الضابط مناحي صاحب الاف 16


مناحي صاحب الـF-16

الضابط

ابو مناحي شيخ من شيوخ ديرة في الشمال وكان ابومناحي يحب الترزز والتفيخر قدام الجماعه

وحب انه يتفيخر بولده مناحي وعلمه وصرف عليه الين تخرج من المتوسط .. ومعروف عند اهل الديره ان اعلا تعليم عندهم هو الابتدائي يعني الي معه الابتدائي عندهم معه الجامعه

لكن ابو مناحي يفكر لبعيد وهو يخليه يواصل دراسته الين خلص المتوسط والثانوي ثم دخله الجويه

وكان مناحي ذكي الحق حق الرجال ماينظلم .. والله ويتخرج مناحي بتقدير ممتاز من الجويه ثم صار ضابط طيار .. وابومناحي مبسوط منه وكل ماجاء خميس وجمعه وجاء مناحي عزم الجماعه يبي يوريهم ولده مناحي حتى ان ابومناحي يقول لولده اذا جيت لديره لا تجي الا بلبسك العسكري ثوبك مابي اشوفه

ثم خذ مناحي دورات مكثفه في الطيران وصار من الاوائل

.. واصبح مناحي من اجود الموجودين في القاعده الجويه وخصص له طياره F- 16 يتدرب عليها

الضابط

الضابط

.. وتمشي الايام ثم صار مناحي هو المسؤول عن الامن الجوي يعني كل يوم يصير له خمس طلعات بطياره .

ومره من المرات طلع على مناحي بعير وهو جاي لديرته ويصدمه بس فكه الله .. ومناحي ضاق صدره وقال شغلكم عندي وانا ابو حمود

ويوم مر اسبوع هو يجي بـ F-16 ويشطف الديره وهي اللي تطير خيام الديره وتهج الغنم والبعارين .. ويقومون الجماعه ويكتبون برقية شكوى للاماره ويشكون من الطياره اللي روعتهم بس ابومناحي خذ الشكوى وخباها لانه خابر ان ولده هو اللي مسويها .. ومناحي صار كل طلعه يطلع فيها يسير على الديره

الضابط

وكل ماشاف له بعير حول الخط راح لمه واشطفه .. وهو اللي يكلمه ابوه ويهوش عليه الين استادب

ثم تعلق قلب مناحي في بنت عمته هملا وكل ماجاء لم الديره راح لم البر يدورها لانها كانت ترعى بالغنم وهملا صارت تحبه .. ومناحي انهبل ماعاد يقدر يصبر عنها وصار كل ماطلع بطياره مر من حولها . ويسوي حركات بهلاونيه بطياره وهملا منهبله خايفه عليه .. ثم كلف مناحي بمهمه مدتها حوالي شهرين ومناحي مايقدر يفارق هملا اكثر من اسبوع ومناحي قال مالي حيله الا اني كل ماطلعت بطياره امر من عند الغنم واشوفها لكن ماقدر وده يكلمها ويملا عيونه بشوفتها وقرر مناحي انه ينزل بطياره وهو اللي يدور له مكان روضه مستويه وهو ينزل بطياره ويخلي لهب الشكامين حقات الطياره تلهب الارض الين شب في الشجر اللي في الروضه وهو ينزل بطياره

الضابط

وينزل زمزمية الشاهي ويجلس مع هملا الين بغت تغيب الشمس ثم ودعها ومشى

الضابط

ثم تعود وصار كل يوم يطلع فيه بطياره ينزل بطياره ويتقهوى معها .. لكن ذا الحال ماطول لان زملاه في العمل لاحضو ان الرجال يهبك ولا عاد يشوفونه في الرادار وهم يسوون له تتبع

الضابط

ويلقونه ملبق الطياره تحت شجره

الضابط

.. ثم تم توقيفه عن الطيران ونزل من ضابط طيار الى ضابط خفر

الضابط

وحاكموه محاكمه عسكريه وقصصة جنحانه

وقال مناحي لجل هملا كل شي يهون ولجل عين تكرم الف عين ههههههههههههههههه

قول

مناحي مجنون هملا

هههههههههههه

اتمنا ان تحوز على رضاكم


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الضابط مناحي صاحب الاف 16

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول