المرجع الكامل لـ(استرجاع الايميلات المسروقه)


السلاااام عليييكم .. ! //
يشتكي الكثير من سرقة ايملاتهم ..وفقدان الأمل في عدم استرجاعها .. لذلك اليوم .. راح
أشرح لكم الطريقه الاضمن والرسميه … لـ استرجاع الايميلات ، طبعا الشرح قبل اكثر
من سنه .. سبق أن وشرحته .. ولكن لـ الاسف تغير شكل الهوتميل وتغيرت الطريقه .. وطارت
الصور /فلذلك لكثرة الطلبات قررت.. أشرحه لكم بالتفصيل الممل ../ ..مالي بالطويله خلونا نبدا بالشرح

الادوات المطلوبه :
1- بريد اخر علي الهوتميل لكي يتم إرسال رابط إستعاده كلمه المرور إليه.
2- خبره ولو بسيطه باللغه الإنجليزيه (لا تخاف لو ماعندك خبره إسال عن الي تبيه في الموضوع وبرد عليه انشاء الله // ).
3- أن تكون راعي الايميل وأن تخاف الله وما تضر المسلمين بذي الطريقه
4- معرفتك بإسمك الأول والأخير وتاريخ ميلادك و5 جهات إتصال في الماسنجر علي الأقل واي معلومات عندك زياده مثل السؤال السري والبريد والخ .. / ،

اول شي ندخل على
هذا الرابط

/
اضغط على الصورة لمشاهدتها بوضوح

بعد .. مادخلنا الرابط .. نختار اللغه المفضله ..طبعا حاليا مافيه دعم للغه العربيه
فلذلك اخترنا اللغه الانجليزيه .. ! بعد كذا .. بتطلع لنا صفحه مثل الصوره إلي في الاسفل ..

/
1- هنا نكتب في المربع رقم (1) الاسم الاول والاخير مثل إلي كانت في الايميل ..
2- هنا نحط الايميل إلي راح نتواصل به مع الدعم الفني
3- هنا نحط الايميل المخترق .

بعد ماخلصنا الجزء الاول من النموذج .. نروج للجزء الثاني بالاسفل ..مثل مانشوف بالصور
/

1- في الخيار الاول مثل مافي الصوره نضع تاريخ الميلاد نفس إلي موجود في معلومات الايميل
. 2- في الخيار الثاني .. نضع الدوله نفس إلي كانت موجوده في معلومات الايميل .
3- في الخيار الثالث .. نضع عاصمة الدوله 4- نضع كود الدوله

5- نكتب هنا الجواب السري نفس إلي كان بمعلومات الايميل ..قبل لا ينسرق .
6- برضووه هنا نحط الايميل البديل إلي كان بمعلومات الايميل قبل لاينسرق .

/

7- تحط هنا الـ ip للجهاز الخاص بك.
8- هنا في هذا الخيار مكتوب .. لنا من وين تستخدم النت .. ونكتب home يعني في البيت /
9- هنا نحط آخر دخول للإيميل قبل سرقته وبقية الخيارات في الصوره غير مهمه

/

13 – غير مهمه . 14- برضووه غير مهمه 15- غير مهمه برضوه/
16- هنا نحط مجموعات المسن مثل الاصدقاء ، العائله ، إالخ .. ومهيب ضروريه/

/

في هذي الخيارات لو ان ايميلك مدفوع وحاط عليه فيزا تقدر تحط معلومات الفيزا .. ماعندك مهيب لازم //
تابعوا الصور معنا

/
في هذي الصوره نرسل لـ الدعم الفني .. الفني رساله بالانجلش طبعا نقول لهم إنه تمت سرقة ايميلي .. ونعطيهم معلومات عن الايميل ..

للي ثققافتهم روسيه ولا يفتون انجلش /
امسكوا هذا نموذج ../

My email password has been hacked by someone. I wish to retrieve my email since
my email contains very sensitive information about me and my company.
Best regards

بعد كذا..
نرسل النموذج و راح يعطونا رقم للطلب
مثل ماعطوني

Your Support Ticket Number: 1107230425

وهذا الرقم مهم جدا إذا تأخروا بالرد وكذا ..
وراح يتم الرد علينا خلال 24ساعه .. برساله فيها رابط لـ استعادة الايميل كل ماعليك تدخل الرابط وتستعيد ايميلك ../

ألحين خلصنا من طريقة استرجاع الايميل .. ألحين راح اشرح لكم طريقة حفظ معلومات الايميل

تابعوا الصور ..
/

أول شي نفتح الايميل وبعدين .. نروح لـ خيارات .. وبعدها نروح لمزيدا من الخيارات..
تابعوا الصور ..

/

بعد ماتفتح الصفحه نروح لـ عرض المعلومات الشخصيه وتحريرها ..

/

بتطلع لنا هذي الصفحه وندخل الايميل والرقم السري ..

/

راح تفتح لنا هذي الصفحه ونفتح المفكره .. ونخزن المعلومات ..
بعد كذا نروح لـ معلومات مسجله ..

/

وبرضووه نحفظ البيانات ../ في المفكره بـ كذا بإذن الله عند تعرضنا .. لـ التهكير بهذي المعلومات .. راح تقدرون
تسرجعون ايميلاتكم ولو تم تهكيره من أطلق شنب ..! /

همسة أخيره:/
*الطريقه هذي هي الطريقه الرسميه واسترجعت بها ايميلات .. واجد
* الحذر ثم الحذر إن تكون هناك أي معلومات خاطئه /
* أصحاب النسخ واللصق .. الرجاء ذكر الحقوق عند النسخ وعدم زرف الحقوق /


* الشرح جلست فيه ساعات متواصله .. اعذروني ع القصور .. ومابي منكم إلأ إن الدعاء إن
الله يحقق إلي في بالي .. والدعاء لوالدي .. وأي استفسار أو مساعده .. تامرون أمر .


تعليقات 47

  1. بيض الله وجهك وماقول الا جزاك الله خير والله يوفقك ويحقق اللي في بالك موضوع مفيد جدا

  2. تسلم يابو بكسل شرح كافي ووافي عاد الله الله بالشروح الحصريه .. منتظرين منك كل جديد

  3. بدخل في الموضوع على طول :(بصراحة ايميلي منسرق من فتره :(:( وارجوكم ساعدوني بس ناسيتن كل المعلومات<<بتنذبح:( فيه امل والا لا:(قولوا فيه مل:(

  4. مشكور على الشرح 🙂 الحمدلله ولامره انسرق من عندي ايميل بحفظ معلومات الايميل من الحين .. يمكن يوم من الايام ينسرق الايميل ههههه .. مع السلامه 8)

  5. طيب ياخي انا اذا فتحت ايميلي تاتيني الرساله هذه وش المشكله This account has been closed Your account has been closed because it seems to have violated our Terms of Use. To re-open your account, please do the following: 1. Click on the link below and fill out the e-mail support form. 2. In the box labeled Please select an option, choose Connections/Sign In Problem. 3. Another box will appear. It will also be labeled Please select an option. Choose Account Closed. Access Denied. 4. Make sure you answer all the questions that have a red star (*) by them. Then click Submit. Well review your request and get back to you within 24 hours. Please DO NOT submit multiple tickets – it will delay how long it takes us to respond. Help مع العلم اني اقدر اخش على الخيارات والمسن لكن ماقدر ادخل على صندوق الرسائل!

  6. ربي يفرج همك ويحقق لك اللي في بالك 🙂 هذا الدعاء مو علشان تساعدني لا .. لأني احب اللي يخدم الناس قسما بالله انك وليده على هالشرح 🙂 ( وليده بمعنى رجال كويس جدا) لو اقعد اشرح لك ماخلصت 😀 اذا وقتك يسمح لك من هنا الى قبل يحذفون ايميلي راسلني مشكورا على ايميلي [email protected]:> والله منغبن حييييييييييييييل على ايميلي:( :)ربي يوفقك ويعطيك كل ماتتمنى:)

  7. موضووع رووعة والله يعطيك العاافية:) الله يحقق إلي في بالك وجزاك الله خير عالموضوع وانا الحمدلله مانسرق ايميلي لكن رديت لان الموضوع مميز وواضح انة من جد متعووب علية:( و الموضوع قمة في التميز والروعة مشكور تقبل مروري قمر على هيئة بشر

  8. يقول منصور ([email protected]):

    اولا اشكرك بعنف و الله يقويك .. انا عندي ايميلي من زمان مسروق تقريبآ من سنتين و نص وبصراحه فقدت الامل انه يرجع لي عشان كذا طنشت وما حاولت مره ثانيه لكن قرأت موضوعك وقلت إن شاءالله فيه امل 🙁 لكن المشكله ما اذكر من معلومات ايميلي إلا جهات الأتصال اللي كانت عندي وبعض المعلومات مو متأكد منها ابد وعساك ع القوه

  9. سلاااااام و عليكم اخي العزيز؟؟؟؟انا من الناس الي انظلمت و سرقولي ايمييلي…لمن ادخل الماسنجر تطلعلي رسالة انك on line in enother compute ولمن اخرج من الماسنجر اكون مازال موجودة وهذا أكدلي انه في احد سارق ايميلي.والمشكلةلمن عرفت قمت غيرت الباسورد ومسحت الاشخاص عالماسنجر بس قام رجعهم ثاني وصار يسولف معاهم وانا ما اعرف ايميله بالله قلي وش الحل؟ربنا يجزيييك الف خير…….دلوعة خان

  10. السلام عليكم يعطيك العافيه يا رب ويخليك بس الي حط معلومات من رأسه 🙂 وناسيها ؟ أكيد يطلع منها 🙂

  11. طيب ممكن الي سرق الايميل يعدل كل البيانات الي يبونها,, وكذا يصير مايقدر يسترجعه,, 😀

  12. يالله ان تسلم بيكسل وتخليه لعين ترجيه الله يحقق اللي ببالك حمود 8) ويحفظ لك والديك مجهود تشكرر عليه

  13. احلا واهم موضوع بالنسبالي .. وشفني استاذن منك نسخ ولصق الموضوع لشدة حاجتي الشخصية له .. والله يحقق لك مرادك ويخليك لبوك ويخلي ابوك لك ..

  14. انا بفس الاخ اللي انغلق الرسايل حقته ولايقدر يفتح رسائله مع العلم اني اقدر افتح الماسنجر حقي ارجو منك ان تعطيني الحل لفتح الرسايل مع العلم اني جربت مليون طريقه بس مانفع ولك جزيل الشكر

  15. يارب يحقق اللي في بالك رغم اني ولله الحمد ماني بحاجه للموضوع وراح احتفظ بالصفحه يمكن لاقدر الله يتسرق واحتاجه وحسيتك انك تعبت وقلت لازم اكتب لك كلمة شكرآ وجزاك الله ألف خير ويوفق أهلك كلهم آآآآآآآآآآآآآآآآآآآمين وبيض الله وجهك وماقصرت..

  16. مشكور أخوي .. الله يجزاك خير .. وجعله في موزاين حسناتك .. ماشاء الله تبارك الله .. موضوع راااائع .. ومجهووود أروع .. بعد إذنك أخوي ابنسخ الموضوع مع ذكر الحقوق .. لأن فيه ناس اعرفهم كثير محتاجينه .. الله يعطيك العافيه ياااارب .. تسلم يدينك .. جعل ماتمسهم النااااار .. خيتك ..

  17. يا خوي انا فهمت كل شي لكن ما باقس إلا وحده وهي كيف اطلع عنوان ip وبيض الله هالخشة المزيونة:D

  18. انا مو رافع ضغطي غير اللي سارق ايميلي يسولف مع صديقاتي كنه انا !! لااا وبعد صديقاتي الخبول معلمينه بأسمي وبكل علومي في الجامعه والبيت !! (( وشلون اكشفه واتوطى في بطنه )) ذا اللي متسلط علي حسبي الله عليه وعلى الساعه اللي عرف فيها ايملي !! واذا عندك طريقة ترد الرسائل المحذوفه اكون شاااااكرة لك من اقصاااااي يابن الاجواد

  19. طيب .. نسينا الأيميل البديل والإجابة السرية ..؟! الإيميل من 2003 مسجل وانسرق في 2008 وطنشناه .. ونسينا أغلب المعومات .. مالعمل ..؟

  20. اهلييين .. منورين كلكم 😀 اي استفسار حبايبي … على الايميل برساله 🙂 أو بالمسن 🙂 عشان اجاوب واعرف وش تقصدون بالضبط 🙂 ويعطيكم العافيه

  21. بسم الله الرحمن الرحيم السلام عليكم ورحمة الله وبركاته اخي العزيز مشكور على الشرح الجيد

  22. ههههههههههههه ياخي احلفلكـ … فآتح صفحه في قوقل ادور طريقه استرجآآع الايميل المسرووق 🙁 وفاتح صفحه ثانيه اتصفح بريدي على ابو نواف وصدفه طبيت في موضوعك ..:D ان شاء الله استفييد من شرحكـ , وان مافهمت انتظرني على الايميل رووح الله يغفرلك ويوفقكـ وين مآتلقي وجهكـ

  23. السلام عليكم يارييت اختي تقبلين اضافتي لاني مو عارفه عنوان ip حقي او ماعرف اهو شنو اساساً وشلون اعرفه وفيه معلومتين ناسيتهم واكوون شاكره لج

  24. اخي ابو نواف .. انا مطلعه أميل وله اكثر من خمس سنوات ونااااسيه كل المعلومات عنه والحين مهكر كيف استرجعها ماني عارفه ياليت تفيدني الله يجزاك خير ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

المرجع الكامل لـ(استرجاع الايميلات المسروقه)

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول