اي الشركتين شعارها اقدم من الاخرى


وجد شعار زين على قماش رجالي لثياب هي شركه يابانيه لديها نفس شعار زين واسمها زيبا الشعار متطابق مئه بالمئه فقط اللون متغير لكن هنا السؤال : اي الشركتين شعارها اقدم من الاخرى عندها نحكم من سرق ومن سرق منه …لكني اعتقد انني شاهدت هذا الشعار منذ سنين وفي محلات الخياطه ايضا … ا


تعليقات 20

  1. السلام عليكم و رحمة الله و بركآته . . اممم مآ أعتقد أخوي . . مجرد اشاعات أو حركآت شباب . . تعودنا على سوآلفهم و آخر شيء تطلع اشاعات . . تحياتي

  2. أخوي انت تشوف ان شركة زين لها شهرة وانتشارها كبير يعني لو كانت شركة الخياطة زيبا انسرق شعارها كان رفعت دعوة في شي اسمه حفظ للشعارات من السرقة الله يعطيك العافية

  3. ^ اي اشاعات الله يرحم امك !! الرجال يقلك شايفها بنفسه و تقول اشاعات !! معليك منه يخوي i.ksa .. و خذ العلم .. هذي فوتوشوب مية في المية ! B هذا اللي جا يكحلها عماها ! 8)

  4. من سنتين وانا ما افصل الا عند محلات توفر اقمشه يابانيه اصليه ولا عمري شفت قماش اسمه زيبا ولا لمحت شعار مشابه لشركة زين شكلها استهبال كل ما طلعت شركه قالوا لنا شعارها مسروق ما بقى الا يقولون عماره المملكه تصميمها مسروق XD

  5. انا اتوقع انه لشركه الخياطه لان شكل ومحتوى الرسم تدل على انه للاقمشه بهب اتصلات ولا..!

  6. الشعار مسروق والدليل هو: ان شعار شركة الخام يمثل شكل (طاقة خام ملفوفة) ومصوّرة على جنب يعني لو تروح لاي خياط وتطلب منه يطلع لك طاقة خام ملفوفوة وتشوفها على جنب راح يتبين لك شكل الشعار. بينما استخدام الشعار لشركة زين وهي شركة اتصالات لا يمكن تفسيره، بمعنى اخر ليس له علاقة بنشاط الشركة. بينما شعار شركة الخام يعبر عن منتجاتها اللي هي عبارة عن طاقات خام.

  7. الخبر ممكن يكون مفبرك من شخص ما عن طريق الفوتوشوب – وليس صعب – لكن حاول تزودنا بتأكيد للخبر – وهو في نظري – موقع الشركة على النت يعني مستحيل تكون شركة يابانية وما عندها موقع .

  8. بكل أمانة لي فترة أبي أسجل لكن أنشغل لكن سجلت عشان أرد على هالموضوع بذات وعلى أخوانا i.ksa ياحبي لك أمووووت انا في هالخياط الي تفصل عنده بس أوصف لي وينه ابي أفصل عنده أجل زيبا مافيه قماش إتصا قسم بالله طفشنا من هالإشاعات ودي أعرف وش الي بتكسبونها من وراها هل شركة الإتصالات ناويه تشوه سمعة زين مثلاً بعد كشف شعارهم المسروق بعد مدري متسلفينه معى اني من محبين الإتصالات و موبايلي وزين وكل شركة مشترك فيها 😀 ياخوان بما إني أعتبر مصمم و مصور مبتدأ إلا أني أعرف بعض أساسيات و الأسرار المهمه الصورة الي موجودة مفبركة مليوووووووووون بالمية وأنا متأكد من كلامي وأتحدى صاحب الصورة ان يكتب إسم الخياط عشان نتأكد والي يبي يتأكد يحفظ الصورة على الجهاز ويفتح الصورة ثم يكبر الصورة إلى مستوى رؤية البيكسل بوضوح راح تلاحظ بإن مربع الشعار توجد رتوش أو عدم تطابق مع الصورة وهي واضحه جداً عند التكبير وسلم لي على الخياط و قماش زيبا !!!!!

  9. يا ابو الشباب انا ما اتوقع شركة زي شركة زين عندها فروع في كثير من الدول وشركة عملاقة انها :((تسرق) :(على قولتك شعار شركة يابانية للاقمشة ما هي معقولة وذا كان كلامك صحيح يمكن تكون الشركتين لمالك واحد:D

  10. مدري يعني نفرض انها مسروقه ولا مب مسروقه وش همنآ حنا عساها مزوره وصاير عليها غسيل اموال يعني مثل مايقولون اخوانا المصريه عساها في مليون داهيه

  11. 😮 انا اقول انه نفس الشركه بس حابه تقير الاسم او القماشه قديمه مرررره قبل لا تطلع شركة زين والشركه غيرت المسما و اضافت الوان على شغارها 8)8)8)8)8)8)

  12. هذا يا طوال الأعمار أول مابدت شركة زين تغطي الناس ثم تطورت وصارت تغطي شبكات عالمية وخطوط اتصالات :$:$:$:$

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اي الشركتين شعارها اقدم من الاخرى

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول