السلام عليكم ورحمة الله ..
كما نعلم جميعا , إن موقع الفيس بوك هو اللي ( خاطف الأضواء ) هذي الأيام , وإن أكثرنا يقضي عليه أوقات كثييرة , وبكل صراحه , الموقع له فوائد عديدة .. ويمكن من الأسباب اللي أدت لتمسك الناس بالفيس بوك , هو تطويره المستمر وإضافة الأدوات والخدمات الجديدة بين كل فترة وفترة , وفي الفترة الأخيرة , طرحت الفيس بوك خدمة الأسئلة , بصراحة الخدمة جيدة ولها إستخدامات مفيدة ..
لكن المشكلة , إن اللي شايفه حاليا في الفيس بوك – من العرب خصوصا – إستخدام خاطئ , ولأكثر دقة , إستخدام " أهبل " ,صارت هي نفس الأسئلة تتكرر , والأجوبة هي نفسها لكن بصيغه ثانية , وأسئلة غبية كثير ما فيه أي فائدة من الإجابة عليها , أو تكون إجابتها معروفه ..
هناك أسئلة يكون لها جواب واحد .. خذوا مثال:
يعني حتى لو كنت أبي أجاوب , وش أفضل إجابة بتكون من اللي فوق ؟ كل الإجابات تدل على إجابة وحده , يعني أبي أعرف وش الفرق بين ( أكيد ) و ( أكيييييد ) و ( أكيييييييييييييييييييد ) .. يعني الأشخاص اللي إختاروا الإجابة الأولى وش يفرقون فيه مع اللي إختاروا الإجابة التاسعه والإجابة الحادية عشر , ماهي كلها نفس الإجابة بس اللهم زيادة في حرف الياء !! ولو غضيت النظر عن الإجابات , أصلا صلب السؤال شيء لا يختلف عليه , والشغله ما تحتاج أسئلة عشان تثبت ذلك ..
النوع الأول يهون لو قارناه بالنوع الثاني , وهي الأسئلة العبيطة , خذوا لكم مثال , وبصراحة ما يحتاج تعليق ..
لا تعليق !!
من شان لا أكون سلبي , بصراحه فيه أسئلة لها فائدة , أو لها هدف حقيقي من ورائها , وهذا مثال ..
قبل الختام .. أتمنى نرقى شوي بطريقة تعاملنا مع الشبكات الإجتماعية ومنها الفيس بوك , على سبيل المثال , مو لازم كل تنزل صورة جديدة تسوي علامة لكل اللي عندك من شان يشوفونها , الشغله ماهي بغصب أجي أشوف صورك !!
في أمان الله
تابعوا جديد شبكة أبونواف على فيس بوك وتويتر
والله صدق ياخوويي هالايأام ميير طايحيين به بالهبل
جزاك الله خيرآ,علي هذا الموضوع .والذي شدني أليه…هو التكرار الممل خاصة في تداول الآسئله وكذلك الأجوبه بين الناس علي الفيس بوك وبدون فائده تذكر.
يعطيك العافيه الموضوع مرره نايس 8)