البدر على سطح القمر ….
رؤس الاقلااام :- ا
الثماامة…((مكان كل ابوة تراب)) ا
القمر…((قزيتة ((أي شفتة))ونصيتة)) ا
سريناا…((قرار صدر فوق طعس)) ا
التشليح…((مكان مدري لية كلبو سيارتهم مصدمة)) ا
العودة…((الى الارض)) ا
×××××ملاحظة ×××××
ابو حمد تم دفنة باسبااب حروق اعدمت اشباهة واخفت معالمة وتم التعرف علية با الزبيرية ماات وهو لابسهاا
القصة :- ا
مرني ابو ساارة ((الخبل)) كالعادة وقال وشرايك اليوم قمراا((يعني ليلة 15)) ورى ماندز ((أي نروح)) للثمامة ونغير جو؟؟؟ قلت ياخي مليناا مابقي رصيف ماجلسناا علية ومابقي بر ماارحناا لة طفشت يابو سارة والله وابوبز واقعد اصيح((قلبت وتاثرت بالملل والحقيقة قايل لبوي قبل مااطلع عطني خمسين ريال وطشر شي في وجهي واظن ان كنت منيب واهم تفلة)) وقاال ابو سارة ماعلية ياالبدر قم قم اركب ابنسيك همومك الليلة والله ويدق على الجحلط ((شبااب حرام عايشين مكانهم فرن والقزم ابو صاهود يحط في ميكرويف)) ويجبون العود والمراويس ويجتمعون حثالة منفوحة كلهم وللثمامة((تعريف الثمامة :-مكان كلة تراب ينطق فية الخيام وجيك الموية يحط بعيد عشان مايملي الفرشة)) والله ويقعدوون طرب واناا مالي خلق وانسدحت وحطيت راسي على فخذ ابو حمد ((شخص يصعب وصفة واقرب مالة بقرة في الشهر التاسع)) واناظر السمااء واتامل في القمر وانااااااظر وادقق قلت في نفسي كل شي ورحناا لة لية ماانروح للقمر وش يعني؟؟؟((اثر البقرة يسمعني حط يدة على جبهتي يقوس الحرارة)) وبالفعل قمت وقلت يااشبااب خلوناا نروح للقمر ..((ابو صاهود مطلوب بقضية وودة يزبن ((أي ينحاش)) وحاجز على اندونسيا وقال ماتفرق ياالبدر اناا معك)) وابو حمد قال معك قلت انت انثبر وش بيطير الصاروخ وانت فية ((دمعت عينة ورحمتة )) قلت لا انت الكنترول حقناا هناا نكلمك ونعطيك الاخباار وانت الي بتشب الفتيلة حقت الانطلااق واعجعج بة لين ماكبر راسة وقاال خلااص اتفقناا تراني الكنكورد ((أي الكنترول))((طبعاا ابو حمد سقط 5 سنوات في ثالث ابتدائي وانطرد)) ابو سارة الخبل قال ابقعد ((طبعاا الهدف من الروحة ابلعن والدينة هناااك)) قلت افاا وين الي بيوسع صدري انت معي والمهم اتفقنااا وقلت سرينااا قالو سرينااا ((أي مشيناا)) وبديناا نجمع قطع الصااروخ..وكاانت طبعاا المركبة الاساسية خزان فيبر قلااس ((جسم بيضاوي لة فتحة ويحط في السطوح)) وتم ترهيم بعض القطع استلم ابو صااهود الموضوع ((قال محكوك علي خلووني اخربهاا انا الي ابشتري المواد)) طبعاا ببلاااش ((يعني بيسرق النذل)) والله وسويناا انفسناا ماندري عشان العقوبة تجي في جبهتة ((اغبياء المشكلة العقوبة بتعمناا كلنا في خزان واحد)) المهم وخذ هندسة في سيب ابو ساارة والله وناخذ تلفزيون معناا ((بزعمناا شاشة رادار وماطور كهرب حق بر 50 شمعة وابجورة ذابينهاا اهل ابو سارة في السيب منكسرة و7 علب تونة وخبز بريالين وجركل بنزين ونجمع بااغات خبز وصامولي ونعبيهاا هواء ((اكسجين)) ونعبي العدة كلهاا ونتفقدهاا
ونثبت في القاعدة حقت الصاروخ ((الخزان)) 1000 شرخ من نوع الصواريخ من عند نوير مع العلم حاولت الركوب معناا بس لايوجد لهااا محرم ((خالعة بايعتهاا تقول ابشوف السوق في القمر كاان فية سوق ماارجعت)) والله ونطق خوذتين ((طواقي الدبابات)) واخذ اناا وحدة وابو ساارة الخبل وحدة وابو صااهود قعد بهاا ((أي دج)) الفلوس مااكفت ولقينااا ورى سيب ابو سارة وجة لحاام ((قناع يستخدم عند اللحام لحماية العيون من الشرار)) ونلبسهياااه ونقوم ونجيب واير ((سيخ حديد يستخدم لسحب السيارات اذا غرزت)) ونربط فية شنطة جلد كبيرة فيهاا ملابسناا وطولة خمسة امتار ((تخيلو الخزان وطالع منة واير مربوط فية شنطة وجوا الصاروخ ثلااثة سطول من ادج خلق الله)) ونشيل الصاروخ عشاان اذا شبيناة ماتحترق جدران الفلة حقت ابوسارة ((واثقين)) ونطلعة على الشارع العام ونركب فية وابو حمد مبوبز يشب فية ((صار بين الشروخة حبة دنميت)) والله وتمر تريلة ((اي قلاابي)) ويشوف ها الدب معترض في الشارع وساجد يشب في الفتيلة ويتفاداة ويلقط الشنطة وينشب الواير في الصدام حق التريلة ((طبعآ سمعناا صوت الانفجار )) ويسحب الخزان وراة راعي التريلة ومادراا عن الموضووع وكلناا جواا الخزان نسمع صووت خخخخخ ؟؟ قلت ماعليكم اقلعناا ياشبااب هذاا صوت الهواء مااش ماضبطناا الجلدة حقت باب الصاروخ وتهرب هواء والله ويقوم ابوصاهود يطامر في اخر الخزان ويقول هاا ارتفعت عن الارض ولا لا؟؟((بزعمة راحت الجاذبية)) قلت انثبر لاتقعد تهز في الصاروخ وينصى المشتري وندج تراني ما ادل فية والله واقوم واطل مع البااب واشووف الشرار حق الخزان با الاسفلت وفي الليل ((يعني ما افرق بين السماء والارض)) وقلت شبااب كل شي تماام اقلعناا ويبيلناا 18 ساعة وانشاءالله نصير هنااك ((طبعا حسبت مشوار شقراء ساعتين وضربتهاا في 8 وطلع معي 18 بعاا انوار سيارات في الخط بس بعيدة عناا..ونسمي بالله ونصك بااب الخزان ((بااب كراسيدا موديل84)) وشوي خفت اجسامنااا ((مع السرعة الزائدة للتريلة فقدناا الجاذبية))وصاااح ابو صاهود قااال يمة يوم القيامة والزخة بكف ان طلع عقبهاا ضرس العقل حقة بحق وقلت لبو ساارة هذاا خويك صااجناا بة جاايب بزران انت رح الله يلعنك شغل لة التلفزيون المهم ونتفلت في الخزاان وكل شوي ناخذ على بااغة للاكسجين طبعاا والله وابو صااهود في زاوية الخزان العلوية هو والتلفزيون ((كنة امعشيش))((أي العنكبوت)) واناا اتابع القيادة ((مركب دركسون ددسني لاني مااعرف لغير طارتي)) والفلف يمين ويسار والخزان على نفس اتجاهة((كنة دركسون سفينة)) والله ونلزخ ذيكك اللزخة الي مااعقبهااا((كنة قلاابي صادم تيرسل)) ((طبعآ انقطع الواير وتدرباا الخزاان جوء البر بمسافة 10 كيلو من السرعة)) وندبج على سطح القمر ونفتح الباااب ونطلع روسناا نطل نشوف الوضع الجو هدوء وماافية احد والتراب يختلف والدنيااا غير ونمسك التراب ونقعد دويرة نطاامر ونعطي كفك لبعض ((أي نصافق اليدين قفمي فايف)) وننزل الفرشة وبااغاتناا في وجيهناا عشاان الاكسجين وننزل التونة جوعانين عقب الخط ونفرش الفرشة ونقعد نتعشاء والله ونتأمل دنيااا غريبة ونتمشى كلناا متماسكين وخايفين ومعناا سراج ((أي مصباح على القاز)) ونفرش الفرشة جنب الصاروخ ونناظر السماء كوكب الارض ونقول ياحليلك يابو حمد يااابعدك عنااا .. ونتامل وكل واحد يقول شكل الارض احلى من القمر من بعيد وابو صااهود يقول ليش الكرة الارضية مهيب زرقاا زي الخريطة الي في كتاب الجغرافيااا المهم ونقعد ذيك الليلة وخذ تخويف ورعب ومااش كل واحد دلااا يتوهم يقول شفت واحد بعين والثاني واحد خشمة في الجبهة (( مثل بزران مطفين اللمبة ويسولفون)) وقعدو يصيحوون نبي نرجع رجعناا الله ياخذك ياالبدر والله ونقعد نهندس ومااش فشلنا في العودة وشوي وتجي مركبااات غريبة انوارهاا قوية دارت علينااا واشتغلت المكرفوناات ((ارفعو يدينكم وذبو السلاااح)) والله ونطمر ونفرح وقلت غريبة اهلي فقدوني وارسلو فرقة للقمر يدوروني؟؟؟((والله مادرو عني)) ونجي نركض معناا الساكتون حق ابو صااهود ونقول هلاااا بهل الارض ونحبحب في يدينهم تكفوون مركبتناا تعطلت رجعوناا في مركبتكم ((الضابط فاق خشتة ويتامل )) وغمز للعسكري يشم اثمي ((يحسبني سكراان)) وقمناا نبربر علية بكل براااة ونقول شفتو الرجاجيل الخضر وابو عين وحدة والضاابط متحمل وساكت
ولقسم رمااح اقرب شي والله ونشوف القسم والتفت وقلت يووووو ((أي يلعن)) عندنااا سفارة هناا في القمر؟؟ خربت مع الضابط وبدووج شرطة للرياض وتم تسليمناا للقسم حق العليا والسليمانية
1-الصااروخ طاح في طريق الدمام قبل منتزة سعد ب3 كيلو
2-ابو حمد تم دفنة باسبااب حروق اعدمت اشباهة واخفت معالمة وتم التعرف علية با الزبيرية ماات وهو لابسهاا
ملاااحظة :- كل واحد يحلم بحلم على قدة ولايسوي فيهااا حبة ونصف مع الرز ا
××××××××××××××××××××××××××
وصلني عبر الايميل
