إحساس الضـوء .. ( 5)


صباح / مساء .. الخير
من جديد .. يسرني العودة إليكم بالجزء الخامس من إحساس الضوء
واتمنى أن أوفق في تقديم هذا الجزء من إحساس عدستي ..
……..بــ أرحل على متن السحاب

/
..
كل الجراح تهون يا جرح انا بذاتي
كل المآسي طعون والشي لـ مآساتي
يا غربتي .. طالت معاك رحلتي
في دنيتي .. صرتي مساري وسكتي
كفى .. والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

يا دمعة الليل الطويل يا سر احزاني
شايل معاي المستحيل والصبر عنواني
سيف الصبر ذبحتني يا سيف الصبر
غربة وغدر .. آه من الغدر
يا غربتي .. طالت معاك رحلتي
في دنيتي .. صرتي مساري وسكتي
كفى والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

بودعك يا ليل العذاب
بودعكوارحل على متن السحاب
بتشوفني مثل الضباب
مثل الوهم .. مثل السراب
لو مرت الذكرى عليك
ما ارد لك لو هلت دموعك ندم
ما ار د لك كل عيشتك صارت الم
يا غربتي .. طالت معاك رحلتي
في دنيتي .. صرتي مساري وسكتي
كفى والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

سهيل

/

..عذرتك بالرحيل

/

..ودعتك وقلبي معاك .. ولاقدرت أودعه
ابسألك لو مارجعت .. وشلون أنا برجعه
مادامك أكثر من يغيب .. ولا تركت إلا حبيب
ان طالت الرحله عليه .. أكثر مسافاتك معه

منت الأخير منت الأخير .. اللي نسوا قبلك كثير
لكنك الخل الوحيد .. اللي خذاها من سعه
ماكن لك دمع وعيون .. الا جفيتك يزعلون
ياما سهرت بخاطري .. تنثر شتاتك و أجمعه

واللي يبي الفرقى خلاص
يلقى سبب لأجل الخلاص
لو ما يخونه أي حبيب .. يقوى هواه ويمنعه
أنا عذرتك بالرحيل
والحمل من دونك ثقيل
ودعتك وقلبي معك .. قلبك متى بأودعه

فيصل البراك

………..
مثل عصفور
/..
مثل عصفور ..

أدور براحة يدينك
وجنحاني يبللها مطر قربك شقاء وحيرة

وتعرف مجنون وأنا مسجون في يدينك
أطير وموطني عينك
مع اني وأنا فيها أموت من الحزن مقهور
مثل عصفور
رضيت أقبل
وأنا اللي كنت ما أقبل
تحت ظل الألم أحيا مع من كان ولكن ما أدري وش اللي صار وخلاني أوافق
تنسجن روحي وتسكن في جسد ثاني
وليه هالوضع أنا أقبل وأنا كلي ألم مكسور
مثل عصفور
غريبة حالتي هذي
وأغرب منها قلبي يحبك وأنت سجانه
عجز ينطق بكلمة آه
رغم ان الألم والآه .. دواهم صرخة أحزانه
شـ سمي حالتي وأياك
أسميها ما أقدر أسميها
ولكن كل من شافوا وش اللي صابني خافوا
وقالوا هالولد مسحور
مثل عصفور

/

…………بكره تتذكر تعرف قيمة إحساسي .. وتبكي دم

/

..بسيطة

بكره تتذكر .. وتعرف قيمة إحساسي
وتبكي دم ما يلم من كثره
وتتحسر على العشره
عدد شعرك بعد ما أروح
و أغادر عالمك مهزوم
بليا روح بقايا جروح
ي اروحي طواها الهم

وتعرف قيمة إحساسي ..
وتبكي دم ما يلم من كثره

بسيطة

حبيبي كنت قبل أعرف تفاصيل الشعور
اللي خذا قلبك قبل لا تغير أسلوبك
وتتغير على قلبي و تلعب بي كني اكبر ذنوبك
حبيبي كنت قبل ما أكتشف اني و انا يمك بعيد كثير
غريب وهدني التفكير
في بعادك ولا همك
وتبيني انا اهتم

وتعرف قيمة إحساسي ..
وتبكي دم ما يلم من كثره

بسيطة

تعبت من الشعور
الي تجاهلني وعذبني
وخلى حالتي حاله
و قررت اتركه وانساه
مادام اني صعب القاه
أظن أحسن لي و أحسن له نكون ابعاد
نتفارق بلا ميعاد
ونترك بعضنا أرحم

وتعرف قيمة احساسي..
وتبكي دم ما يلم من كثره

بسيطة
منصور الشادي

/

آخر مسافات الصبر..

/

منين اجيك .. يا آخر مسافات الصبر
منين اجيك .. ياحب علمني السهر
ل انت يمي واشوفك .. ماعندي الا طيوفك
منين اجيك و انا اللي عليك ضيعت العمر
وينك تعال
مليت من كثر السؤالوينك تعال عمري قضى وصبري محال
والله لو تسأل جروحي
واحساسيونبضي وروحي
تلقى حياتي كلها تصرخ تناديك تعال
ارجع انا مشتاقلك
مـحتــاجلــك يــمي تــكون
لان الدنيا من غيرك لاطعم فيها ولا لون
لا انت يمي واشوفك ماعندي الا طيوفك
خالد البذال

/

للأسف .. ينقص وفانا.. مع مرور الأزمنة ..

/

لا تخاف من الزمان .. الزمن ماله أمان
خف من اللي كل امانك في يديه وتامنه
لو حبيبك ما وفى لك لو حبيبك فيك خان
ايش ترجي من زمانك ؟ .. النتيجه باينه

نكتشف مر الحقيقه بعد مايفوت الأوان
قلت لك لاتندفع له .. قلت حبي صاينه
وينه اللي صان حبك؟ ما أشوف اليوم بان
قلبك اللي هوا قلبك لا تحسبك ضامنه

لاتعذّر باحتياجك .. كلنا ناقص حنان
كلنا طفل يتمنى أي شخص ٍٍٍِ يحضنه
نبني الدنيا وحنا نوقف بنفس المكان
للأسف ينقص وفانا.. مع مرور الأزمنه

العالية
..
/

على صدر الزمن باكتب شعوري..

/

أنا إنسان مع نفسي قبل لا أكون معك إنسان
و لي مبدأ و لي نظرة .. و تحكمني قناعاتي
أحاسيسي حقيقة ثابتة بالوصل والهجران
أنا طبعي إذا حبيت .. أحب بكل حالاتي
منادي .. و الندا نابع من الوجدان للوجدان
إذا ما ينطق إحساسي .. حديثي يشبه سكاتي
غموضي في الهوى تصريح وسره يفضح الكتمان
ونظرات الوله والوجد .. هي أجمل عباراتي
و لا أجامل بأحاسيسي ولا أقبل في الهوى إحسان
و لا للمصلحه .. يا سيدي .. دور بعلاقاتي
ولو ألغي شعوري ما بقى لي صاحب ولا خلاّن
يرافقني على مر الزمن .. جرحي و دمعاتي
أحب الصدق وأعمل به كسبت أو كنت أنا الخسران
ولو صدقي يخسّرني .. تشرّفني خساراتي
رفيق العمر لو تجفا نبض الحرف والشريان
إذا ما غصت بأعماقي .. متى تفهم معاناتي
على كثر الخطأ غافر ولا اغفر غلطة الخوّان
جزاه الصدّ و الفرقا .. ولو عاندت رغباتي
ولولا العفو ما اخطينا ولا نحيا بلا غفران
خطايانا دليل إنّا بشر .. ومنّا الخطا ذاتي
على صدر الزمن بكتب شعوري موعد وعنوان
و تعرف الشوق لو فتّشت عن سر إبتساماتي
إذا كان الهوى نعمة بحطّك نعمة الرحمن
وإذا كان الهوى غلطة .. بحطّك كل غلطاتي

سعد آل سعود
..
/

إبراهيم التميمي


تعليقات 22

  1. موضوع رائع قد داعب وجداني ولمس مشاعري وترك بصمة في ذاكرتي فماذا اقول؟احاسيسك نسجت في عالمنا الامل المفقود والحب الضائع,..فهنيئا لك على ابداعك وبالتوفيق

  2. :(:(ابوخليل فتحت جروح نساها الوفاوجددت دموع لايمسحا الزمن صدق من قال الحب مالة عمر ماينتهي حتى تنزل القبر لاواحد من المحبين ينسى زمان مر ايييييييييييية يازمن راح ماترك له اثر لكن يكفيني منة اني شفت مضنون عيني فية ومر

  3. مرحبا اخوى ابراهيم 😀 أعجبني دقة أختيارك على الصور المعبرة عن القصيدة وخصوصاً ما غنا به الفنان القدير عبدالكريم عبدالقادر وعندي طلب بسيط فيه أغنية لفنان ابوخالد وهي (بين هم الحقيقة والحلم الخيال ) أتمنا أن تسمعها جيداً لانها مليئه بصور جميلة و ترسم على الخاطر أشكر مرة الثانية وأتمنا لك دوام التوقيق أخوك : مــــعذور 😀

  4. السلام عليكم عساااك على القوه دائما أقول أنك مميز في أعمالك روعه روعه أعجز أني أعبر لك الله يسعدك تكفي

  5. مرحبا أخوي صراحه عندك ابداعات عجيبه ودقيقه في بعض الصور(على صدر الزمن بكت شعوري)و عذرتك بالرحيل والله الصورة تقطع القلب…..(وأخر مسافات الصبر جدا روعه الله يحفظك نتظر المزيد

  6. عندما تعجز الكلمات عن التعبير وتتزاحم الاحرف ويعلوا صداها فأعلم أنا هناك يوجد احساس ضوء كلماتا جمالية وصور تعبيرية خيالية دمتم برعاية الرحمن

  7. مـــــرا مــــاشــــاء الله مـــــبــدع .. ربــــي يــديــك الــعـــافــيـــه ..

  8. قد عجز السان عن الوصف …وقد استوقفت العبرات كلماتي … بكل صراحة كأنك دخلت داخل أعماقي وقلبت كل ملفاتي وحطيت إلي فوق تحت وإلي تحت فوق .. قلبت فيني كل المواجع.. لكن بقدر ما قلبت المواجع تألقت بتصويرك للواقع … ولك مني أجمل التحايا على ذوقك الفني والرائع .. وأقول كم انت كبير يا إبن الصحراء

  9. اخي إبراهيم كلام جميل واحساس داخل احاسيس وجميل ان يتخيل الانسان بالطبيعه والمواقف الجميله تقبللللللللللللل تحياتييييييييي واحساسيييييييييي

  10. تصوير رائع وزاد في جماله الكلمات الرائعة التي لامست المشاعر والوجدان أعجبتني كثيرا (( ودعتك وقلبي معاك ولا قدرت اودعه ))

  11. السلام عليكم ورحمة الله وبركاته الله يعطيك العافيه من جد قمه في الروعه الصور واختيارالشعر جنان من جد عجبني اتمنا تزودني بكل ما عندك مع تمنياتي لك بالتوفيق jam

  12. السلام عليكم أخي ابراهيم ماشاءالله صور جميله كلمات راقيه احساس مرهف أبدعت ف الأختيار الله يوفقك 8)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إحساس الضـوء .. ( 5)

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول