المدرسه


هلا والله وشلونكم وش اخباركم؟؟؟

قريت مواضيع عن المدرسه ومدري ايش قلت خل اقولكم قصصنا اللي ماتنتهي واغلب هالقصص متجمعه في ثاني متوسط
احممم احممممم
اذكر ذاك اليوم كان عندنا حصة فراغ وبما اننا متأثرين مره بالمسلسلات الكويتيه
وكان ذاك الوقت ايام ( دارت الأيام )….عاد قلنا خل نسوي مسلسل…
ونجيب عبايتنا ونلبسها…انا مسويه ام جاسم…ووحده مسويه نفسها جاسم كانت منسدحه على الطاوله ومغطينها يقالها ميته هع هع…وباقي البنات خوات جاسم…
وجايه انا من بداية الفصل واركض واصارخ…يقالي تو داريه انه جاسم مات…
واروح عند جثته المزعومه…واقعد اصاااااايح عندها..والبنات يصارخون وحالتنا حاااااااله
وانا مااااخذه جو بقوه لدرجة اني مااحس باللي حولي…فجأه حسيت انه البنات هدوا شوي…ويوم التفت……لأ لأ لأ لأ نو وييييييييي….
اشوف مراقبتنا واقفه عند الباب تتفرج….فشيييييييلة وقسم بالله واستوعبت انه كل البنات رجعوا اماكنهم ماعدا جاسم ووحده من خواته وانا امهم….
ذيك الساعه مدري وش صاااااار…انا مررره انحرجت ودموعي بعيوني…
والمراقبه قالت ماشاء الله مسويين افلام…يالله كل وحده بمكانها….
واللي مسويه نفسها جاسم بتلت منسدحه مااستوعبت وانست الاخت خخخخخخ…
انا من جد من جد خلااااااص بصيح والبنات رفعوا ضغطي قاعدين يضحكون مع انهم يدرون اني حساسه مررررررره
ورجعت وقعدت مكاني ووجهي محممممممر….
والمشكله تكمن انه هالمراقبه ماخذه فيني مقلب بقوووووووه وتحسب اني مؤدبه وعاقله….
يالله طووووول عمري ماراح انسى هالسالفه………

تجيييييكم السالفه الاعظم….حنا نمون بزياده رايحين للمدرسه نستهبل مب ندرس…
ذاك اليوم المنخرش…قررنا نسوي زواج….
عاد انا العروس وسميت نفسي ( دارين )…وذلك لانه امي اول ماولدتني جاها شي بسم الله عليها كانت ناويه تسميني دارين…خخخخ مدري وش حكمة هالاسم…
والمشكله اني اول مولود في العيله يعني تخيلو ابوي يصير ( ابو دارين ) خخخخخخخ
بس اشوى انهم هونوا وسمون اسمي الغريب اللي للمره المليون اقولكم لاتتعبون انفسكم وتدورون بكتب الاساااااامي ( لزقه بقوه اسكتي بلا فضايح رجاااااااءن )
المهم…مب طبيعيه هي العريس وسمت نفسها ( أيمن )….
وكانت صديقتي واسمها العاشقه يقالها أمي واسمها ( أم عبد الرؤوف )SPAN>
المهم مخططين لذا الزواج من زمااااان…وسوينا كروت بالكمبيوتر ومختبين ومدهرين
وعزمنا نص المدرسه للزواج….وكنا ناويين نسويه بالفسحه…
وجابو لي انا العروس خرابيط واكسسوارات يعني مشااااوير…
والبنات جابو طرحهم وعبايتهم…المهم تجمعو البنات حولنا…وقاموا يغنوون ويهللون…
وانا يقالي خاقه…المهم طبعن جو المدرسات وخربوا ام السااااالفه….واخذوا نص المدرسه وودوها للادراه…طبعن انا ماعندي مشاكل متعووووده…
يمكن كنا تقريبن 15 بنت او اكثر…المهم عاد تعرفون المصاريا لازم يخترعون قصص من خيالهم…وحده من المدرسات مصريه…قالت انا شفت البت دي رابطه الطرحه على خصرها وقعدت ترقص…والبنت ذيك مسكيييينه ماسوت شي….يعني ام النصب
المهم وحده من البنات تخااف من ابووها مررررره…قالو بنتصل على اهلكم وبنفصلكم ومدري وشو….البنت خلاااص قامت تصيح بقوه واغمي عليها…يالللله مب صاحيه
انا انهبلت شلناها وودينها للدكتوره….احلى شي انه المدرسه خافوا يوم شافو البنت دايخه وقالو لها خلاص بنطلعك من السالفه….
وقعدنا لين اخر حصه وحنا عند الادراه….وتحقيق وتسحييب وحالتنا حاااااله….
المشكله انه كان يوم الاربعاء انواع النكد….من جد ضيقة صدر….
المهم يوم طلعنا فصولنا…لقيناهم مطلعين اشاعات انه انا جت سيارة الاسعاف خذتني وودونا للمستشفى…وكل وحده أسألها من اللي قالتس كذا تقولي فلانه…وأروح أسأل فلانه ذي واقوله من قالتس؟؟..تقول علانه……الخ
يعني مستحيل نعرف مصدر الاشاعه نفسه….
يوم رحنا لفصل…الا كل البنات وااااء يصايحون ياحبيلهم يحبوننا…..والمدرسه قامت تهدي فينا ومدري وشو…احلى شي انهم دقوا على امي قالو له ترا بنتتس مسويه عرس بالمدرسه خخخخخخ ماتفشلت ابدددددد…
وسوو اجتماع مع الامهات…يعني كبرت السالفه وكل المدرسه دروا عنها….
وفيه بنات الله ياخذهم عطو الادراة الكروت اللي حنا سويناها….
يعني صار عندهم دليل علينا…….
وبعد ايام طلعوني انا ومب طبيعيه وبنتين معانا…وخلونا نوقع على شي مدري وشو…
وبالطابور قدام كل المدرسه قالو انهم بيفصلونا انا والبنات…..
حنا عاد قعدنا نضحك على غبائهم…..
ولا فصلونا ولاسوو لنا ولاشييييييييي…..

خخخخخخخخخ بس من جد تحسون اننا طاقين مياااااااانه……

تحيااااااااااتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول