الدلوعة .. ومدري والله بلشت بالعنوان :D


السلام عليكم ورحمة الله وبركاته

حياكم الله يالمتقربقين

في البداية كل فصل دراسي وانتم تزقحون .. والله يوفقنا وإياكم وعقبال المعدلات اللي تناطح السحاب

بصراحة وبصراحة جداً يعني <– اخلص يابو
:يتفرج:  انبسطت يوم شفت اعضاء القروب بدو يبطبطون على الشاشات الفضيّه

فلذلك بأرسل رسالتين فضائية
:الأولى : لحبيب الشعب أبو نواف

منوّر قناة المجد يا ريّس .. وماشاء الله عليك جنتل يا جنتل .. بس وراك بآخر لقاء معصّب أحس كنك توك قايم{43}من النوم ومفطر نواشف

:الثانية: لـ يابعدهم ولـ غير البشر
منوّرين قناة الزوراء يا شباب .. ماشاء الله عليكم من جد أبطال {0000007} .. يا بعدهم شكلك متمرّس على استخدام الآر بي جي .. طلقاتك كلها تصيب الهدف ماشاء الله عليك :حرب:.. وغير البشر ماشاء الله عليه استخدامه لقذائف الهاون بطل بطل .. ساعدهـ خف الوزن في سرعة التحرك :حرامي:.. الله ينصركم يا شباب[20: <– الحاير في قلوبنا ههههههههههههههههه
على فكرة .. المذيع اللي يقدم الأخبار في الزوراء ياهو يروّع .. كل ما جت أخبارهم تكتفت ولااااحركة ، حتى يومن من المرارير جيت بأقوم من عند التلفزيون وهو يقول الاخبار ورفعت اصبعي باستأذن منه خفت أقوم :(ويثوّر علي بالفرد اللي معه<–جعلك منيب قايل

نرجع لموضوعنا اليوم .. وتراهـ قصير وش حليله .. خفت أطوّل مثل المواضيع اللي قبل وأبحل في خلق الله .. لإني سمعت في الموضوع اللي قبل هذا سقطّوا ثلاث حريم وثلاث شباب جتهم حالات استفراغ متكررة وانتم بكرامة من قوّة المصالة ههههههههههههههه


هذي صورة لصلاة الجنازة .. الله يغفر لأمواتنا وأمواتكم واموات المسلمين

الإنعكاس طالع شي شي


أذكر قبل فترة
اني نزلت صور دعايات شراريب أو جوارب اللي تطيّر الريحة الخايسة وأنتم بكرامة ، عاد هذا مقطع فيديو  نفس النمونه بس دعاية مجنووونه الله يغربلهم

:5:


هذا واحد يقولون أنه سعودي .. لا تحسبوني هالحين متحامل على السعوديين وأي شي بايخ أنشبه فيهم <– :خخخ: وش عندهـ البريطاني
بس صدز والله يقولون هذا سعودي لاعبين عليه الخواجات ومركبينه دباب وقايلين له نتحداك تطمر يالزلابه ، عاد الضعيّف طمر بس عاد ماجت على مايبي ، المهم انتم شوفوا المقطع وبتعرفون وش صار

<– :oوش عقبه


هذا مقطع للي يسمونه قطار الموت بس تصوير خبآآآآل والله ياهو يرووووووع .. وانا قاعد على الكرسي هالحين دخل بطني هوا من زود الخرشه كنّي نازل من ظهرة البديعه خخخخخخخخخخخ ، إلا جابكم الله .. فيه سؤال محيّرني منذو مبطي هالحين اذا نزلت من كبري ولاّ من طلعة رفيعة ليه يدخل البطن مثل الهوا يعني الواحد يشهق شهقه وش زينها لكن اللي يسوق السيارة ما يشهق ولا يدخل بطنه هوا هههههههههههه شي  يدغدغ أفكاري من  زمان وعجزت أعرف السر ، اللي يعرف السر رجاءً لا يعلمني لإني أحب اعيش في حيرة

:خخخ:


 :p عاد هالحين جا دور الدلوعة اللي تحط حليمة بولند في جيبها

هذولي الله يسلمكم شباب سوريين انا فدا خشش اهل سوريا :يسلمو: ، عاد هالسوريين عندنا بالرياض يكدّون على وايتات وكل واحد مسمّي سيارته أسم

:قلبو: هذي الدلوعه

:خجل: وهذي الغزالة

حتى بأسامي سيارتهم دلع وغنج .. مهوب مثل اللي عندنا .. الهوندا مسمينها هنادي ويا لومينا لا تلومينا هههههههههههههه وهز الحديد ياشنب
الله يخلف على امـ(ـن) جابتهم

:D عاد تراني قضيت

نشوفكم برسالتـ(ـن) ثانيه

فمان الله
:بايو:


تعليقات 6

  1. موسعن صدره .. تراك أعديتنا ووسعت صدورنا .. أنا صدري أعطيته أخوي الصغير لأنه صار ما يكفيني .. 🙂

  2. ارحبوووو موسعن صدره مابغينا نشوف رسايلك يالقاطع اجل ار بي جي ههههههههههههههههههه الايميل روعه ماعليه كلام … بس ما خبرت لنا وايت اسمها عربجيه ؟ (وجه ينتظر فنجال يجي بجبهته) ههههههههههههه يعطيك العاافية يابطل ولا تتأخر علينا

  3. حياك الله يا نايف المهوّس .. وعسى سعة صدرك دووووم يا رب .. ولا تنسى تخلي أخوك الصغير يجي يوسع صدرهـ هنا عشان يستاسع و يتبرع بصدرهـ لجمعية البر <-- مشكلة الاستظراف الزايد خ خ خ أسعدني تواجدك ومرورك يا استاذ

  4. اببببقه هلا وغلا نايف الفلاني هههههههههه حياك الله يابعدي وبعدهم كلهم 😀 يعني تبي تنكر انك ما تعرف للآر بي جي .. لا تحدني انزل المقطع تراني مسجل لكم كذا عملية من القناة <-- وخروا عنه تحمس والعربجية ابشر ابها ههههههههههههه ( وجه يضحك بخبث وحط هالحركة في باله ) شكلي بأبخشش واحد من هالسواريا وأقول له يسمي سيارته العربجية وبأصورها 😀 الله يعافيك يا بعدي وبعدهم كلهم خخخخخخ كالعادهـ مجرد رؤية اسمك ترسم ابتسامة عريضة على خشتي حفظني الله من كل مكروهـ تعال كل ابو دايم يا بعدي وبعدهم كلهم <-- خلاص سمجت يابو

  5. حياك يا علاوي.. الله يسلمك يا بويا .. متشنكر قوي على تعليقك يا سيّد ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الدلوعة .. ومدري والله بلشت بالعنوان :D

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول