أمور مزعجة تفعلها السعوديات


مع كل جلسات العصف الذهني التي حاولت فيها أن أستعرض بعض التصرفات المزعجة في السعوديات
وأيضاً مع الاستشارات التي نفذتها لم أجد من يعرض لي بعض التصرفات غير المحبذة في السيدة السعودية
فأغلب الاقتراحات التي سمعتها هي تنم عن تصرفات مجبول عليها البشر مثل التبذير والأنانية والتمحور حول الرجل
وبعد مراجعة وجدت ثلاث تصرفات مزعجة في الإناث وقد لا تكون لائقة في مجتمعنا
سأرتبها لكم هنا حسب التصرفات من الأقل إزعاجاً إلى الأكثر إزعاجاً.

المرتبة الثالثة: الاستعراض
أختلس النظر إلى فتاة تستخدم جهاز بلاك بيري في أي مكان، وأحرص على أن تنتبه لك
فبمجرد أن تلمح أنك تدقق النظر إليها حتى تنتشي غروراً، وتضع البلاك بيري في حجرها
وتفتح شنطتها وتخرج منها جهاز الآيفون وتلقي عليه نظرة سريعة ثم تعيده
وتحدق إليك مع تنهيدة وتعود تدردش على البلاك بيري
هذا الاستعراض المقيت عند السعوديات لا ينحصر على أجهزة الهاتف النقال فقط بل يتعدى ذلك
في أي مكان مخصص للعائلات شاهد كيف تفعل بعض الفتيات من رفع الصوت
لجذب الانتباه أو التباهي بأمر ما، وهذه الخصلة تدل على نقص في الذات البشرية، لم يجدوا ما يكملها إلا بهذه التوافه.

المرتبة الثانية: عدم إفساح الطريق
سابقاً كان طريق سير النساء بجانب السور، لكي لا يؤذيها الرجال
زادت جراءة السعودية وأصبحت تمشي في وسط الشارع ولا ضير في ذلك
أما أن تمشي في وسط الشارع ولا تتنحى عندما تشاهد رجلاً فهذا هي المعضلة
والأشد منها أن تشاهد الرجل ولا تتنحى عنه إلى أن يصدمها لتقول “رجال وقحين ما يشوفوا”
بعض السعوديات للأسف لم تعد تفسح المجال أو تبتعد عن الطريق إذا أتى أحدهم
وإنما شعارها أما أن يبتعد هو أو أن يرتطم ومن ثم يشتم
ولا أعلم ما الغاية من هذا التصرف هل لأن الفتاة السعودية أصبحت تفهم الحرية بالشكل الخطأ؟
أم أن الأمر هو أثبات وجود بعد أن حرمها المجتمع من حقها في قيادة السيارة؟
أم انه تفريغ داخلي لبعض الترسبات من المجتمع!.
كلهم سيان الفتاة والشاب في مسألة إفساح الطريق
ولكن الفتاة نتوقع أن لا ترضى على نفسها بأن ترتطم بأحد في نفسه مثقال ذرة من شر أو حتى خير.

المرتبة الأولى: تعطيل حركة السير
عند بوابة مستشفى أو سوق تأمل في السعوديات عندما يترجل من السيارة
أول شيء تفعله هو ترك باب السيارة مفتوح، ثم تعديل الشيلة والعباءة
ومن ثم العودة لإحضار حقيبة يدها من السيارة، ومن إغلاق باب السيارة
والوقوف قليلاً لترمق السيارة الأخرى في الخلف وتتفحص الموجودين فيها، ثم تسير إلى وجهتها
كل هذا الحركات قد تستغرق أكثر من ثلاث دقائق
وهي غير مكترثة بالزحام الذي يحصل بعد سيارتها، لذا عند أي مدخل نسائي نشاهد تكدس مروري رهيب
ترى ألا تستطيع السعودية أن تغلق باب السيارة وتمشي مسرعة إلى هدفها
أم التأكد من الشياكة هو المطلب الأهم
هذا يحدث قبل أن تقود السعودية السيارة، ترى بعد قيادتها للسيارة ماذا سيحدث.
ترى متى تفهم السعودية مثلها مثل الرجل أن للطريق حق
،،،
بـ قلم
محمد المخلفي 


تعليقات 56

  1. للعلم .. مواضيعك عن السعوديين والامور اللي يفعلوها .. مالها داعي! ياليت تركز في عيوبك وتحاول تطور من نفسك .. تطوير النفس والذات لاينتهي .. ولاتشيل هم غيرك .. ومدري وش دخل الإستعراض بإفساح الطريق .. ياخي خلها تستعرض إنت وش ضارك؟

  2. اول مره يزعجني بريد من هالقروب واول مره ارد منزعجه ! الاستعراض وشوله. تناظر بنات النآس هذا 1 تلقا البنيه تضايقت منك لك ساعه تقز فيها 2 من الذوق والادب ان الرجال يوخر عن المرآه. مو يمشي وما همه احد هو لو صدم فيها طيرها. 3 تعطيل حركه السير والله ما عطلها الا الشباب لا صارو لاصقين بسياره عآيله عشان. يقزون ولا عمري شفت هالنوعيه اللي تقول الا وحده تعدل عبايتها لا نزلت أجل تبيها تمشي متكشفه . عشان ما تأخرك يالمستعجل ! ايميل يدل على سطحيه التفكير عذرآ

  3. صراحة اشياء واقعية وخصوصا اللي في الطريق زمان جنب السور اللآن تزاحم الرجال في كل شي وبكل (وقاحة) وكأنها رجل وليس لديها مانه لو التصق كتفها بكتف رجل ، وايضا رفع الصوت هذي الأحظها للأسف الشديد

  4. في كل دول العالم مو بس بالسعودية التفشخر موجود في العرب ولاجانب وموقع عرض الصور اكبر شاهد احس هذا اميل قاسي وجأر عليهم لانو مو كل البنات يسون كذ :/

  5. لفتت نظري النقطه الثانيه مامدح بنفسي بس اذا شفت رجال ابعد احتراما لنفسي وللاخر وغير كذا ابي اذا مر امشي براحتي والاغلبيه اذا ماقلت الكل بس اتصرف بهالطريقه تلقائي يفتح لي المجال بالمرور لو كان باب مثلا يفتحه ويصد او كان مكان هو نفس الشي يبعد يعني احترام متبادل وبالنسبه للنقطه الاخيره مشكلة بعض البنات تلبس عباة راس وانواع الحوسه بس تنزل تبي تتأكد اذا عباتها ساترتها او لا موش بالضروره انو تتأكد من شياكتها !! الا الي من الفئه الأولى محبات الأستعراض وهالشي بالجنسين بمجتمعنا المشكله بهالزمن الكل صار قادر والكل متفتح يعني خلاص ياتقدم نفسك كشخصيه ولا الماديات بعمرها ماثبتت وجود بس عقليات

  6. اي والله صدقت يالمخلفي راح اتكلم عن النقطة الثانية والثالثة لان مسألة استعراض الجوالات غبية وتدل على تفاهة البنت لان كل الناس معهم ايفون وبلاك بيري يعني ياللي تستعرضين ترا محد درى عنك ههههه او على قول المثل (ما درينا عنك ياللي في الظلام تغمز) بالنسبة لافساح الطريق فهذي انا ملاحظها في البنات ما ادري هل هو استعراض عضلات واظهار قوة ولا وش سالفتهن؟؟ احنا يالرجال نعطي الطريق حقه ونحترم المار سواء رجل او امراه, اما هم لا تبي الناس يوخرون عن طريقها << مستوى الانوثة صفرر عند بناتنا واذا تبي تقطع الطريق تطب في وجه السيارات بطريقة مفاجأة على اساس انا بنت ولازم توقفون عشاني!!! << وش عندها طويلة العمر << بالنسبة لي صرت ما اوقف لهم خلها تنلطع الين يفضى الطريق ولا بصدمها واكسر عصاقيلها اما بالنسبة لموضوع تعطيل حركة السير فحدث ولا حرج وخصوصا عند الاسواق نص ساعة عشان تفتح الباب ونص ساعة عشان تنزل ونص ساعة عشان تصك الباب ونص ساعة تنتظر قطيع البقر اللي معها بالسيارة عشان ينزلون من السيارة والطريق مسكر وزحمة سيارات عشانها!! << انا ما احترم هالاشكال وصرت اضرب عليهم بواري زبدة الكلام .. فيه احترام كبير من الرجل تجاه المرأة وهذا الاحترام يقل تدريجيا بسبب تصرفات البنات وهذي التصرفات ان دلت انما تدل على نقص عقل بعض البنات وضحالة في التفكير عندهن وانا ما اعمم لان فيه بنات محترمات والله انك تستحي تحط عينك بعينها واذا كنت في محل وتبي تمر من عندك تحصل نفسك تطلع من المحل عشان ما تضايقها اما بعض البنات ودك اذا بغت تمر من عندك تقولها ارجعي دوري درب ثاني آسف على الاطالة لكن فرق وضع البنات هالايام عن وضعهن قبل 8 سنوات تقريبا كفرق الثرا عن الثريا .. الله يهديهن ويستر عليهن

  7. استغفر الله العظيم يعني ما أدري هو انت ولا الشبكة الي ترسل كلام ماله معنى يا هالسعوديات مافي شي ماحطيتوه فيهم على اساس باقي حريم العالم مايسون كل هالأشياء !!! ولا تخليني أكتب تدوينة عن الشباب السعودي أتوقع مابخلص الا السنة الجاية ايميل سخيف بجد

  8. لم ارى مثل هؤلاء الفتيات في حياتي ولله الحمد يبدوا انهن منتشرات في الرياض لكن لم ارى مثلهن في جدة

  9. المرتبة الثالثة: ليش من الاساس تناظر البنت المرتبة الثانية: الرسول يقول: اعط الطريق حقه ليش ما احترمت نفسك وقوانين دينك وفسحت لها الطريق المرتبة الاولى: هذي من نسج خيالك

  10. الاخ محمد المخلفي اللي كتب المقالين هذي اللي هي امور مزعجه يفعلها السعوديون والثاني امور مزعجه يفعلها السعوديات مقالاتك كانت تحمل كم كبير من الهجوم على السعوديين والسعوديات واستفزني كلامك وطريقة اهانتك للناس بكلامك في المقالين اللي وصلتني على ايميلي وقلت لازم ارد عليك يااستاذ محمد انت مين سمحلك تعمم كلامك بالطريقه الاستفزازية والسيئة هذي بعدين مو بس السعوددين اللي رح يقرون مقالاتك من كل دول الخليج رح يقرون مقالك امور مزعجه يفعلها السعوديين اقسم بالله العظيم من شدة ماانقهرت من كلامك وتعميمك وتصويرك رجال بلدك بأسوأ صوره حسيت بوجع بقلبي وقتها وحسيت اني طلعت عن طوري واللي زاد الطين بله مقالك الثاني اللي حاط فيه ان المرأه السعووديه تستعرض للرجال وماتفسح الطريق للرجال وتعطل حركة السير عشان تطالع في الرجال انت صورت المرأه والبنت السعوديه عامةً انها مو طالعه من بيتها الا عشان تعاكس وتتعاكس عيب عيب يااخي ترسم هالصور المشينه عن رجال و نساء بلدك. انت ماكتبته الا عشان يلاقي رواج والناس تتكلم فيه حاول تبرز نفسك بأشياء تفيدك واشياء لصالحك اقولك كلمه اخيره انت الانسان الوحيد اللي مر علي بالدنيا اللي كرهته من غير مااشوفه والسبب كلماتك العقيمه..

  11. اخي الكريم في جميع المجتمعات النسويه تجد مثل هذه التصرفات فمعروف عن الانثى انها تحب الاستعراض والفشخره لاكن الخطأ في موضوعك انك عميت هالشيء على السعوديات ككل ولاكن الى الان نجد نساء يمشون بجنب ( السور ) تجناً لاذى الرجال وماشابه ذلك فارجو منك انك (تخص ولا تعم ) هالشيء على السعوديات لك احترامي وتقديري

  12. يالحبيب اولا / فكنا من كلمة سعودي وسعوديه يرحم امك ثانيا /( اللي تسويه للاسف امر مزعج ويلوع الكبد مثل قولتك – استعراض – وعدم افساح طريق – وتعطيل حركة السير – احسك تسولف عن مفحط مو عن اوادم، مدري شي تبي توصل له) ثالثا/ انصحك مره ثانيه ما تحاول تكتب عن المجمتع السعودي كلام مثل كذا B

  13. أخ محمد أراك عممت ولم تقل بعض السعوديات، أو نسبة كذا مثلا. ثم خصصت السعوديات ولم تقل الكويتيات أيضا أو اللبنانيات مثلا. أرى بعض العنصرية في مقالك وإن كان مقالك ينطبق على فئة معينة من السيدات من غير تحديد جنسية.

  14. السلام عليكم اول شي مشكور ع الموضوع بس عندي سؤال يعني محيرني انت سعودي ؟ .. اذا سعودي ليه تجيب الاشياء السلبيه طيب مؤ مشكله ع الاقل جيب بعدها الاشياء الاجابيه وانا اذكر شايفه موضوع لك عن السعوديين بعد على ماذكر سلبياتهم ترى بالعكس الإيجابيات اكثر من السلبيات انت مشكلتك عطيتنا الشين وقطيت الزين على قولتهم الله يهديك ع العموم شكرًا ع الموضوع وبرب:~

  15. فعلا ذكر السلبيات دون الايجابيات، وهذا شي راجع لصاحب الموضوع، بس اخت بشاير انه اول شي يحيرك من الموضوع انه سعودي او لا بصراحة هذا هو الي يحير، يعني لو ماكان سعودي، ايش بتكون ردة فعلك، وايش بيكون الفرق، اتمنى نترفع بفكرنا عن هذا المستوى، تقبلي نقدي وشكرا

  16. السالفة مو سالفة مجرد ذكر سلبيات وإجاابيات..هذا يسمونه نقد هاادف..يعني يذكر السلبيات الموجودة عشان نصلحها بالمستقبل..وعن الموضوع انا معاك بكل نقطة قلتها خصوصا تعطيل سير المركبات:~..يعطيك العافية.

  17. السالفة مو سالفة ذكر سلبيات وإيجابيات فقط…هذا يسمونه نقد هاادف..يعني الناقد يذكر سلبيات لفئة معينة بدون التجريح بهم والهدف الاول من هذا النوع من النقد التطوير والإصلاح..بالنسبة للموضوع أنا معك بكل اللي قلته خصوصا بتعطيل حركة السير:~..يعطيك العافية.

  18. انا اشوف ان الكلام هذا مسخره اكثر ماهو انتقاد لسلبيات البنات انت طرحت موضوع انتقاد فمعناها انك تنتقد تصرفات اهلك وقريباتك قبل بنات الناس ليش التعميم على السعوديات والله في بنات وشباب تصرفاتهم اشرف بكثير من نقدك هذا كل واحد تعلم يكتب حرفين مايلاقي قدامه الا بنات وشباب السعودية ونازل فيهم نقد ومسخره في كل مكان اتقوا الله وانشروا الافضل عن بلدنا يامتخلفين ومنغلفين على التفاهات فقط

  19. اعترف انه في فئه من البنات اللى نفسي افقع وجيههم من اللكاعه عن ركوب السياره او النزول منها واغلبيتهم من الأجانب اللى عندهم اطفال كثيره

  20. انا اول مره يزعجني بريد من هالشبكه واول مره ارد بازدراء ع بريد منهم ؟ اول شي ليه تقز فبنات الناس ي اخ محمد تلقاها تضايقت منك هذا وانت متزوج ؟ ثاني شي عدم افساح الطريق ياخي من الادب ان الرجال يبعد لما يشوف بنت تمشي مو يروح كنها واحد من ربعه ويقابلها بالمشي هاذي اسمها قله ادب مع اني ما انكر في بنات يتقصدون يضربون بالرجال ؟ ثالث شي موضوع النزله اللي مسببين زحمه هم سيارات الشباب مو الحريم طال عمرك يجيك خمس سيارات لاصقه فسياره عايله والبنت اللي تنزل توقف شوي لانها بتستر عمرها اجل تمشي كاشفه عشان خاطرك يالمستعجل ؟ كلامك يدل على سطحيه تفكيرك عفوا

  21. السلام عليكم معليش النقد ليس علينا فقط روح يمين شمال اطل برا حدود السعودية وشوف السلبيات ليس العيب في السعودية كل الشعوب لديها عيوب ولست اغنت ولا انا من نقيم الشعوب بل اولات ألأمر من مشائخ الدين وغيرهم وجزاك الله خير. حاول تنصف روح مكة وشوف أنانية الشعوب يحاول يسرقك وأنته علي أرضك ويريد يضحك عليك وإنت في بيت اللة. ضع نقدك للأخرين دخيلك ولابأس تنتقدنا نحن ناس لسنا ملائكةز ابو حميد تحياتي لك

  22. إذا لهالدرجة مو عاجبتك السعودية رح خذلك غيرها إلا الله يعين زوجتك وبناتك

  23. موضوع استغربت ان القروب ينشره،، مافيه هدف ليش؟! لانك قاعد تفضفض ولو كل شخص شي رفع ضغطه بيكتبه وش بنكون؟! بس لو سمحت يصير نتنفس بالشارع ؟! او مايصير اخاف نضايقكم

  24. الصراحه اشوفك ظلمت يوم شملت الكل ب كلمة ( السعوديات ) يعني لو انك قايل فئة منهم ! مو الكل عنده هالسلبيات وصراحة انا من الناس اللي اغلب اللي قلته ما اسويه ! ونبي منك نقد ل فئة من الرجال بعد اللي الاستعراض عندهم اشوفه اكثر من النساء ..

  25. رد على الموضوع : 3 مو مرره مهم 2 ملاحظة و بقوة كماان للأسف ما أحد يعرف هل هوا غرور أهم فقط حماقة 1 لووول لو تشوفهم عند الجامعات تحسهم إنتحارين يمشون قدام السيارات بشكل غريب رد على الأخت بشاير : الأخ ينتقد والإنتقاد يكون لشي سلبي أحب الكاتب تعديله من وجهه نظره بالله كيف ينتقد شي إجابي :S رد على نهر الوفاء : والله ما ودانا ورااا في بحور التخلف إلا التفرقة العنصرية الغريبة التي طرأت على أمتنا للأسف وهي كلمة أجنبي كلنا إخوان و مسلمين المهاجرين عندما وصلو المدينة ما قالولهم إنتو أجانب إستقبلوهم بالأحضان أمة صنعها محمد صلى عليه وسلم ونحن نفسدها بغبااء قاتل :/

  26. ارجو ان تتكلم عن تجربتك وصحح لنفسك العنوان. اذا كنت قد صادفت مثل هذه (المواقف) فليس من حقك ان تعممها وتعنونها باسم السعوديات اجمع. واضح جدا انها امور تحصل في اي مكان او زمان. ياليت تعيد النظر في ما كتبت او في قدراتك النقدية لانك اخطأت بتعميمك ياسيد ولم توفق.

  27. انا معاك في عينات كذا من البنات بس مو الكل وياما شفنا اولاد يتباهون بأجهزتهم بأشكالهم وفيهم هالسلبيات كلها وتسلم ع الموضوع وتقبل مروري ..،

  28. انت صادق في كل. ما قلت ولكن. لولا التعمييم فليست جميع السعوديات كذلك وليس جميع السعوديين بذلك السوء ولو كان كذلك كنت انت احدا من المسيئين شكرا لك 😀

  29. طيب وايش تبينا نسوي لك الظاهر رغم كل الانتقادات التي جاتك في موضوعك اللي قبله الا أنك تتجاهلها وعدم إحترامك لردود الاشخاص ياليت من الادارة عدم السماح لأشخاص هكذا يقوموا بتشويه سمعة المواطنين السعوديين

  30. الله يعطيك العافيه وجبتهااا في الصميم والله , انا أأيدك على جميع المراتب وباخذهم وحده وحده اعلق بعد اذنك بالنسبه(( للمرتبه الثالثه)) اللي هي الاستعراض >> انا اقول يحق لهاا تستعرض لانها انثى = والعلاج انت اذا شفت وحده زي كذا فالمفرووض انت ماتلقي لها بال فبالتالي كني مافي احد موجود امامك هذا حل (( المرتبه الثانيه )) عدم افساااح الطريق وهذي اللي انا داخل على شان اعلق عليها = راحوا الطيبات اول على ايام الطيبات او الحين وشوله اول اذا انت ماشي بطريق وقدامك وحده عجوز من الاولات من ذيك الخصله القديمه تقلها هي اللي تصفط على جنب وتخليك تعدي ومن جد تحترمهااا غصباً عنك وتنزل راسك . والحين الله المستعان ((المرتبه الاولى )) تعطيل السير ماقول شي زوجهااا او سواقها او اللي هو هو ليش مايصفط على جنب هو وخشته مالومهااا في هالموقف كثر مالوم السواق

  31. الله يعطيك العافيه وجبتهااا في الصميم والله , انا أأيدك على جميع المراتب وباخذهم وحده وحده اعلق بعد اذنك بالنسبه(( للمرتبه الثالثه)) اللي هي الاستعراض >> انا اقول يحق لهاا تستعرض لانها انثى = والعلاج انت اذا شفت وحده زي كذا فالمفرووض انت ماتلقي لها بال فبالتالي كني مافي احد موجود امامك هذا حل (( المرتبه الثانيه )) عدم افساااح الطريق وهذي اللي انا داخل على شان اعلق عليها = راحوا الطيبات اول على ايام الطيبات او الحين وشوله اول اذا انت ماشي بطريق وقدامك وحده عجوز من الاولات من ذيك الخصله القديمه تقلها هي اللي تصفط على جنب وتخليك تعدي ومن جد تحترمهااا غصباً عنك وتنزل راسك . والحين الله المستعان ((المرتبه الاولى )) تعطيل السير ماقول شي زوجهااا او سواقها او اللي هو هو ليش مايصفط على جنب هو وخشته مالومهااا في هالموقف كثر مالوم السواق >>>>حاكني لما تجي للصراااافه وااااااااااوتس ياذا اليل

  32. كلامك عجيب كل كل كل اللي انذكر كلام عادي تلاقيه موجود بكل المجتمعات حتى بالغرب .. لأن كل مجتمع موجودة يه هذه الفئات وعندنا هي أقل القليل مو حتى قليل .. أقل القليل .. وين النقد الهادف بالموضوع .. دورت على اي سلبية مالقيت الا انه تبغى البنت تلصق بالجدار وهي تمشي :/ اوكي فرضا البنت بجحة وقليلة ادب وجرئة وكفرت بخالقها ومشت بنص الرصيف وشافت رجال قدامها جاي وما لصقت بالجدار .. ليش الرجال يخبط فيها ؟؟ مايوخر طيب .. كلامك مردود لأنه شي من الطرفين .. أقدر اكرر نفس كلامك بالضبط عن الرجال .. ماتو الطيبين .. يشوف الحرمة جاية ويتعمد يخبط عشان … و عشان .. مفهوم طبعا ولا تقول ماتصير .. الا تصير .. يعني شكلك لفيت ودرت ولفيت ودرت وفحطت تبي تدور سلبيات بس مالقيت الظاهر الا هالتفاهات اللي موجودة عن فئة قليلة جدا وكمان موجودة بكل دول العالم .. من اهم اساسيات النقد الحكم الصحيح .. شوف هرجك كله ايش .. وفوقها معمم يالطيف مدري ايش حسستني احنا السعوديات كفرة فجرة نمشي بنص الطريق مانوخر و اذا طلعنا الايفون وبيدنا البلاك فأكيد عشان نلفت نظر سعادتك .. وغيره من اللي حتى ما ابغى اتعب نفسي واكتب .. ياعمنا خلي النقد لاصحابه و نزل لنا موضوع عنك خلينا نشوف الملاك الكامن جواك } .. أو عالاقل انتقد بمصداقية .. تبغى تتكلم عن فئة معينة .. حدد الكلام بالفئة هذه واذكر عيوبها ومايفترض .. وانتقد السلبيات اللي تسوى .. ماباقي الا تقول السعوديات هذرتهم كثيرة .. السعوديات سهرهم كثير .. السعوديات يزيد وزنهم من الاكل .. السعوديات حلوات هههه .. بجد يعني بليز شوية مصداقية وحيادية ونقد نتمنى يكون هادف مو ندور الزلة وهاتك تعميم وحش وياليت ع شي يسوى

  33. عجبًا لشبكة أبو نواف !! تنشر مواضيع هذا الرجل للملأ , وهو لا يريد إلا الإساءة لنا ك سعوديين , والدليل تخصيصه بأمور سلبيه سواء بموضوعه الأول أو هذا وحرصه على السعوديين ! هناك حد يجب أن يتجاوزه هذا وأمثاله

  34. استغرب ردود بعض العالم الي يسأل الكاتب أنت سعودي!! والي يقول لاتتجاوز الحدود!! شيء يحير الحقيقة شعب تكاد تنعدم فيه ثقافة تقبل النقد الهادف فقط يريدون المديح الى متى ونحن على هذا الحال اذا انتقدنا في واقعنا وذكرت سلبيتنا قمنا بالتشكيك والوعيد بدلاً عن معالجتها!! عزيزي الكاتب اشكرك على موضوعك الهادف ونحن بحاجة إلى هذه الانتقادات الهادفة التي لها دور في اصلاح المجتمع و شكراً شبكة ابو نواف على النقل.

  35. لا شفت أبوي ولا أعمامي ولا خوالي ولا تربيت على اني انتظر (الحرمة) (تفسح) لي الطريق. يا عيب والله عليك وعلى اللي يوافقك. وين الاحترام يوم انك انت تنتظرها توخر؟ وين الاحترام يوم انك انت وقح لدرجة انك (ترتطم) فيها على قولتك لأنه المفروض هي اللي توخر. استعباد هذا والا تحسب نفسك من؟! رجال؟ اذا انتم ما تعرفون ان (للنساء، حرمتهم) و المفروض (انتم يالرجال) تركنون على جنب لما تشوفوهم ماشيات، فالله يخلف عليكم من رجال.

  36. جبتها على الجرح استغرب من هذي الحركات بس اعرف من بعدها انه ما عندها اهل يربونها قليلة الحياء و الادب الف شكر لك

  37. اخوي كحيلان يا انك ما فهمت السالفة او انك ما تحب النقد الرجال شاف ظواهر مزعجة بالمجتمع و تنتشر بشكل مقرف مع احترامي و حب يحطها هنا, و الله يهديك يا اخوي ما تجاوز عن الحد ولا شي المهم تفهم اسالفة قبل لا ترد يا مأدبهم 😉

  38. الرجال يمشي بنض الطريق والبعض يتعمد يرتطم بالبنت .. وين مرجلته يوم يشوف بنت ويستمر ماشي مقابلها !!! الرجال مسببين الزحمة والقلق بالشوارع والبعض يتعمد يتمنذل ويتمشكل حتى حركة انه يوقف عالاشارة ويحبس اللي وراه !! الاستعراض .. يرحم امك ما كثر الله عند الكثييير من الرجال السعوديين اكثر من الاستعراض بالسيارات و الجوالات وغيرها .. طبعا الاسباب واضحة .. تصدق عاد .. كثير رجال يوم يعدي وبنت تطل فيه نظرة لا ارادية عادية وتلتفت لصديقتها تكمل السالفة او تضحك .. تلاقي غروره اشتغل وقال لنفسه ياويل قلبي عطتني نظرة وتعمدت ترفع صوتها عشان تسمعني السالفة او الضحكة … كلام مردود ..

  39. يعني تبي تقنعنا ان السعوديات اخس بنات في العالم اقول مين علمك تكتب النقد هنا ليس للسعوديات بل انك انتقدت نفسك تدري ليه لانك مالقيت الا ثلاث عيوب تضعها ولم تستطيع وضع اكثر والثلاث ايضا بعضها غير صحيح وينطبق عليك المثل نعيب غيرنا و العيب فينا! نعم هكذا البعض لا يرى عيوبه وإنما يرى عيوب الآخرين … قال الشاعر // لسانك لا تذكر به عورة امرئ … فكلك عورات و للناس ألسن … نقدك غير هادف واتفهم محاولتك لتشهر من نفسك واتمنى انك ردي وصلك8)

  40. هذه الأيام كل من هب و دب رأى ما كتبته قد نُشِر، و إن كان كلاماً غير مفهوماً أو مفيداً، ظنّ نفسه كاتباً

  41. واضح انك اجنبي ومقهور من السعودين عموما ماقدرت ع رجال السعوديه رحت ع الحريم الضعوف اصلن واضح من الموصوع انك شخص ناقص عقل وتافه اجل قاعد تراقب وش يسون الحريم هههههه لا حركة تعطيل الطريق والخرابيط ذي ارحمنا يابزي انت اللي تبي تعدي بسرعه انت من فضاوتك قاعد تراقب الحريم 😀

  42. ماكتبته يا محمد المخلفي من احقر المقالات بتاريخ مجلتكم ! ومنه تشويه لسمعة المملكه العربيه السعوديه ومساعده في نشر صور مخلة ب الاداب ومنها جريمة القذف ي اخ ! .. اتمنى من كل قلبي ان تقبض عليك الحكومه وتحاسبك

  43. أكاد أجزم أن ما يقصده الكاتب في مقالته هن البنات المتبرجات وكلنا نعلم من هن ؟ يعني البلاك بيري هل من علامات صلاح المرأة او لبس العباءة على الكتف. احترامي لكل إمرأة عفيفة لاتراقب سوى الله في خروجها وركوبها وشأنها كله اشكر الكاتب ومن يعارضك على رأيك فهو ممن ذكرت

  44. صادق فهد ،، صراحه ما ودي اتناقش مع اشكال زي هذي التعبانه ،، مقالة اكثر من فاشله

  45. تشكر اخي الدكتور في مشاركتك لدراستك في هذه الكائنات الاجتماعية المنعزلة بعض العلماء الانجليزيون عاشوا مع مجموعات الغوريلا واكتشفوا سلوكياتهم الاجتماعية، أما انت صديقي فقد فعلت اكثر من ذالك وخاطرت بحياتك لتقدم لنا تحفة متواضعة لا تعوض بقدر. سأثمن ما كتبته يداك وكذلك سيثمنه اخوتك الذين باءت محاولاتهم فاشلة في فهم هذه الدواب.

  46. بصراحه ااهنيك على هالموضوع الفاشل الي ممثل وجهك وانصحك ماتكتب.. و السعوديات امك واختك ف استح على وجهك

  47. والله يا ناااااس اني صرت اكره نفسي … احس ان البنت عاله في الدنيا مالها كيانها ولا لها احترامها .. والرجاجيل والسعوديين بشكل خاص ..(( ما همهم الا المراه وبس )). (( المشكله انها ماتسوى عنده وكنها خدامه عنده ومستعبدها …بس ما يقدر يستغني عنها ابدااا ..)) انآ لا اكره انوثتي ..اكره تلك القيود التي فرضوها عليْ كوني أُنثى الله يقطع كل رجال ظالم مره

  48. يا اخي اتق الله في نفسك صحيح ان في تصرفات نشاهدها تقوم بها الفتيات غير لائقه ولكن كون انك تحصر هذه التصرفات على السعوديات فقط دون فتيات العالم فأنت انسان مريض نفسي لو التفت قليلا لنفسك لوجدت تصرف واحد منك اعظم من ماشاهدت في الفتيات فأبدا بإصلاح نفسك قبل ان تذم فتيات السعودية لن فيهم من هم اشرف منك ويخافون ربهم ويمكن التصرفات اللي شفتها ربما شفتها في اهل بيتك وحكمت بأنها موجوده في بنات السعودية حسبنا الله ونعم الوكيل

  49. المشكلة أنت مو فاهم , أنا ما عبت عليه إطلاقًا بنشره بعض الأمور السلبية وانتقادها , بل عبت عليه تمييزه وتعمميه للشعب السعودي رجاله ونساءه , وأنه لحّفهم بهذه السلبيات جميعًا . هل عرفت أين تكُمن المُشكلة ؟ آمل ذلك

  50. , نطالب إدارة أبو نوّاف تعديل الخطأ الفادح , والإعتذار لك مواطن سعودي بما جاءنا من اساءه من هذا القلم الأحمق , نعم فالتعميم لغة الحمقى , وبدورهآ شبكة أبو نوّاف نشرت مقاليّه , وهما : 1-أمور مزعجة يفعلها السعوديين 2- أمور مزعجه تفعلها السعوديات أنا ما أكبر الموضوع , وربما هو موضوع وينتهي كما يفكر بعض الناس فالذي أراه إن سكتنا عن اساءه هذا الأحمق , سيكتب مقاله أُخرى لأنه أمن العقاب , وبل سيسر على خطاه من همَّ على شاكلته لذلك نريد أن نتغدى فيهم قبل أن يتعشوا فينا والسلام

  51. أولآ :ابفهم ليش الكلام بس للسعوديات ومره ثانيه مو تعمم كلامك لكل بنات السعوديه فيه بنات ما يسوون زي كذا :بنات مربيات ثانيآ:ومن قال اننا اذا نزلنامن السياره نعدل الشيله ونترك الباب مفتوح اصلا حنا نلبس غطوه ونغطي وجيهنا شلون نعدلهاB سؤال اتمنــى تجاوب عليه اكييد انك مو سعودي لانك لو كنت سعودي ما راح تتكلم على بنات السعوديه بهذا السوء احترم بنات وطنك , طيب اذا كنت سعودي اختك او امك اذا نزلت من السياره هل تترك الباب مفتوح وتجلس 3 دقايق تناظر السيارات هل اخواتك يسوون كذا ؟؟ اتحداك ترد علي؟8) اسستغفر الله الذي لا اله الا هو الحي القيوم واتوب اليه.. اللهم صلي على محمد

  52. وقد أورد أبو داود حديث أبي أسيد الأنصاري رضي الله عنه أنه سمع رسول الله صلى الله عليه وسلم يقول وهو خارج من المسجد، فاختلط الرجال مع النساء في الطريق، فقال: (استأخرن، فإنه ليس لكن أن تحققن الطريق). (استأخرن) أي: عن الرجال، (فإنه ليس لكن أن تحققن الطريق) أي: أن تمشين في وسطه، (عليكن بحافات الطريق) وهي جوانبه، فكانت المرأة تلتصق بالجدار وتقرب من الجدار حتى إن ثوبها يعلق بالجدار من شدة قربها منه، والتصاقها به.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أمور مزعجة تفعلها السعوديات

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول