ابيخ مواضيع المنتديات !!! شيك يمكن لك موضوع هنا


من ايام ما طحت بالنت يعني من ايام ما كانت النت تشبك على حبل الغسيل قبل التلفونات وهالحركات
من ذيك الايام وانا تلوع تسبدي ويوجعني بطني من بعض المواضيع بالمنتديات
وياما تركت النت ورجعت العب كيرم
وكل ما قلت هانت والناس كبرت
اتفاجا ان الناس تكبر والمواضيع هيا هيا
تعالو نشوف هالمواضيع بالصور




خخخخخخخخ لا يفوتكم عدد الصفحات والردود

هذا النوع من المواضيع يجيبلي حكة في اذني واكره نفسي اني قريت العنوان اذا شفته
موضوع اجتمع فيه .. التميلح البايخ وواضح فيه الترزز وفيه ثقالة دم مو طبيعيه
وقسمن ان اللي يكتبه
سواء بنت والا ولد …. تراه يتميلح ويترزز عند البنات او عند العيال
واقول لاي واحد يكتب مثل هالمواضيع ،، ( يا صبر الارض عليك )




لا تعليق وبقوه لا تعليق
اي ورد واي بطيخ
تلاحظون الردود
يعني مسوين رومنسيين وراعين ورد وحركات
وهو لو تعطيه ورده اكلها مثل العنز




عاد هذا المصيبه
بوسه مره وحده
مدري كيف ترضى البنت هالشي على نفسها
وقسمن لو ان وجه العضو او العضوه يطلع بالمنتدى كان تغير الموضوع وصار ((اعطي تفله لرقم خمسه ))




شف عاد يا سلام على الموضوع
طيب مثلا لو العضو اللي بعدي قاعد يتروش … وشلون يعني احرجه واقول وش لابس وافضح فيه




هذا الموضوع انا اتوقع ان اللي مخترعه بيل غيتس لانه من اول ما طلعت النت وهو موجود
خخخخخخخخخخخخ قديم والى الحين كل اسبوع ينزل الموضوع من جديد
ماتت الام اللي تصيح .. ومات ولدها وعياله وموضوعهم الى الحين يكرر





ذبحونا بموضوع الحب .. حب الصبح وحب الظهر وحب بالليل وحب قبل الاكل وحبتين بعده
وصار كلن يتكلم بالحب حتى البزران
وهالمواضيع مثال اخر على التميلح والترزز,, واللي منزل الموضوع بيقولكم تراي مره رومنسي وحبيب وعاطفي ورقم جواله كذا وكذا
وهو لو تموت امه ما تاثر




لا وبعد كل هالترجي لا يفوتكم الردود خخخخخخخخخخخخخ
بفهم يعني الحين لازم الواحد يحط ترحيب علشان يسجل
الواحد من كثر ما يسوي هالحركات صار لادخل مجلس ما يقول السلام !! يقول عضو جديد هل من مرحب
نصيحه (( اذا جيت تكتب او تختار موضوع لا تفكر بالردود … والدليل شف المواضيع السخيفه اللي فوق وشف عدد الردود ,, علشان تعرف ان عدد الردود لا يدل على قوة الموضوع ))

اخوكم هاه الاصقه


تعليقات 26

  1. والله مابيخ من هالمواضيع الا موضوعك هذا .. امززززززح بجد مواضيع ترفع الضغط ومال امها داعي ولا جد جدها بس تضييع وقت عالفاضي نسال اللله العفو والسلامه

  2. والله صدقت اي خوي أنا اصلاً كرهت المنتديات من ورا السوالف اللي قلتها لا واكثر شيي يقهرني ارمي ورده ارمي بطيخ لقب العضو رقم وكأنها طيرة او طش دمت بألف خير

  3. الحمدلله مالقيتلي موضوع عندك.. وابي اقول شي لو تسمح لي .. صح الواحد اذا نزل موضوع لازم يكون صادق مع نفسه قبل مايكون صادق مع الناس اللي يقرون.؟ كنت ابتسم وانا اقرى موضوعك لين وصلت الصورة الاخيرة وشقت التلاعب فيها ,, يعني عدد الردود 0 والموضوع فيه اكثر من صفحه!! احب اقولك انو اهم مافي الموضوع المصداقيه عشان يتقبل القارئ الشي الي تقوله..ok? واذا تبي موضوعك يشتهر مرررره قلي انو هذا خلل فني..عشان صدق اتحسر على العرب!!

  4. مشكلة المنتديات يابعد تسبدي انهم مافهموا وشو الهدف منه … الهدف من المنتديات انك انت تكتب بايدينك مهوب تسويلي نسخ ولصق عشان تكثر مشاراكاتك اكثر الناس الفاهمه تعزف عن اشكال هالمنتديات الي به نسخ ولصق تجيب الطاعون وتدبل التسبد ..مشكور عالموضوع اللي يفهم ويثقف ياحبيلك بعد

  5. التلاعب جداً واضح فرق الخط والموضوع ونفس عدد الزوار والردود !! اخوي المصداقيه اهم شي بالموضوع .

  6. من جد ماخلاني اترك هالمنتديات الا مثل هالمواضيع البايخه اللي اكثرها تميلح وغزل في غزل . متى نرتقي بأفكارنا ونكتب شي مفيد لنا ولمجتمعنا بدل هالمواضيع السخيفه واللي تكثر فيها الحزازيات بين النساء والرجال . شاكر لك على موضوعك المجازي وطريقة تعبيرك عن وجهة نظرك بطريقة مناسبة وقريبه للقلب .

  7. السلام عليكم صراحة الموضوع جدا عجبني ولانة بجد كل إلي قالة صاير في المنتديات …بس حبيت أقول أن طبعا في المنتدى فية أقسام وكل قسم يحمل مواضيع خبط ولزق وغيرة ويحمل برضو مواضيع جدا مفيدة فــ ماعلى العضو إلى أختيار إلي يناسبة من المواضيع يعني حنى مانقول والله المنتديات مرة بايخة ومن هل الكلام …. لا… الصراحة في كل منتدى فية أقسام تافهة ومضيعة للوقت وفية أقسام دعوية تفيدك ب دنياك وأخرتك وفية ثقافية تفيدك بـ دنياك … يعني أنت ياالانسان أذا أحسنت الاختيار عموما في إي شي في حياتك فـ أنت موفق بأذن الله وشكرا

  8. سلام ياعسل .. أحلى موضوع قريته بحياتي .. وكأنك تتكلم عن اللي بخاطري ! أنا أزدري واحتقر المنتدى اللي يسوي الحركات هذي أو يفتح مثل هالمواضيع .. مجمع بزران وكل واحد يخربط .. لا وفيه حركة جديده طاحوا فيها .. اللي هي مواضيع ( نبغى أكبر عدد من الردود ) و يوصلون الردود إلى الألف على كلام فاضي وتُفاهات … ! بعض المرات أهوّن أني أسجّل في المنتدى إذا شفت مثل هالمواضيع والخرابيط اللي ماله فايده سوى مضيعة الوقت والجُهد ! مع احترامي .. البعض يحسب المنتديات مُجرد فضفضة وكلام فاضي .. المنتديات ياعالم هي احتكاك طبقات واستفادة من خبرة الغير وطرح المُفيد والنضوج بالعقل عبر قراءة فكر الغير .. دُمت بخير .. وأحلى اثنين شورما من ماما نوره لك خيوّ 🙂

  9. يا أخي موضوعك صحيح بس المصداااااااااااااااااااقيه ناقصه ومهي موجوده أبدا مو ناقصه فهذي كمان تكون عيب في الكاتب وتدنس سمعة الكاتب هذا كلامي وشكرا على الموضوع

  10. تحية طيبة لك أخوي هاه الاصقه 🙂 شكلك مجمـّـع المواضيع من منتدى واحد دابلن تسبدك ههههههه و الدليل ستايل المنتدى هع .. لكن كلامك عين الصواب المنتديات الأيام هذي ما تنبغى بـ ريال :: لو يخلوني المدير العام على منتدى ؟؟؟؟ ماني موافق <--- ككككك نتمنى أن يفيد موضوعك أصحاب المنتديات التي يكثر فيها المواضيع البايخة :: أرق التحايا :: مسامر الليل ’’

  11. اشاركك الرأي في بياخة الكثير من ا لموضوعات، وأشارك روان وغيرها في إنك استحليت القص واللصق… والمسح أيضا… اشكرك على حماسك

  12. ولله ماقلت الا الحق.اذا دخلت ذي المنتديات احس انو قديش في ناس تافهين تفاهة مو طبيعية…وتصدقو اني مني مشتركة ولا في اي منتدى وهذا من حسن حظي^_^

  13. ههههههههههههههههه اكثر شي ضحكني بعض الردود اللي انتقدو عدم مصداقية صاحب الموضوع يا جماعه هذا اسمه اسلوب نقد لاذع يعني راعي الموضوع يبي يوصلكم الفكره باسلوب مضحك وحلو ههههههه جد اعجبني الموضوع مره

  14. انا مثلك وموافقك .. بس ماجاء في بالي يوم من الايام احط موضوع مثل كذا .. تدري ليش؟ لان فيه مثل براسي يقرقع وهو ( من حسن إسلام المرء تركه ما لا يعنيه ) هذا اولاً وثانياً ياليت لو يكون الموضوع صادق شوي ماقول إلا الله يهديك بس

  15. موضوع رائع ويحكي واقع المنتديات للاسف ومثل ما قالت الاخت نقد باسلوب ساخر واستغربت كيف انتقد بعض الاعضاء عدم المصداقيه وعدم فهمهم للامر فالامر واضح ان هذه المواضيع منتشره بكل المنتديات للاسف ولكن صاحب الموضوع انزلها باسلوب جميل وساخر واستغرب عدم فهمهم للامر ,, ويمكن ملاحظة ذلك من اول صورة حيث كتب صاحب الموضوع (يؤؤ خلصت صفحات المنتدى) فكيف لم تفهمو واعتقدو ان الموضوع حقيقي ولم تفهمو انه طريه للسخريه والنقد اشكرك جدا على هذا الموضوع الرائع

  16. والله انكـ صادق اخوي … اشوفـ هالمواضيع كثير عندنا بالمنتدى ,,, بس ابشركـ قسمـ الالعاب ما عندي فيه مشاركاتـ ههههـ ياخي احس كل المواضيع اللي فيه مسخرهـ وشو العب بمنتدى ماعندي العاب ع اللاب توب انا ؟؟؟ وبعدين ابي افهمـ الحين اللي يردون ويقولون الموضوع يفتقد للمصداقية … هذا انتقادر باسلوب الكاتبـ ,,, يعني مثل الصورة اللي مكتوب فيها خلصت صفحات المنتدى يعني تبون تفهموني ان فيه منتدى مكتوب فيه كذا ؟ هذا اخوي الحر العاطفي كاتبها مبين وكل الهدف منها هو توصيل انتقادهـ بالشكل اللي هو يشوفهـ ,,, عجبتني يالغالي ومدمن عطاكـ شاورما انا امررها بكولا دايتـ ,,, عوآفي

  17. والله انك صادق قمة التفاهة والسطحية في عدد الردود في حين المواضيع الهامة تلاقي اعداد قليلة جدا في القرائة او المتابعة او حتى الردود تكون ب مشكوووور , ,,,,,,الخ انما وجدت المنتدايات لتبادل الافكار والاراء والنقد الهادف تقبل تحيتي لتمنى لك يوم سعيد مياسم ورد

  18. هلاااااا انت صيقي من اليوم ورايح… هذا الموضوع من احسن المواضيع الي شفتها في الفتره الاخيره… بردت حرتي اهزئهم اكثر واكثر عالم متخلفه مررررررض الى متى ومبزرة المنتديات كذا اما الاخوان الي ردو ..وهم روان Bu5aLD TAR!Q sas ولدهم هذا نموذج صريح الى بعض الاشخاص مع احترامي الشديد لن اسميهم (اغبياء ) بل اقول انهم لا يملكون اي سرعهة بديهم او يملكون عقول صغيره لا تساعدهم على الاستيعاب .. فأرجو منهم في حال دخولهم اي موضوع مثل هذه المواضيع التي تحتاج الى ذكاء طبيعي جدااا في منتدى او حتى هنا ..ان يكون معهم احد اخوانهم الكبار لكي يشرحو لهم بالقلم والسبوره ماهو المقصد من صاحب الموضوع وعلى ضوئه يقومون بالرد لكي لا يضحك الناس عليهم مثلي ومثل بقية الاعضاء.. هههههههههههههههههههههههههههههههههههههههههههههههههههههههههههههههههههههههههههههه (يؤؤ خلصت صفحات المنتدى) الله يرجك يامهبول يا نصاب اتكذب علينا ..؟ يالك من لئيم..خخخخخخخخ هههههههههههههههههههههههههههههههههههههههههههه

  19. والله اخوي مدري وش اقولك من جد المواضيع ترفع الضغط ومتكرره .. وفيها ترزز وفيها فلسفه .. بس عاد تصدق انهم عايشين جوهم .. يعني على بياخة المواضيع ذي إلا انك تلقاهم عايشين جوهم بشكل مو طبيعي وكلن يرد عالثاني ومبسوط .. وعشان كذا من وجهة نظري الشخصيه والمتواضعه 😀 ان كل واحد منهم له سببه الخاص فيه .. يعني ترى الأغلبيه يشارك بهالمواضيع الي نقدر نسميها متكررة الرد يعني مو ارد مره وحده .. لا ارد مليون مره ماعندك مشكله .. ومن هالناحيه يكسب عدد ردود تحت اسمه بالمنتدى وكلنا نعرف هالشي وهذا اتوقع سبب الأغلبيه لانه مافيه شي يشدك بلبس الي بعدك ولا بورد تهتديها للي بعدك ولا حتى بوسه لواحد وصل للرقم خمسه .. فما لومهم انا صراحه بس عندهم سبب صدقني معيشهم جو اسمه جو الفضاوه .. 🙂 يعطيك العافيه حبيبي ..

  20. وين الصور يا جمااااااااااااااااااااعة !! يطلع لي بس الكلام بدون صور .. والله قهر !!

  21. لا واللي يقهر هالصفحت ليتها على شيء ينفع,ل واللي له ردود كثيره يصير هو المشرف ههههههههههههه

  22. والله صادق يا خوي .. ياخي انا مرة تحطمت .. يوم لقيت كم عضو في احد المنتديات اعجبني عدد المشاركات لغالبية الاعضاء وقلت والله هذا هو المنتدى ولا بلاش ولكن الصدمة كانت يوم لقيت المنتدى كله فاضي و معسكرين في قسم الالعاب واصلة المشاركات لمليون .. سذاجة ودلاخة وستاهه ما شفت مثلها بصراحه وانا اعتقد ان الاغلب بزرنة و عشان عدد المشاركات يرتفع .. والمصيبة الثانية عضوة جديدة سجلت في منتدى وجلست شهرين تدهر ادهااار في قسم الالعاب او اكثر وصل عدد مشاركاتها 5000 تقريبا وعينوها المشرفة العامة و غيرها اعضاء يكتبون احلى المواضيع وما زالوا مجهولين خخخخخخخ والله ما اقول الا عوضنا على الله في عقولنا المهترية بالافلام و الاغاني والحب والغزل وكل هابط و ساقط .. مشكور يالغالي وكثرررر من هالمواضيع اللي تعبر عن شعور الواحد .. واللي يقولون تلاعب وما تلاعب ما عليكم منهم .. حتى لو تلاعب كلامك صحيح ومو غلط .. وهذا الاهم .. ان الموضوع صادق .. الف شكر يالغالي .. Nawaf

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ابيخ مواضيع المنتديات !!! شيك يمكن لك موضوع هنا

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول