أحب البر والمزيون .. كشتة


بسم الله الرحمن الرحيم
أسعد الله أوقاتكم بكل خير

الحمد الله الأجواء زانت ، وطلعات البر بدأت
هذي كشتة خفيفة جداً لمنطقة قريبة عندنا
تقع غرب مدينة الرياض بالقرب من المزاحمية ( المحلية ) ..

 كعادتنا وعادة كل العوائل بليلة الطلعة يتم نبش المستودع
 جهزنا العدة والعتاد وركبناهن بالوانيت من الليل  عشان لا قمنا الصبح إلا ندق سلف ونمشي
الوكاد ما مشينا إلا بعد صلاة الظهر
ولأول مرة نختار مكان بسرعة  العادة ندور ساعة إلين ما نحدد لنا مكان

نبدأ بالصور ..
هذا قزنا

رواقنا وجلسة الحريم  ( الرواق شاريه من 5 سنين وتوي أطلعه  )

الغداء كان عبارة عن قصديرة لحم وهذا بداية شغل الغداء
تجهيز الطماط وتقطيعه

عقبه البصل

ولا يهون الفلفل البارد

على الطرف الآخر وبما إن أخوي هو اللي يقول بصلح غداكم ، انتم يالحريم قطعوا وأنت أصلح
حط اللحم بقدر وكب عليه البهارات وحركه بالملعقة

كبينا الخضار اللي قطعت على اللحم

رشينا الملح

قسمناهن على صحون القصدير

غطيناه

وطبعاً كان الفحم جاهز

القصديره بتجلس مدة ساعة ، وعلى بال ما تجهز نأخذ له رشفة قهوة
لا تدققون بالطفرية

عقب ما خلص حطيناه وكان فيه بعض النواشف
ما صورنا الغداء زين لأن رحت للبقالة أجيب فازلين وشاش
أخوي انجرح مصبعه بسبت القصدير + وطى جمرة وانتفخت ، ويوم جينا إلا أثرهم يتغدون

تفضينا للطبيعة والنفود

عقبه شبينا الضوية

محاولة

مشاهدة ممتعة


تابعوا جديد شبكة أبونواف على فيس بوك وتويتر

   


تعليقات 2

  1. الله يسعدكم ويديم الخير على الجميع صور حلوه وياليت مكثر صور للبر << مشتاقين للكشتات والهواء النقي يسلم يدينك والله يرزقنا المطر وتخضر الارض مشكور وان شاء الله تعيدونها دوم وانتم بخر وسعاده

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أحب البر والمزيون .. كشتة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول