احساسي لك كوكب تعدى المجرة …. فيه الـفضا شيد لنفسه مجراتـ … ‎(فندق الفيصلية الروزورد)‎


يسعـد لي هالمسااااااااء
يا هلا والله وغلا

كيفكم مع الأجـواااااااااااء اللندنيهـ
جـو من جماله ودك تخـــــــــــــمه … ودك ترفع راسك وتعـمل Save .. واذا جانا ذاك الحـر
اللي يصلخ .. تعـمل باك اب . واديلوه جـو <<< وش تحـس به

/


/

خـبركم هاليومين الجـو خـووووونفشاري .. فحـبينا نعـمل تدليع للشسمه وكيذا يعـني
تـقريرنا النهـرضه عن فندق الفيصليه الروزورد ..

طيب ايش الجـديد يعـني ؟ .. الأوتيل من زمااااااااااان وهو مرتز ع طريق الملك فهد
لكن الجـديد … أن الأوتيل أضاف جزء جـديد … اسمه الجـزء الجـنوبي … هذا ماله شهرين تقريبا فاتح .. يعـني ما هقيت أن فيه أحـد نزل تقرير عن الجزء الجـديد
نبدا ؟ .. هياااااااااااااااااااا بنا

/


/

الانطلاقه كانت وقت الظهيره … بس عشانه مطر .. فتحس أنه مسيان .. مسيان هي الفتره الفاصله بين غروب الشمس واذان المغرب طال عمركـ
طبعا الجـو كااااااااااان خـوراااااااااااافي

ودك بس تنزل من السياره وتمشي شوي <<< صدقتك وقسم
المهم … وامشي بشوييييييييش .. بشوييييييييش .. بشويش … ويجي سواق ويحـدني وعااااااااااادي .. واكمل سواقه بشويش .. بشويش … ويجي واحـد مع جمس ويطشم عليك مويه …
وعااااااااااادي .. وامشي بشويش .. بشويش .. خايف يتوسخ ثوبي .. وش يقول الريسبشن وقتها عادي

/


/

طيب … قبل ما ندخل الغـرفه وهيك … نشوف موقع الأوتيل ع الأنطرنت .. للي بده يحـجز وهيكـ ..

ركز معـي الله يصلح قليبك … اذا جـيتااااااااااا بتحـجز بالأوتيل عن طريق النت .. ركز في الكلام المكتوب .. مهوب تدرعم وتحـجز .. شف الكلام اللي مكتوب تحت مواصفات الغـرفه .. اذا كاتبين أنها ساوث .. فأعرف أنها الجـديده .. اذا قالوا نورث .. فهي القديمه … عاد انت ركز لا تفهي

الشي الثاني .. ترى الجزء الجـديد كله سويتات … يعـني ما فيه غـرف … كولوه .. كولوه سويتات …

الشي الثالث .. بخصوص اللي يسألني عن الأسعـار ( فيس يخابط براسه في الشاشه )
الأسعار تختلف بإختلاف اليوم اللي تبي تروح فيه … الشهر … السنه .. وهيك يعـني .. وانا ليش رازن الموقع فوق انفا ؟ … عشان تدخله وتحجز ..

/


/

طيب .. وصلني اللوكنده .. وكان هالمنظر من برى

فتستفيق ملء روحي نشوة البكاء ..
ورعشة ٌ وحشية ٌ تعانق السماء ..
كرعشة الطفل اذا خاف من القمر ..
مطر .. مطر .. مطر

/

بعـد ما عـملت تشك أن وهيك يعـني … درعـمت للغـرفه ..
الدرعمه : هي الذهاب للمكان المقصود من غير مبالاه بطريقه المشي ومن غير التفاته خلفيه سريعه تدل على اللقافه المفرطه ..

المهم ..
وصلت الممر … او بالأصح السيب … وانتم عارفين عاااااااااد وشو السيب

سيبهم ما ينفع فيه الشراب والزحـلقه أبد
طبعا يوم وصلت هنا … ألتفت يمين … ثم يسار .. ثم بالخـلف
ثم ..

وأديــــــــــــــــــلوه أحـلى صوره أنبطـاااااااااااااحـيه
نخـوش ؟

هون أول ما تدخـل السويت …
أعـجبني الألوان .. احـب درجات البني في الغـرف وهيكـ
وبرضو

توهم كانسين الغـرفه … جـد .. جـد .. شف أسنان المكنسه ع الموكيت
و

ترى هالمناظر في الهزازي .. شارع الأمام .. جنب الناضج … الناضج .. يا رباااااااه يا رز البشاور <<< ركز ع التقرير بليز

/


/

بعـد ما ريحـت وهيكـ … قلت باخـذ كم صوره قبل ما تنعـفس الدنيا

هذه صوره للصاله .. لأن مثل ما ذكرت انفا <<< توه متعلمها وابلش امنا … أنه هذا سويت .. يعني صاله وغرفه

ركز ع الصاله .. أو بالأصح ركز ع كل شي في الأثاث … بتلاحـظ أن النقشه نفسها
في الخـداديات + الجدار + الستاره .. وكل شي
لو جبهتك فيه وقتها نقشوها بعـد

التيفي 51 بوصه من سوني فيه فتحتين HD ولك عليه شوي <<< توه شاري تيفي واشغـل العالم
ويظهر في الصوره ايضا … يسار .. ايووووووه ذيك البيضا الثنتين اللي صافين جـنب بعض .. مع سيرميك ناعم .. اووووووووف
المهم نكمل ..

يلاحـظ في الصوره الكوفي المشين
و أيضا يلاحظ طرف موزه … راحـت غـلطه
ويلاحـظ أيضا القزاز الفاصل بين الغـرفه والصاله … لأنه سويت .. والسويت اذا جيت تجيه من وين تجيه ؟ .. من السيب <<< برى

مثل ما قلت لك .. النقشه وحـده في كل مكان .. ما عدى الفراوله ما عليه شي …
وبرضو حـاطين لك ..

مكسرات تنفخ كرشـك … ( كرشك وليست كرشتك … كرشك بنطق أهـل نجـد ) …
مثال : .. ابووووووووي .. غـط كرشك فشلتنا عند الشغـاله

قد شفت موزه فاضيه
هم حـاطينها لي كيذا … يقولون هذه موزه قليله الدسم ما تسمن ولا شي .. وش اسوي كان مطر وصدقت
اهم شي الفراوله .. جلست 422.43 دقيقه أبيها ترتـكـز
وبرضو حـاطين لك هالشي في الغـرفه

مو تسوي نفسك فاهم .. وتحـسب أنه جي بي أس .. وتبدا تتذكر احـداثيات بيتكم .. لالالالالالالالا .. اعقل … <<< ما سواها

هذا يا طويل العـمر لما تكون منطـعـجـن ع الكنبه … ( اي منسدحـن سدحـه غير صحـيه أبدا أبدا ) .. تقدر تتحـكم في بعـض الأمور في السويت .. وممكن تنادي الشغـاله تنظف .. والا تقول لهم عـطوني موزه ملياااااااانه .. من جـد لاعـبين علي يقولون انها قليله دسم .. الا قليله أدب
وهذه صوره اخـيره للصاله .. قبل ما نروح للغـرفه ..

/


/

ننتقل الأن الى غرفه النوم

هذا السرير << بالله ؟؟
طبعا مرررررررررررررريح جـدا جـدا .. ومثل ما شسمه .. شوف الزخـرفه نفسها ع القزاز برضو … والتيفي منعـكسن عليها .. لا أحـد ينط الحين ويقول أعـكس .. اعـكس … ايه انتبهوا

واكيد غـرفه النوم برضو فيه تيفي .. لكن هذه 42 بوصه فيه فتحه HD وحده … <<< شرى تيفي واشغـل ام العالم
وهذه كذا صوره للسرير …

حـتى الموكيت عليه نفس النقشه
و أكـيد .. أكيد .. لازم نطير شوي

ماش سقفهم قريب .. والا كان الحـين مسير ع جـيراننا اللي فوق
طبعـا حـاطين لك ع الطاوله كتيب صغـيره بداخله سيدي ..

يقولون يعـني هالسيدي فيه ميوزك هاديه تخـليك تنام … أشوى أني يوم شغـلته أرتـعـت … والله يروع … كله وااااااااااااو اوااااااااا .. كنايس وحركات ..
المهم أنه طير النوم

/


/

طيب خـلونا نسير ع دوره المياه ( وانتم بكرامه ) …

تلاحـظ أنه فيه برضو فاصل لكن هالمره خـشبي مو قزاز .. بين دوره المياه والغـرفه
تدخـل تحـصل يمين ..

رطرطه تاااااااااااااااايم

حـاطين لك في الزاويه يمين .. زيت املا .. امرررررررررخ نفسك لين تقول بس
وبرضو

ع فكره .. فيه مينو بالحـمام ..
يعـني مثلا تقول ابي زيت فلاني .. ابي نوع معـين من أمور الباث والشور وهيك … وممكن برضو تخلي واحد منهم ينقز لبودي شوب .. لالالالا لا تصدق

وبرضو لازم نطير شوي في الحمام ..

بسم الله الرحمن الرحيم <<< توك تسمي الحـين ؟
طبعا تلاحـظ ..

انهم ما فيه تلفون .. لو تبي تكلم سويسرا والا شي
و هون تقسيم دوره المياهـ ..

مغـسله .. بعـدين مكان للشور .. بعـدين الشسمهـ …
اهم شي المرايا الفاضحـه .. ما اسميها الا الفاضحـه .. لما تشوف شكلك فيها .. تحـس فعـلا .. فعـلا أن في وجهـك جـلد وكيذا <<< بالله

/


/

إلى هـون .. نكون وصلنا للنهـايهـ ,,,
حـبيت أنقل لكم تـجربتي مع هالأوتيل … وخاصه أنه الى الان ما شفت أحـد متكلم عنه .. وبرضو لسى جـديد …
أن شاء الله يااااااااااارب … ياااااااااااااارب .. أن الجـميع أستفاد منه .. أو احـد محتار في أوتيل يدز له هالتقرير

/
أتعلمين .. أي حزن يبعث المطر ..
وكيف يشعر الوحيد فيه بالضياع ..
كأن طفل بات يهذي قبل ان ينام ..
بأن امه التي افاق منذ عام فلم يجدها ..
ثم حين لج في السؤال ..
قالوا له بعد غد تعود .. لابد ان تعود ..
فتستفيق ملء روحي نشوة البكاء ..
ورعشة وحشية تعانق السماء ..
كرعشة الطفل اذا خاف من القمر ..
مطر.. مطر.. مطر

دمتم بكااااااااااامل عـافيتكـمــ …
دمتم بكل ود ،،
لـكــ … انت .. بس مو لغـيركــ ..
@Maistro_9


تابعوا جديد شبكة أبونواف على فيس بوك وتويتر

   


Comments 11

  1. يعطيك العافيه على التقرير الحلو الي نفسك . انت افضل واحد يسوي تقارير شفته بحياتي وهذا الجد والله 🙂 استمر على كذا وناخوي لآنك مبدع .

  2. يعطيك العافيه على هالتقرير مدري ليه حسيت إن جو الفندق كئيب وبدون نوافذ 😀 الاطلاله على وش ؟ لا تكون على جدار 😀 .. وبكم الليله ؟

  3. يا خي أنت يالمايسترو أنا متابع تقاريرك من زمااااااااااااااااااااااااا….<<<خذ الدرب معك وأنت ماشي:$ والله تقاريرك تفتح النفس المقفله وتونس الزعلان.. أنا ماعمري استمتعت بتقارير زي تقاريرك.. وخصوصا المفرحات اللي كنت تحطها في نهاية كل تقرير..:D (كم كلمة تقرير في السابق) ذذ وروحتك لفرنسا وقطع الفليك اللي تكبها على شوكولاته وتاكلها بملعقه<<<قل قسم..8) بوسه لك على إبداعك يا خطير.. ::وه بس::

  4. شف اذا مرديت ع ذا السؤال احتمال اسوي جريمة قتل فيك لاني مااقدر اتحمل السؤال الثاني كم عمرك؟؟<<<< ماحطت عينها B

  5. اولا ماقصرت التقرير رائع جدا وراح اضيف كم شغله لاني سبق وسكنت في هالسويت 1- الفندق فاتح تقريبا بدايه 2011 زيارتي له كانت في اول 2011 تقريبا شهر 4 2- الجزء هذا مافيه لوبي للي يحب يتمردح في اللوبي مساءا 3- المطعم الإيطالي الموجود في هالجزء من الفندق ليس جيدا ابدا ابدا لذا انصح الجميع اذا بغى يتعشى يروح للجزء الثاني. 4- يوجد مجموعه الوان للغرف اللي سكنت فيها كانت فيروزي ويوجد احمر وهذا اللي انت سكنت فيه لون ثالث لذا لا استبعد ان يكون فيه رابع 🙂 . واضيف معلومه اخيره هذا الجزء من الفندق كان مخصص للشقق الفندقيه اللي يتم استأجارها من قبل الشركات وكان يسكنها اجانب مستشاريين ولم تكن مفتوحه للعامه. واخيرا ياماسترو ابدعت كالعاده في التقرير

  6. يااخي كله كوووم واسلوبك كوم ..ما شاء الله مبدع .. لكن سؤال :::أنت وش موديك هناك ؟؟؟ الله يعطيك العافيه ..

  7. اهلا بالصديق القديم الجديد المايسترو 😮 لك معزة بالقلب خاصة 8) ممممم شسمه شلون نتواصل ؟ انتظرك:D

  8. :$:$يعطيك ألف عافية أكثر من رائع والله انك وناسه لاتحرمن من تقاريرك التي ترسل البسمه للقلب المهموم:$:$

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

احساسي لك كوكب تعدى المجرة …. فيه الـفضا شيد لنفسه مجراتـ … ‎(فندق الفيصلية الروزورد)‎

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول