد أنا ان شاء الله اذا تسهلت اموري بلحقك بس بفانكوفر مو تورنتو .. ياخي من الحين وانا خايف واحس ان الطيارة بتطيح علينا هههههههههههه هذا وانا ما بعد قصيت التذكرة ولا طلعت الفيزا .. الله يعين بس ..

  18. ياحبيلك وسوالفك الحلوة ننتظر منك المزيد سلمي على اخوي بتورنتو الله يسعدك

  19. موفق يخوي والله يحفظك من كل مكروه .. وإن شاء الله ترجع مرفوع الراس .. متابع لكـ .. أخوكـ طالب مبتعث – كندا 🙂

  20. بالعكس وناسة تروح بعثة وتعيش مع عايلة احسن من تقعد مع الشباب في الستراحه بدون هدف ادرس ورفع راس اهلك لو يحصلي انا رحت بس اللاسف ماما رافضة الموضوع مررررررررره:(:(:( تقبل مروري فـــــــــرح

  21. ماشاء الله عليكم يا السعوديين يعجبني فيكم خفة الدم واسلووووبكم الحلووو احب اقرى سواليفكم بشكل ماتتصورونه يلا شد حيلك في الدراسه

  22. يالله إن تــحــيي ســرآآب 😀 أجل موزي درآهمك بشرآبك با إبن اللذين :$ 😀 فشلتنا قدآم العـربآن يا ولد :D:D 🙂 نــور إيميلي بموضوعـك يا يـآسر 🙂 والله يوفقك بدرآستك ويسهل لك أمرٍ عصيب وعؤبآل ما ترقـع لنا بالشهـآده الكبيييره

  23. الله يوفقك كلمات صادقه من قلبي الله يوفق أبوك اللي حريص على مستقبلك تكفى لا تخيب آمال أبوك فيك.

  24. ما عليك يا أخوي انته انشالله شد حيلك هنااااك وبيض الويه ورد لأبوك وانت راااافع راسه انشالله

  25. ههههههه يابن الحلال مدام الفاس طاح بالراس هونها وتهون والله الله بالعقل .. ننتظر جديدك 🙂

  26. ايوا كدا روح وانت مرضي عشان ترفع الراس بس أهم شي خليك واثق من نفسك ولاتقول في عقلك أنا مو قدها لا أنت قدها وقدود

  27. ههههههههههههههههههههههه .. سلم لي على السواق .. ماشي بالليل عشان البراد هههههههههههههههههههههههه .. يا رجال كندا ولا الخرج .. هههههههههههههههههههههه .. خلاص يبو يسرى ما بقا الا القليل ..

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بداية بعثتي

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول