الحال المايل وعلاقته بالجبن السائل والتحشيش في غرف التفتيش


الحال المايل وعلاقته بالجبن السائل والتحشيش في غرف التفتيش

انصح قبل قراءة الموضوع باخذ حبوب سفنكس الموجوده في جميع الصيدليات الموجوده في محلات الحلاقه ولازم يكون تركي ومختن في الشميسي وله ثلاث سنين في السعوديه ومجدد اقامته قبل شهرين والدواء هذا يداوي حموضة الكرشه الا على طاري الكرشه فيه محل في الحله يبيع صحن الكرشه بثلاثه ريال انصحكم لا تاكلون منه هههه
الموضوع الاساسي

ثبت مؤخرا وفي دراسة دانماركيه ( ابن امه يترجمها ) ان اعضاء الانسان يربطها مع بعض علاقة عمل ( مصالح ) يعني لا تتفاجا يوم اذا لقيت ان اصبعك الكبير يرفض رفضا قاطعا الدخول في الزبيريه او الزنوبه ( على باله مش اد المقام ) او ان اصابعك تتفارش مع بعضها البعض وتقول ليديك شيلي البريق وتشيله وتكبه في وجهك عشان ماعاد تتعودها ويقولون ايضا انه ممكن اعضاء جسمك اذا كان جسمك ديموقراطي ( مادري وين جبتها بس انها جت <= احسب ديموقراطي اسم لمرض واني اباخذ تطعيم عنه

المهم ….


اعضاء جسمك بيسوون انتخابات ويختارون اللي يتحكم في الجسم ويعطي الاوامر وتخيل ….. ان المؤخره فازت واصبحت هي المتحكمه في سعادتك وبتصير كل الامور على كيفها .. فتجدها هي المسيطره على الامور فتلبس الشماغ والعقال والبشت في العروس وراسك تلبسه سروال طبعا ماتقدر تزعلها لانها هي المسيطره وتقدر تفضحك بالعزايم والمناسبات باصدار اصوات غير مستحبه وغازات عادمه ولذلك يجب ان تنصاع للامر الواقع .. ولو انه فضيحه؟؟
وطبعا حرية الاعضاء تصاحبها مشاكل عديده منها :
عيونك……… مثلا يمكن اذا مرت من عندك وحده حللللللللللللللوه تقهرك وتغمض والا اذا عيونك نذله تغمض وانت في تقاطع التحليه مع التخصصي ومسرع عشان تجيب العيد ( غير عيد الفطر والاضحى ) والا اذا جيت تتروش ( احلا يالنظيف مافيه امل تصير معي لاني ماتروش عشان ابوي ما يجيب الشامبو الا في رمضان مع التوت ونشربه ونخلي التوت ) نرجع ونقول اذا جيت تتروش وحطيت الشامبو على دمجتك تقوم عيونك وتفتح <== انواع الالتهابات وتقبع عيونك كنها كشافات فلكس ويجن ومولع فليشرعند محل الكرشه اللي في الحله قاعد تطلب ..قايل له لايشتري منه ..
اذانيك ……. ممكن حدوث خسائر ماليه واقتصاديه ونفسيه ( يلعن.. مراسل الجزيره في بورصة لندن ) على طاري بورصه عطوني بورصه على خدي ( التحشيش يسوي اكثر)
فمثلا وانت تكلم واحد على الجوال ام انها تسمع غلط وتلعب عليك او انها تقول مانيب سامعه وتنكبك واذا كانت نذله تسحب نفسها وتخلي النظاره (طبيه او شمسيه) تمسط على خشتك وتحوسك ….
الانف وما ادراك ما الانف …. بيلعب فيك لعب
انواع النكبات ممكن حدوثها فمثلا وانت رايح تخطب بنت تموت فيها يسد نفسه الانف و يخليك اخن والا يسعبل.. وتقلب بعدها المعرس ابو نشقه على طاري ابو نشقه هذا زعيم منظمة الجالسه هذي منظمه انشئت في ام سليم ولها اهداف ساميه لخدمة التاريخ<= الجغرافيا يخدم نفسه> وعلى فكره هذه المنظمه لاتمت بصله لمنظمة القاعده لان القاعده تتبع لطالبان والجالسه للطالبات ومن اهدافها ترجيم الزيود بالطماط والبيض الا على طاري البيض لقيت لكم بيض كبر راس اللي جنبي وفيه اربع طعش صفار واثنين خضار وواحد طحينيه واثنين جبن سائل الا على فكره ليش الجبن السائل دائما سائل نحطه في الثلاجه ولا ييبس ( صمخني اذا وافقت عليك العروس )
الفم ويحتوي على اللسان و البراااااااطم ( تحس انها كبيره من الاسم ) ومفردها شفه ..
تخيل مطلع وحده بعد تعب سنه وانواع الاقناع معها وتجي بكل ادب تديها بوسه وتتفل البراطم عليها ( انووووواع الدجه ) او تتصادم بالسياره مع واحد شين ومخيس وتجي تبي تتفل عليه وتوهقك البراطم وتعطيه بووووووسه
ومصائب الفم عديده ومتنوعه فمن الممكن تبي تروح تقدم على وظيفه بعد خمس سنين بطاله وفي المقابله الشخصيه وجاي مرسم وقدام اللجنه تطلع لسانك عليهم وتسبهم
وتخيل لوانك في الملعب وحاضر مباراة الاتحاد و الاهلي وقاعد تشجع مع جمهور الاتحاد وتقلب عليك الشفه وتشجع الاهلي <== واو والله اللي بتروح لاهلك في كيس بلاستيك تيك اواي ….
والا انك في سوق وتجي الهيئه وتقول وش عندك وترد جاي اغازل اختك <= يبئا ئبلني ان شف بيتكم …
الايادي …. هذي والله انها اكبر المصائب
من الممكن انك تجي تسلم على ابوك وتسطره بكف خخخخ تجي تشيل برميل غاز على راسك وتنكبك اليدين وتطلق البرميل ودربج على الدمجه ( حالة وفاة مع سبق الاصرار والترصد )
او وانت تقص اظافرك تشلخ لحمك خل وزارة الصحة تنفعك <== مالها دخل
او وانت جالس مشخص بالشماغ في اجتماع تقوم يديك وتسحب الشماغ ههههههه
تخيل في اجتماع الشركه اللي تشتغل فيها تقوم يديك وتلعب في خشم اللي جنبك <== وصدقت الشاعره الكويتيه المعاصره الحداثيه الاغريقيه الاشتراكيه الشعبيه ( صارت ليبيا )اللي تقرب لارسطوا سقراط اللي ساكنه في حي اليوناني سابقا الصيني حاليا الغاله مستقبلا وكل واحد ياخذ باله من لغاليغه اللي هي الفنانه الزلابه العريقه نوال الشهيره بالكويتيه يوم قالت الاصابع في اليدين الواحده ماهيب سوى < احلا ياللي قايستهم ومعها مسطره حقت علبة هندسه العقيلي ام خمسه ريال ولو تنساها سطرك مدرس الرياضيات ………..
وننتقل الان الى
الارجل .. لو انك عصيتها وش بتسوي .. تخيل مااااااشي بالسياره وسارح يطلع بزر عله ويخطم قدامك تبي تفرمل تنكبك رجليك وتدعس على البنزين ( سجن وقصاص لانك متعمد ) ? اشرح لهم النظام ان كانك ولد ابوك ….
او انك داخل تصلي في مسجد واول ماتطلع تروح تلبس نعال باكستاني عير طالع معك ( انواع التكفيخ )
هذا غير انك تمشي وتقعد تشوت في اي شي قدامك اخوانك اهلك تشويت في تشويت وتخيل انك في عزيمه والا تلقى رجلك لامخه اللي جنبك وداخله اصابيعك في خشته <== اشكال التهزيء تلقاها

منقول


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الحال المايل وعلاقته بالجبن السائل والتحشيش في غرف التفتيش

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول