الطبيعة الصامته، درس عمل استديو مصغر للصور الفوتوغرافية


السلام عليكم ورحمة الله وبركاته
هذي اول الدروس في قروب أبو نواف
وان شاء الله افيد اللي يبي الفايده
** الرجاء لنقل الموضوع ذكر المصدر
,,..,,
كثير من الاخوان سالني عن طريقة الاضاءة في صوري (( الطبيعة الصامتة ))
وان شاء الله تكون الطريقة سهله
علشان يصير عندك مثل الاستديو مصغر في البيت يبغى لك كذا شي
اولها تروح عند كهربائي يركب لك لمبتين بيضاء بسلك بطول 3 امتار (( الامتار على حسب فيش الكهرب ))
واللمبتين الوحد بـ 12 ريال الماني >> الالماني انارته اقوى وهو الافضل في السوق
..,,..
ثاني شي يبي لك تروح عند محل قماش وتشتري لك 3امتاراسود و3امتار ابيض و3امتار ملون (( الملون على حسب الرغبة ))
..,,..
تروح لاقرب محل قزاز وتفصل لك قطعه قزاز بس اهم شي ماتكون سميكه علشان ماتعكس الشكل اكثر من مره
..,,..
ويبي لك سراميكا علشان تكون الارضية متساوية (( السيراميك بلاط ناعم يركب في الارضيات ))
..,,..
طبعا هذا كله للارضيه
وللخلفية تكون قطعة فلين من اي مكتبة وهي تجي بوجه ابيض وبوجه اسود بـ 10 ريال
..,,..
اول شي تحط مركتين (( المركة مربعة الشكل مكونه من سفنج مضغوط موجود في 90% من صالات البيوت ))
ويكون فوقها السيراميكا
وفوق السيراميكا القماش اللي انت حاب ( ابيض او اسود )
بعدها تحط القزاز علشان يعكس
وبعدها تحط الفلين للخلفية
وبين المركة والفلين تحط كرتونين كنادر (( جزمة ) وانت بكرامة وتحط اللمبتين فيها علشان ماتحترق الفرشة
وبعدها صور

وهذي صور للطريقة

هذي الطريقة والصورة والشرح
وان شاء الله اكون وفيت فيه
ولاي ملاحظة واستفسار ارسال رسالة للايميل
وباذن الله راح ارد عليها

تحياتي للجميع
سلطان السلطان


للتواصل
[email protected]


تعليقات 10

  1. من جد روعة استديو مصغر وبأدوات منزلية \\ اشكرك على هذا الدرس الرائع دمت مصوراً مبدعاً :$

  2. اممممممممم وأخيرا عرفنا سر الطبخه يعطيك العافيه ياسلطان انا بجربها وبرويك ياها بس قبل كذا حبيت ارسلك صوري اللي صورتها واشوف رايك فيها اذا موافق طبعا

  3. والله انك فنان يا سلطان صراحة مبدع وأنا معجب بصورك الله يعطيك الف عافية 🙂

  4. صباح الجميع ورد واعجابكم بالدرس يسرني والدرس بكل تاكيدسهل واغراضة ارخص من المعتاد كل التقدير لكم واخوي ناصر يسعدني ويشرفني اشوف صورك يامبدعي وفي انتظار صورك على ايميلي سلطان

  5. وعليكم السلآم ورحمة الله وبركآته مآ شــآء الله عليـك أخووي .. إبداااع ..! وبالتأكيـد ننتظر المزيـد من الدروس والنصاييح القيّمـة .. عآفــآكَ ربي ..

  6. هلا فيك اخوي سلطان بصراحه استفدت كثير من طريقة عمل استديو خاص وتسلم يدك وما قصرت اتمنى لك مزيداً من الابداع

  7. 😀 والله حلوة الحركة ياليت نتعلم اكثر منك انا احب التصوير… ياريت تعلمنا اكثر او تعرض صوورك علشان نتعلم

  8. قليل من الناس يشرح لك طريقه عمل اي شي حتى لو كانت بسيطه بس انت مبدع وما تبخل بأفكارك مشكور وأنتظر منك مزيد من الأفكار السهله الرائعه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الطبيعة الصامته، درس عمل استديو مصغر للصور الفوتوغرافية

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول