باريس ، قصة عشق لاتنتهي ج7


عودة مع الجزء السابع من تقرير رحلتي إلى باريس


في يومنا الخامس والأخير هناك .. كنا مخططين لـ زيارة :
قصر فرساي / هضبة مونتمارت والحي اللاتيني / كاتدرائية نوتردام /قوس النصر

صحينا الصباح وافطرنا وطلعنا من الفندق متجهين لـ قصر فرسايركبنا المترو بـ اتجاه محطة
Versailles-Rive Gauche وهي آخر محطة على خط الرير2 من الجنوب مدة الرحلة 35 دقيقة
والقصر يبعد عن المحطه تقريباً خمس دقايق مشي !

شوفوا وش كثر العالم أول ماوصلنا المحطه هناك

مشينا شوي متجهين للـ قصر أعجبني كثير شكل هـ الساعة

قبل مانوصل للـ قصر قابلتنا وحده تبع مكتب سياحي يبيعون تذاكر الدخول للقصر وحدايقه
بـ سعر أغلى شوي من السعر العادي لكنها طبعاً تريحك من هم الوقفه والانتظار بـ الطوابير عند بوابة القصر !
توكلنا على الله واشترينا منها التذاكر / التذكرة الوحدة للـ قصر بـ
13.5 يورو
وتذكرة دخول الحدايق بـ
6 يورو

طبعاً تقدر تشتريها اون لاين من موقعهم :
http://www.chateauversailles.fr/en

بوابة القصر والجو كـ العاده خققآآآآآآآن

هذي الطوايبر و زحمة العالم اللي بـ يشترون تذاكر الدخول
اللي باعت لنا التذاكر تقول انتظارك بـ الطابور راح يضيع عليك أكثر من ثلاث ساعات !

والله يوم شفت الزحمه كذا قلت اشوا اننا شرينا من عندها ماله داعي يروح يومنا واقفين هنا

بوابة القصر الذهبية

حتى الحمامات وانتم بكرامه عليها طوابير

دخلنا القصر واخذنا الخريطه وفيه هيدفون وقايد اذا تبي يشرح لك ويوريك

بـ النسبه لـ تاريخ قصر فرساي فهو بـ الأساس عبارة عن مكان انطلاق
حملات الصيد الملكية في عهد
لويس الثاني عشر ، إلا أنلويس الرابع عشر
قرر لـ أسباب سياسية هجرة باريس وتغيير محل الصيد البسيط إلى القصر الرائع المعروف اليوم !

اول مادخلنا القصر شفنا مذبح كنيسة فرساي
واللي تم فيه زواج
ماري انطوانيت و لويس السادس عشر
لكن ممنوع الدخول .. يعني بس تشوفه كذا من بعيد

كملنا تمشي في غرف القصر واللوحات الضخمة والتماثيل
أعجبتني هـ السجاده الكبيره المعلقه

وهنا غرف القصر .. كل غرفه لها لون شكلها من بعيد روعه

هذي لوحة مرسومه للـ قصر وقت الحرب على ماعتقد

تماثيل موجوده على طول الممرات

هذي نفسها كنيسة فرساي اللي شفناها في البداية
لكن هـ المره من فوق

تمثال أعجبني

هنا دخلنا صالون هرقلSalon d’Hercule
شوفوا السقف بس !قمة الفن والابداااااااااااع شي مو معقول !

هذا حطب هرقل خخخخ مدري وراه هـ الكبر

زخارف ومنحوتات
أعجبتني حركة راس الأسد و الانسان ابداااااع

زحممممه و ياااااااااكثر الجابانيز
في كل زمان و مكان

هذا صالون فينوس Salon de Vénus زخارف ذهبية روووعه و متقنة جداً


اطلالة على الحدايق من القصر

غرفة الملكة

هذي غرفة الحرب Room of War
ويظهر نحت لـ
لويس الرابع عشر على خيله و يحارب أعداءه

هذي قاعة المراياGalerie des Glaces واللي من جد تعتبر تحفة فنية رائعة الجمال
تم تنفيذها عام
1678 على يد المهندس هارودوان-مانسار
يبلغ طولها
75 متر وعرضها 10 أمتار و تزين سقفها لوحات تمثل الإنتصارات الفرنسية
وتضم
17 نافذة مطلة على الحديقة كل نافذة فى مواجهة مرآة
وقد كانت تتم إضائتها أيام لويس الرابع عشر بـ ثلاثة آلاف شمعة !!

اطلالة ثانيه على الحدايق الروعه برا القصر

أعجبتني طريقة عرض الصور على الجدران

قاعه ضخمه تضم لوحات كبيرة جداً تصور أوقات المعارك والحروب وتخطيط الجيوش !

نظرة على الجهه الخلفيه من القصر

طلعنا من القصر وبـ ندخل الحدايق

هنا يشيكون على التذاكر
الغيوم شي ثآآآآآآآآآآآآآآآآآآني

الحدايق أتعب وانا اقول عآآآآآآلم ثآآآآآآآآني من جد روعه
تنسيق / مسطحات خضراء / ورود / بحيرات لا وفوق هذا غيوووووووم
فعلاً التأمل في منظرها من بعيد يحسسك كأنك تشوف لوحة فنية معلقة على أحد جدران القصر


حدائق القصر تشغل 100 هكتار أشرف على تنفيذها المهندس الشهير لونوتر
وهي تعتبر أفضل مثال لـ تصميم الحدائق الفرنسية !!


ممرات مشجرة
التمشي فيها ولا أحلى


وهذا القصر من بعيييد

حوض أبوللو Bassin d’Apollon
الخيول شيييييييي


بعدين وصلنا للـ بحيرة الكبيرة واللي فيها القوارب والتجديف
هذي البحيره عرضها ستين متر وطولها كيلومترين !

سمك و بط

أخذنا قارب بـ 10 يورو لـ مدة ربع ساعه الكشك الأخضر اللي هناك هو اللي يأجر القوارب


هنا وسط البحيرة حنا جالسين ثلاثه في القارب
مسكت مع اللي بـ النص يرجع ورا يجدف !
ابو الشباب يحسبه في الارض قام بسرعه والتفت مادرينا الا القارب يروح يمين ويسار
قسم بالله بغينا نقلب وسط الماء .. اقوله خييير وييييين تبي وش عندك وقفت ؟!
قال لا بس ودي اجي مكانك بـ اجدف
قلت الله يرجك طيب قل شي علمنا والا تحرك شوي شوي ترى اللي تحتنا مويه
عاد جا مكاني يجدف وانا تفرغت للـ تصوير as usual

يوم طلعنا من الحيرة شفنا عجوز يمكن عمرها 120
عااااااادي ماشيه لحالها و مبسوووطه .. المشكله المسافه بعيييييده للـ قصر وماعندها مشكله
ماسكه العصا وتمشي .. قلت الله يرحم حال عجزنا هاللي لو يتحركن شبر ماتن

رجعنا للـ قصر هذي نافورة لاتوناThe Latona fountain

كانوا بـ يسوون فيها عرض نوافير .. يبدا بعد ساعتين
والعالم بدوا يتجمعون من الحين !


بس حنا مامعنا وقت ننتظر ساعتين لازم نطلع عشان نلحق نروح للأماكن الثانيه
تسدح ع السريع بين الورود

هنا اطلالة من فوق على الحدايق الجانبية يسار القصر


طلعنا من القصر بعد ماقضينا فيه خمس ساعات تقريبا
كان ذابحنا الجوع فـ توجهنا لـ أقرب
مطعم اسمه
Class’ croute طلبنا ثلاث ساندوتشات دجاج .. يوم جاء الاكل لقيناهم ثنتين دجاج ووحده خنزير !!

رحنا تهاوشنا معهم وسوينا زحمه واعتذروا شوي ويصيحون عندنا
عاد عطونا تعويض هذي اللي يسار زي البيتزا صغيره
وبالاخير اكلهم ياربي لك الحمد مايسوى

تغدينا و كملنا يومنا


بـ كذا نكون وصلنا لـ نهاية الجزء السابع
واللي أتمنى يكون نال إعجابكم واستحسانكم
موعدنا الأربعاء
بعد القادم في الجزء الثامن والأخير
مع الاستعراضات العسكرية في العيد الوطني !

كونوا بـ القرب دائماً
www.Rthaath.net/vb

D e s i g n
دعوة للـ مبدعين في شتى المجالات


تعليقات 19

  1. من جد قالت أحبك ..أماكن جنان وتصوير أحلى .. ربي يعطيك العافية ..ويكتب لنا سفرة على بااريس .. بس ليه الاربعااء بعد القاادم مو اللي جاي :(:(:( وبعد حيكون الأخير لالالالا:(:(

  2. تقريير ولااااا أحلى ماشاء الله تبارك الله:D بس ما أقول الا يالله الجنه

  3. هلا أخوي أعجبني انكم خططتو للرحلة بشكل ممتاز يعني انكم ما تضيعون الوقت تفكرون شو نسوي أو كيف نروح مكان كذا أو أي أحسن نروح هذا او هذاك بالاضافة لان وقت الزيارة كان اكثر من رائع زيارتي لباريس كانت على عجل … قعدت فيها 45 ساعة بس وكانت بنص شهر ديسمبر يعني ذبحنا البرد وبسبب الجو وضيق الوقت ما قدرنا نزور كثير اماكن مثل هالقصر يلي كنت دائماً اتمنى اني ازوره … شكراً على الموضوع والصور الرائعة

  4. :~ وربي مليت باريس وباريس كل ماجاني ايميل من القروب لقيت ذا الاسم احسي كرهت عمري …تصويرك ميه ميه بس مافيها شئ جديد كانه تصوير دليل سياحي كل شئ فيه رسمي تقول داخلين وزارة الداخليه مو ايميل ….

  5. صدقا استمتعت بمشاهدة الصور والتعليق:o ولكن:( أحببت أن ألفت انتباهك ألى أمر أن السندويش الذي طلبتموه بعد خروكم من القصر وكان دجاج واكتشفتم من بعد أن واحدة منهم كانت لحم خنزير هل تعلمين ان حتى الدجاج ليس محبذ أكله لأنه ليس دبح حلال نحن العرب لدينا قيم ومقاييس يجب التقيد بها بالنسبة لديننا فحتى الدجاج حلال لانه ليش مدبوح على الطريقة الإسلامية وهذا مايقع فيه أغلب العرب المسلمين في بلد الأجنبي و شكرا أرجوا من الله أن يجمعنا بالجنة معا وإني أنتظر الحلقة التالية بشوق :$:~:~:~

  6. اخي الفاضل انت رائع بكل معنى الكلمة امتعتنا وكاننا معك وجهد جبار قمت به والشكر موصول ايضا لابو نواف الرائع تقبل اعجابي

  7. بصراحة مرة حلو التقرير وصور نايس مررررررررررررة وبصراحة رحلتكم مرة حلوة كنت انتظر اشوف صور هالقصر:) بس القصر شغل متعوب عليه والتصور فيه مرة نايس بنتظار جديدك وعقبال مااروح فرنسا:$:$:$ تقبل مروري فــــــــرح

  8. الف شكر لك ماشاء الله حتى باختيار الاماكن جميل ياهيك رحلات وناسه يابلا أتمنى لك مزيد من التوفيق

  9. صراحه مناظر غاويه اكثر شي عيبني اللوحات اللي شكلها مرسومه في عطر النهضه والطبيعة والورود انا حلم حياتي اسافر فرنسا وبالذات باريس بس للاسف ما حصل.. لان اهلي يكرهون اوروبا والسبه انهم تغربوا فيها كمن سنهوانا لا فمستحيل يسافرون لها مره ثانيه:( يلاا عسى خير تسلم قالت احبك جهد رائع تشكر عليه وتستاهل احلى تقييم واشهد ان باريس قصه عشق 😀

  10. مشكور وماقصر الي حط صور وتسلم ايدينه والله بصراحه صور روعه حلوووه ماشاالله

  11. صراحتن ابداااااااااااع الله يسلمك عالتقرير والصور رووووووعة عن جد خيااال يارب ازورها يااااااارب

  12. السلام عليكم .. تصووير رووعهـ ماشاء الله عليك .. ومناظر أحلى .. شوقتنا لباريس .. يعطيك العافية .. وبإنتظار الجزء الاخير 🙂

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

باريس ، قصة عشق لاتنتهي ج7

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول